திகைத்த பயணிகள் – வானில் கேட்ட இரு வெடிச் சத்தங்கள்!

sabesan37 · sabesan37 Tue May 17, 2011 2:00 pm

திகைத்த பயணிகள் – வானில் கேட்ட இரு வெடிச் சத்தங்கள்!
--------------------------------------------------------------------------------------
விறுவிறுப்பு.காம், Tuesday 17 May 2011, 08:20 GMT
--------------------------------------------------------------------------------------
சிங்கப்பூர், சிங்கப்பூர்: நேற்று (திங்கட்கிழமை) சிங்கப்பூர் விமான நிலையத்தில் காத்தே பசிபிக் விமானம் ஒன்று எமர்ஜென்சி லான்டிங் செய்திருந்தது. வானில் பறக்கும்போது விமானத்தின் என்ஜின்களில் ஒன்றிலிருந்து வெடிப்புச் சத்தம் கேட்டதையடுத்தே விமானம் தரையிறக்கப்பட்டிருந்தது.

விமானத்தில் பயணித்த பயணிகள், விமானம் பறந்துகொண்ருந்தபோது இரு வெடிப்புச் சத்தங்கள் கேட்டதாகக் கூறுகின்றனர். அதையடுத்து விமானத்தின் லைட்கள் அனைத்தும் அணைந்து, இருள் சூழ்ந்தது. விமானத்துக்குள் ஏதோ தீப்பிடிக்கும் மணம் வீசத் தொடங்கியிருந்தது. விமானமும் நிலையில்லாமல் ஆடத் தொடங்கியிருந்தது.

இந்த விமானத்தில் பொருத்தப்பட்ட என்ஜின்கள் ரோல்ஸ் ராய்ஸ் தயாரிப்புகள்!

தற்போது பல்வேறு விமான நிறுவனங்களும் தத்தமது விமானங்களில் பொருத்தப்பட்டுள்ள என்ஜின்கள் சரியாக இயங்குகின்றனவா என்று அவசர அவசரமாகப் பார்க்கத் தொடங்கியுள்ளன. காரணம், இன்றுள்ள அநேக விமானங்களில் பொருத்தப்பட்டுள்ளவை ரோல்ஸ் ராய்ஸ் நிறுவனத் தயாரிப்பு என்ஜின்கள்!

ரோல்ஸ் ராய்ஸ், தமது தயாரிப்பு என்ஜின்கள் பற்றிய பல குற்றச்சாட்டுகளைச் சமீபகாலமாகச் சந்தித்து வருகின்றது. கடந்த வருடம், குவான்டஸ் எயார்லைன்ஸின் புத்தம்புதிய எயார் பஸ் A380 விமானமும், இதேபோல எமர்ஜென்ஸி லான்டிங் செய்யப்பட்டிருந்தது. தரையிறக்கப்பட்டபோது, அந்த விமானத்தில் ஒரு என்ஜின் தீப்பிடித்து எரிந்து கொண்டிருந்தது.

அந்த என்ஜினும் ரோல்ஸ் ராய்ஸின் தயாரிப்புத்தான்!

நேற்று சிங்கப்பூரில் அவசரமாகத் தரையிறக்கப்பட்ட காத்தே பசிபிக் விமானம், எயார்பஸ் A330 ரகத்திலான விமானம். சிங்கப்பூரிலிருந்து ஜக்கார்த்தாவுக்குச் செல்ல வேண்டிய விமானம் அது. பறக்கத் தொடங்கி சில நிமிடங்களிலேயே விமானம் மீண்டும் சிங்கப்பூர் விமான நிலையத்துக்குத் திருப்பப்பட்டிருக்கின்றது. விமானத்தின் 2வது இலக்க என்ஜினிலேயே கோளாறு ஏற்பட்டதாக அறிவிக்கப்பட்டுள்ளது.

காத்தே பசிபிக் விமான நிறுவனம், ரோல்ஸ் ராய்ஸிடம் முழுமையான விசாரணை ஒன்றைக் கோரியுள்ளது.

http://viruvirupu.com/2011/05/17/1953/