இதற்கு எதற்கு டாக்டர்?

தாமு · தாமு Mon May 16, 2011 1:03 pm

படுக்கை அறை விசயம் நான்கு சுவர்களுக்குள்தான் தெரியவேண்டும் என்பார்கள். ஆனால் இன்று நாலு பேருக்குத் தெரிந்து நானூறு பேர் மத்தியில் விவாகரத்து வழக்கிற்காக கால் கடுத்து நிற்கிறார்கள், கோர்ட் வாசலில் இன்றைய தலைமுறையினர்.

திருமண பந்தம் இப்போதெல்லாம் ஆயிரம் காலத்துப் பயிர் என்ற பழமொழிக்கு அப்பால் சென்று, ‘பார்த்தவுடன் காதல், பார்க்காமலே காதல், இண்டர்நெட் காதல், பேஸ் புக் காதல்’ என காதலின் வகைகள் அதிகரித்துவிட்டன.

சரி, பெரியவர்கள் பார்த்து நிச்சயித்த திருமணமோ முதல் ராத்திரியில் கணவன் தூக்கில் தொங்கும் அளவுக்குப் போய்விட்டதைப் பத்திரிகைகளில் பார்க்க முடிந்தது. எல்லாவற்றுக்கும் என்ன காரணம் என்று பார்த்தோமானால் இன்றைய சூழ்நிலைக்குத் தகுந்த மாதிரி வேலைப்பளு அதிகரித்தல், கணவன் மனைவியிடையே ஏற்படும் ஈகோ, நேரமின்மை எனப் பலவாறாகப் படுக்கை அறை பிரிக்கப்பட்டு, ஒரே படுக்கையில் தனி வாழ்க்கை நடத்துகின்றனர். இவர்களில் 20 வயதிலிருந்து 30 வயதிற்குள்ளாக இருக்கும் தம்பதிகள்தான் அதி்கம்.

எதற்காக இந்த வாழ்க்கை வாழவேண்டும் என்ற முட்டாள்தனமான முடிவு எடுக்கும் அளவுக்குக்கூட முற்றிப் போய்விடுகிறது. வேலைப்பளு உடலளவில் இப்பொழுதெல்லாம் குறைந்துவிட்டாலும் மனதளவில் அதிக மாகிவிட்டது. மனரீதியாக ஒரு சோர்வு. இந்த நிலை ‘Stress’ (மனஅழுத்தம்) என்னும் படுகுழியில் தள்ளிவிடுகிறது.

‘ஈகோ’! இது அதைவிடக் கொடியது. கணவன், மனைவியிடையே நீ, நான் எனப் போட்டி அதிகரித்து ஒருத்தரை ஒருத்தர் கொலை செய்யும் அளவிற்குக்கூடப் போய்விடுகிறது.

‘நேரமின்மை’! திருமணத்திற்கே அரைநாள் லீவு எடுத்துக்கொண்டு மதியம் அலுவலகம் சென்றுவிடுகிறார்கள் புதுமணத் தம்பதிகள்.

பல குடும்பங்களில் கணவனுக்கு இரவுப் பணி, மனைவிக்கு பகல் பணி என்று இருவரும் சந்தித்துக் கொள்ளும் நேரமே இடைவேளையாக இருக்கிறது.

உடல்ரீதியான உறவு என்பது ஒரு வயதிற்குமேல் ஆணுக்கும் பெண்ணிற்கும் உடல்ரீதியாகத் தேவைப்படும் ஒரு உணர்வு. அதனை அடக்குவதால் ‘High level Stress’ என தம்பதிகள் இருவரும் மருத்துவரிடம் சென்று Appoinment கேட்கிறார்கள்.

மருத்துவரிடம் சென்று காத்திருந்து சந்திக்கும் நேரத்தை, தம்பதிகள் தங்கள் கருத்துகளைப் பரிமாறிக் கொண்டால் மருந்தும் தேவைப்படாது என்பது பலருக்கும் புரிவதில்லை.

இதைச் சமாளிக்க என்ன செய்வது, நமக்கு அதற்கான வழிகளே இல்லை எனப் பலர் இரவு நேரங்களில் கையைப் பிசைந்துகொண்டு அங்கும் இங்கும் அலைந்து கொண்டிருப்பார்கள். தேவையில்லை. தீர்வு நமக்குள்தான் இதோ,

• கணவன், மனைவி இருவருக்கும் தகுந்த நேரம் ஒன்றைத் தேர்ந்தெடுத்து தினமும் அரைமணி நேரமாவது அன்றைய நாளில் நடந்த நிகழ்வுகளைப் பகிர்ந்துகொள்ள வேண்டும்.

• வீட்டிற்கு வந்தவுடன் அலுவலகப் பணிகள் பற்றிச் சிந்திப்பதைத் தவிர்க்க வேண்டும். இது Stressலிருந்து விடுதலையாக்கும்.

• இருவரும் தங்களுக்குள் எந்தெந்த காரணங்களால் பிரச்சினை வருகிறது, அப்பிரச்சினையிலிருந்து தப்பிக்க எவ்வாறு நடந்து கொள்ள வேண்டும், அதன் மூலம் என்னென்ன மனக்கசப்புகள் ஏற்படுகின்றன என்பதைத் தெளிவாகப் பேசிக்கொள்ள வேண்டும்.

• சில சமயங்களில் தம்பதிகள் இருவரும் பொழுதுபோக்காக வெளியிடங்களுக்குச் சென்று வருதல் ஆரோக்கியமான விசயம்.

• நல்ல தருணங்களில் பரிசுப் பொருட்கள் வாங்கித் தருவதன் மூலம் ‘அன்பிற்கினிய அன்பு’ பெறப்படும் தம்பதிகளிடம்.

• வாரம் இருமுறையேனும் உறவு கொள்ளுதல், யோகா, உடற்பயிற்சிகள் போன்றவற்றில் ஈடுபடுதல் ஆகியவற்றால் உடல் ஆரோக்கியத்திற்கான அழகும், மன ஆரோக்கியத்திற்கான புரிதலும் கிடைக்கும்.

இதையெல்லாம் மேற்கொள்ளும் தம்பதிகளிடம் பிரிவுகள் வருவ தில்லை. மருத்துவர்களின் ஆலோசனைகளும் இதையே அறிவுறுத் துகின்றன. படுக்கை விரிப்பு சுத்தம் போலவே அதில் படுக்கும் தம்பதிகளின் மனச் சுத்தமும் அவசியம். அப்போதுதான் வாழ்க்கை விரிசல் விழாமல் இருக்கும்.

கவின் இ