திமுக தோல்வி எதிரொலி : குஷ்புவும் ஓட்டம்!

by **krishnaamma** Mon May 16, 2011 12:07 pm

சட்டசபை தேர்தலில் தி.மு.க., படு தோல்வியடைந்ததையடுத்து, முதல்வருக்கு ஜால்ரா போட்டு வந்த ராமநாரயணன், வி.சி.குகநாதன் ஆகியோரைத் தொடர்ந்து, சின்னத்திரை தயாரிப்பாளர் சங்த தலைவர் பதிவியிலிருந்து நடிகை குஷ்புவும் ராஜினாமா செய்தார்.

தமிழக சட்டசபை தேர்தலையொட்டி தமிழகம் முழுவதும் தி.மு.க.,வுக்கு ஆதரவாக பிரசாரம் செய்தார் நடிகை குஷ்பு. குஷ்புவின் பேச்சை கேட்ட நிறைய கூட்டமும் கூடியது. ஆனால் கூடிய கூட்டம் எல்லாம் தி.மு.க.,வுக்கு தான் மக்கள் ஓட்டு போடுவார்கள் என்று தவறாக புரிந்து கொண்டார் பேலும் குஷ்பு. இந்நிலையில் தேர்தல் முடிவுகள் வெளியாகி அதில் அதிமுக அமோகமாக வெற்றி பெற்றது. திமுக படுதோல்வியடைந்தது. தேர்தல் தோல்வி குறித்து குஷ்பு பேசியபோது, தேர்தலில் தோற்றது திமுக., அல்ல, மக்கள் தான், இன்னும் ஐந்து ஆண்டு காலத்திற்கு மக்கள் தான் கஷ்டப்படபோகிறார்கள் என்று சாபம் கொடுப்பது போல பேசியிருந்தார். இதற்கு பலரும் எதிர்ப்பு தெரிவித்து இருந்தனர்.

இதுஒருபுறம் இருக்க, சின்னத்திரை தயாரிப்பாளர்கள் சங்கத்தலைவர் பதிவியிலிருந்து திடீரென குஷ்பு ராஜினாமா செய்துள்ளார். தனிப்பட்ட வேலைகள் காரணமாக தனது பதவியை ராஜினாமா செய்ததாக குஷ்பு கூறியிருக்கிறார். பதவி விலக தனிப்பட்ட வேலைகள் காரணம் என்று குஷ்பு கூறினாலும், உண்மையான காரணம் வாசகர்களாகிய உங்களுக்கு தெரியாத என்ன...? ஏற்கனவே தமிழ் திரைப்பட தயாரிப்பாளர் சங்க தலைவர் பதவியிலிருந்து ராம நாரயணன், பெப்சி சங்க தலைவர் பதவியிலிருந்து வி.சி.குகநாதன் ஆகியோர் பதவி விலகியிருப்பது குறிப்பிடத்தக்கது.