கலைஞரின் குடும்பத்திடமிருந்து சசிகலாவின் குடும்பத்திற்கு கைமாறிய தமிழ்நாடு

by தாமு Mon May 16, 2011 1:47 pm

(மே 13 அன்றே பதிவிட்டிருக்க வேண்டும் ப்ளாகர் செய்த அட்டகாசத்தால் இன்று இந்த பதிவு வெளியிடபடுகிறது)

ஒரு வழியாக அதிமுக ஆட்சி அமைப்பது உறுதியாகிவிட்டது. கலைஞரின் குடும்ப அரசியல் மீது மக்களுக்கு இருந்த வெறுப்பும் கோபமும் அதிமுகவிற்கு வெற்றியை தேடிக்கொடுத்திருக்கிறது. ஊழல் மீதான வெறுப்பும் சிறு அளவு வேலை செய்துள்ளது. ஆனால் இப்பொழுது நிகழ்ந்திருக்கும் ஆட்சி மாற்றம் கருணாநிதி குடும்பத்திடமிருந்து சசிகலா குடும்பம் ஊழல் செய்ய வழி வகுப்பது மட்டும் தான். இனி அதிமுக ஆட்சியில் பாலறும் தேனாறும் ஓடும் என்பது வீண் கனவு.

இன்னொரு பக்கம் தொடர்சியாக மாறி மாறி ஓட்டுபோடுவது என்பது ஒரு வித பழக்கமாகிவிட்ட நிலையில்(கேரளா மக்கள் மாதிரி). மேலே அரசியல்வாதிகள் தங்களுக்குகுள் ஒரு உடன்படிக்கைக்கு வர வாய்ப்பிருக்கிறது.ஏற்கனவே திமுக ஆட்சியில் சசிகலாவின் மிடாசில் போதிய பங்குகளை வாங்கிகொண்டு டாஸ்மாக்கிற்கு சரக்கு வாங்க அனுமத்திருந்தனர் திமுகவினர். அவர்களுக்குள் பிஸினஸ் அண்டர்ஸ்டேண்ட்ங் அருமையாக உள்ளது.

அதிமுகவின் இந்த வெற்றியை அதன் தனிபெரும் வெற்றி என்று பார்க்க முடியாது(தனி பெறும்பான்மை பெற்ற நிலையிலும்). அது திமுகவிற்கான ஆல்டர்நேட்டிவ் என்பது முக்கிய காரணம்.. உண்மையாகவே ஜெ வல்லவர் தான், எம்ஜியார் ஆஸ்பெத்திர்யில் படுத்துக்கொண்டே ஜெயித்தார் என்றால் ஜெவோ கொடாநாட்டில் ஓய்வெடுத்தப்படியே ஜெயித்திருக்கிறார்.

மக்களை பொருத்தவரை திமுகவின் இலவசங்களோ (அதிமுகவும் கொடுக்கபோகிறது!) மற்ற நல்ல திட்டங்களோ பின்னுக்கு தள்ளப்பட்டிருக்கின்றன, ஓட்டுக்கு காசு கொடுத்தாவது ஜெயித்துவிடலாம் என்பதும் பொய்யாகியுள்ளது. ஒரு வேளை ஓட்டுக்கு காசு என்பது இடைத்தேர்தலில் மட்டும் வேலை செய்யலாம்.

மக்கள் தங்கள் கோபத்தை வெளிக்காட்டியாயிற்று, இனி அவர்கள் கையில் உள்ள தூசியை தட்டி விட்டு அவரவர் வேலை பார்க்க கிளம்பிவிடுவார்கள். நாளை ஜெயலலிதா ஒழுங்காக ஆளவில்லை என்றால், அவரை அடுத்த ஐந்து வருடம் கழித்து இதே மாதிரியாக வெயிலில் நின்று பழிதீர்த்துவிடுவார்கள். மற்ற கால கட்டதில் திறமை இருப்பவர் ஊழல் செய்து பணம் சம்பாதித்துக்கொண்டு முன்னேறுவார்கள்.

ஸ்பெட்ரம் என்ற ஒரு வார்த்தை நிச்சயம் பல இடங்களில் நன்றாக வேலை செய்துள்ளது. மொத்த பணத்தையுமே கருணாநிதி குடும்பம சுருட்டி கொண்ட்து என மக்கள் நிச்சயம் நம்புகிறார்கள். இது இன்னும் எம் ஜி ஆர் உயிரோடு இருக்கிறர் என்று நம்புவதை விட முட்டாள்தனமானது தான்.மொத்தப் பணத்தில் பெர்ம்பான்மையை சுருட்டிய தனியார் நிறுவன்ங்கள் அடுத்து அதிமுகவை தேடியும் வருவார்கள்.

ஏன் என்றால் திமுகவிற்கும் அதிமுகவிற்கும் நாட்டை விற்பதில், மக்களை சுரண்டுவதில் பெரிய வித்தியாசமில்லை, அவர்கள் கொளகையிலும் பெரிய வித்தியாசமில்லை. இரண்டுபேருமே பொருளாதார அளவில் தனியாருக்கு நாட்டை விற்க தயாராகவே உள்ளன்ர். என்ன கலைஞரின் காலத்தில் அடக்கி வாசித்த பார்பன பாசிசம் ஜெ ஆட்சியில் கொஞ்சம் வீதிக்கு வெளியே வந்து ஆடும்.

கருணாநிதி எதிர்ப்பு என்பது அதிமுகவின் ஓட்டு வங்கியுடன் சேர்ந்து தேமுதிகவிற்கும், போலி கம்யுனிஸ்டுகளுக்கும் கொஞ்சம் அள்ளி கொடுத்திருக்கிறது.தேமுதிகவை பொருத்தவரை திமுக அளவிற்கு சீட்டுகளை வென்றிருப்பது ஆச்சரியம். இன்னொரு பக்கம் திமுகவிற்கோ அசிங்கம்.
இரு மாத நாடகம் முடிந்து மக்களின் தேவை முடிவுக்கு வருகிறது, மக்களெல்லாம் த்ங்களை அரசியலில் இருந்து துண்டித்துக்கொள்ள்வே விரும்புவார்கள். அவர்களின் பணி தான் முடிவடைந்துவிட்டதே. அடுத்த கோபம் ஐந்துவருடம் கழித்து தான்.

காங்கிரஸ் தோல்வியை பொருத்தவரை அது சீமானால் என்றோ அல்லது ஈழ பிரச்ச்னையை முன்றுத்தி இந்த தோல்விகள் திமுகவிற்கு ஏற்பட்டதென்றோ நினைப்பது எதிரியை குறைத்து மதிப்பிடுவது. வேண்டுமென்றால், ஈழ கொலைகள் போது கண் மூடியிருந்த்வர்களின் ஆட்சி ஒழிந்தது என்று சந்தோஷ்பட்டுக்கொள்ளலாம். தமிழ்நாட்டை பொருத்தவரை காங்கிரஸ் செத்த பாம்பு அதை திரவிட கட்சிகள் தான் முதுகில் சுமந்தன. இப்பொழ்தும் அதிமுக காங்கிரஸுடன் உறவு ஏற்பட முயற்ச்சிகளை செய்த்படி தான் இருப்பார்.

ஜெயலலிதா மாறிவிட்டார், திருந்திவிட்டார் என்று எல்லாம் நம்ப முடியாது. அதை அவரே உரிய ஆதாரங்களுடன் நிருபித்துகாட்டுவார்.ஊழல் லஞ்சம் இனியும் தொடரும், அடக்கு முறை அதிகமாக்வே இருக்கும், த்னி ஈழம் இப்பொழுதும் கிடைக்காது, பார்பனியம் அறியனை ஏறும் அதனால் மக்க்ளே நமக்கான வேலை அப்படியே தான் உள்ளது.

போராடுவது...

அக்னிபார்வை