அ.தி.மு.க.வின் வெற்றிக்கு காரணமான முதல் 10 நபர்கள்!

sabesan37 · sabesan37 Mon May 16, 2011 2:03 pm

அ.தி.மு.க.வின் வெற்றி எதிர்பார்க்கப்பட்டதுதான். ஆனால், இவ்வளவு
ஆக்ரோஷமான வெற்றியாக இருக்குமென்று அந்தக் கட்சியினரேகூட யோசித்திருக்க
மாட்டார்கள்.

அ.தி.மு.க.வின் வெற்றியில் ஜெயலலிதாவுக்கு எவ்வளவு பங்கு இருக்கின்றதோ,
அதற்குக் குறையாத அளவில் மற்றயவர்களுக்கும் பங்கு இருக்கின்றது.

காரணம் என்ன?

கடந்த ஆட்சிக் காலத்தில் ஜெயலலிதா எதிர்க்கட்சித் தலைவராக இருந்து,
மக்களுக்காகப் போராடினாரா? தமிழகத்தில் நடைபெறும் ஆட்சிக்கு எதிராக
வீதிகளில் இறங்கினாரா? குறைந்தபட்சம் தனது சொந்தக் கட்சிக்காரர்களால் எந்த
நேரத்திலும் அணுகப்படக்கூடிய தலைவராக இருந்தாரா? அல்லது, அரசியலில்
ராஜதந்திர ரீதியாகக் காய்களை நகர்த்தி செக் வைத்தாரா?

மேலேயுள்ள அனைத்துக் கேள்விகளுக்கும் ஒரே பதில்தான் – “இல்லவே இல்லை!”

அப்படியிருந்தும் அவருக்கு இப்படியான ஒரு இமாலய வெற்றி கிடைக்கிறது
என்றால் என்ன காரணம்? அவரது வெற்றிக்கு மற்றயவர்களும் முக்கிய காரணமாக
இருக்கிறார்கள் என்பதே! இதோ, அ.தி.மு.க. கூட்டணியின் அமோக வெற்றிக்குக்
காரணமாக இருந்த முதல் 10 நபர்களின் பெயர்களைப் பட்டியலிடுகிறோம்.
பாருங்கள்.

1- ஜெயலலிதா ஜெயராம். (சொந்த வாக்கு வங்கியைத் தக்க வைத்திருந்தது, பிளஸ் அ.தி.மு.க.வைக் கலைய விடாமல் கட்டிக் காத்தது)

2- கலைஞர் மு. கருணாநிதி. (கையாலாகாத நிலையால் எதிராளிக்குக் கிடைத்த பலன்)

3- விஜயகாந்த். (தனித்து நின்று வாக்குக்களைப் பிரிக்காதது, பிளஸ் தனிப்பட்ட வாங்கு வங்கி)

4- தமிழக காங்கிரஸ் தலைவர் தங்கபாலு. (ஸ்ரீலங்கா விஷயத்தை சரியாக ஹான்டில் பண்ணும் அளவுக்குத் திறமையின்மை)

5- கனிமொழி, ராசா அன்ட் கோ (இவர்கள் ஒதுக்கியதாகக் கூறப்படும் பணத்தில்
ஒவ்வொரு 1000 ரூபாவுக்கும், 1 வாக்கு என்ற விகிதத்திலாவது தி.மு.க.வுக்கு
எதிராகத் திரும்பியிருக்கும்.

6- உதயநிதி ஸ்டாலின், தயாநிதி அழகிரி, கலாநிதி மாறன் (தமிழக மக்களின் ரத்தத்தில் ஊறிய சினிமாத்துறையில் பலவந்தமான ஏகபோக ஆட்சி)

7- கலைஞரின் (இரு அம்மாள்களில் ஒரு அம்மாள் உட்பட) இதர குடும்பத்தினர் (முக்கிய வர்த்தகங்கள் முழுவதும் குடும்பச் சொத்து)

8- “இந்திரனே.. சந்திரனே” பாராட்டு விழா ஏற்பாட்டாளர்கள். (மக்களை எரிச்சல் படுத்திய வாரமொரு நிகழ்வுகள்)

9- பா.ம.க. டாக்டர் ராமதாஸ் (சமீபகாலமாக இவர் ஒதுங்கும் இடம் எதுவும் உருப்படுவதில்லை)

10-மு.க. அழகிரிக்கும் மிகச் சிறிய பங்கு (ஆளுமை இருந்தும், தி.மு.க.வைக் கைப்பற்றாமை)
நன்றி - விறுவிறுப்பு.காம்
http://viruvirupu.com/2011/05/13/1704/