ரஜினி உடல் நலச்செய்திகள் ..!

First topic message reminder :



சென்னை: வைரஸ் காய்ச்சலால் பாதிக்கப்பட்ட நடிகர் ரஜினிகாந்த், சிகிச்சைக்காக போரூர் ராமச்சந்திரா மருத்துவமனைக்கு அழைத்துச் செல்லப்பட்டுள்ளார்.

வைரஸ் காய்ச்சல், நீர்ச் சத்து குறைவால் மே 4-ம் தேதி சென்னையில் தனியார் மருத்துவமனையில் அனுமதிக்கப்பட்டார் ரஜினிகாந்த். அவருக்கு முழு ஓய்வு தேவைப்பட்டதால் மருத்துவமனையிலேயே தங்கியிருந்தார். பார்வையாளர்களை தவிர்த்து ஓய்வில் இருந்த அவர், கடந்த செவ்வாய்க்கிழமை வீடு திரும்பினார்.

நேற்று அவரது உடல் நிலை குறித்து அவ்வப்போது வதந்திகள் வந்த வண்ணம் இருந்தன. உடலில் இன்னும் சீரான முன்னேற்றம் ஏற்படாததால், அமெரிக்காவுக்கு சென்று சிகிச்சை எடுக்கப் போகிறார் என்றும் கூறப்பட்டது. இதனை அவரது மூத்த மகள் ஐஸ்வர்யா மறுத்திருந்தார்.

இந்நிலையில், வெள்ளிக்கிழமை காலை அவரது உடல் நிலை குறித்து திடுக்கிட வைக்கும் வதந்திகள் பரவியது. இதனால் ரசிகர்கள், பொதுமக்கள் மத்தியில் பெரும் பரபரப்பு ஏற்பட்டது. ஒருவருக்கொருவர் தொலைபேசியில் ரஜினியின் உடல் நிலைப் பற்றி பேசியவாறு இருந்தனர்.

இதனால், லதா ரஜினிகாந்த், நேற்று செய்தியாளர்களிடம், ரஜினி நலமாக இருக்கிறார் என்று தெரிவித்தார். இந்நிலையில், இன்று அவர் முழு உடல் பரிசோதனைக்காக, சென்னை போரூர் ராமச்சந்திரா மருத்துவமனைக்குச் சென்றுள்ளார். பரிசோதனை முடிவுகளைப் பொறுத்து, அவர் அங்கு அனுமதிக்கப்பட்டு மேல் சிகிச்சை பெறுவாரா அல்லது உடனடியாக வீடு திரும்புவாரா என்பது தெரியவரும்.

இதுகுறித்து அவரது போயஸ் தோட்ட இல்லத்தில் விசாரித்த போது, ரஜினி வழக்கமான பரிசோதனைக்காக ராமச்சந்திரா மருத்துவமனை சென்றுள்ளார், என்றனர்.
தட்ஸ்தமிழ்

///அபூர்வ ராகங்கள்' மூலம் 1975-ம் ஆண்டு தமிழ்த் திரையுலகில்
அறிமுகமான ரஜினிகாந்த்துக்கு 60 வயதாகிறது. தமிழ், தெலுங்கு, கன்னடம், மலையாளம்,
ஹிந்தி, ஆங்கிலம் உள்பட இதுவரை சுமார் 154 படங்களில் நடித்துள்ளார்.///

அரிய தகவல்!

கடந்த 13-ந் தேதி நடிகர் ரஜினிகாந்த் உடல் நலக்குறைவு காரணமாக போரூர் ஸ்ரீராமச்சந்திரா மருத்துவமனையில் சிகிச்சைக்காக அனுமதிக்கப்பட்டார். தொடர்ந்து சிகிச்சை அளிக்கப்பட்டு வந்த நிலையில் அவரது உடல் நிலையில் முன்னேற்றம் ஏற்பட்டு வருவதாக செய்திகள் வெளியாகின. இந்நிலையில் நேற்று தீடிரென ரஜினி தீவிர சிகிச்சை பிரிவுக்கு மாற்றப்பட்டார். இதனால் அவரைப் பற்றி தவறான தகவல்கள் பரவியது. இதன் காரணமாக போரூர் ஸ்ரீராமச்சந்திரா மருத்துவமனையின் முன்பு ஏராளமான ரசிகர்கள் திரண்டு வருகின்றனர். இதுபற்றி இன்று ரஜினிகாந்தின் மனைவி லதா ரஜினிகாந்த் அளித்துள்ள பேட்டியில், ரஜினிகாந்த் நலமுடன் இருக்கிறார். உடல் உறுப்புகள் அனைத்தும் சீராக இயங்கி வருகின்றன. டாக்டர்களின் நேரடி கவனிப்புக்காகவே தீவிர சிகிச்சை பிரிவில் அனுமதிக்கப்பட்டுள்ளார். ரஜினி உடல்நிலை பற்றி வரும் வதந்திகளை யாரும் நம்ப வேண்டாம் என்று தெரிவித்தார். மேலும் போரூர் ராமச்சந்திரா மருத்துவமனை தலைவர் டாக்டர். தணிகாசலம் கூறுகையில், ரஜினி உற்சாகமாக உள்ளார். ரஜினிகாந்திற்கு சுவாசத்தை மேம்படுத்துவதற்காக தீவிர சிகிச்சை பிரிவிற்கு மாற்றப்பட்டுள்ளார். ரஜினி இன்று காலையில் இட்லி, வடையை சுவைத்து சாப்பிட்டார் எனவும் தெரிவித்தார். -நன்றி மாலைமலர்

அடடா எதுக்குதான் இப்படி இந்த செய்திய பெரிசா ஆக்குராங்களோ.

நடிகர் ரஜினிகாந்த்
உடல்நலக்குறைவு காரணமாக சென்னை போரூரில் உள்ள ராமச்சந்திரா மருத்துவமனையில்
தீவிர சிகிச்சை பிரிவில் அனுமதிக்கப்பட்டுள்ளார். அவருக்கு மருத்துவ
நிபுணர்கள் சிகிச்சை அளித்து வருகின்றனர்.





ரஜினியின் குடும்பத்தினர் அவரது அருகில் இருந்து கவனித்து வருகின்றனர்.



அவரை சில தினங்களுக்கு
முன் குஜராத் முதல்வர் நரேந்திர மோடி, ஆந்திர முன்னாள் முதல்வர் சந்திரபாபு
நாயுடு உள்ளிட்டோர் சந்தித்து நலம் விசாரித்தனர்.




இந்த நிலையில் இன்று ரஜினியை தேமுதிக தலைவர் விஜயகாந்த் சந்தித்து அவரது உடல்நலம் குறித்து விசாரித்தார்.




பின்பு வெளியே வந்த அவர் செய்தியாளர்களிடம், ‘’ரஜினி நலமுடன் இருக்கிறார்’’ என்று தெரிவித்தார்.

ரஜினி நலமுடன் இருப்பது மகிழ்ச்சியான விஷயம்....

ரஜினி நலமுடன் இருப்பது மகிழ்ச்சியான விஷயம்..

அபாய கட்டத்தை தாண்டி விட்டார் ரஜினி என்று நேற்று வந்த தகவல்கள் அதற்குள் வேறு மாதிரியான கட்டத்தை எட்டியிருப்பதுதான் சோகம். இதயப்பகுதியிலும் ஏதோ பிரச்சனை ஏற்பட்டுள்ளதாம் அவருக்கு. நேற்று நள்ளிரவு அவசர சிகிச்சை பிரிவுக்கு மாற்றப்பட்ட ரஜினிக்கு பிரபல இதய நோய் நிபுணர் டாக்டர் தணிகாசலம் தலைமையிலான மருத்துவர்கள் குழு தொடர்ந்து சிகிச்சை அளித்து வருகிறார்களாம்.


மருத்துவமனையில் இருந்து தகவல்கள் வெளியே கசிகிறது என்பதற்காக ரஜினி அனுமதிக்கப்பட்டிருக்கும் பகுதியில் செக்யூரிடியை பலப்படுத்தியிருக்கிறார்களாம். ரஜினி தங்கியிருக்கும் அறைக்குள் நர்சுகள் மட்டுமல்ல, டாக்டர்கள் செல்வதற்கு கூட கட்டுப்பாடு விதிக்கப்பட்டிருக்கிறதாம். அந்தந்த துறை சார்ந்த தலைமை டாக்டர்கள் மட்டும்தான் உள்ளே செல்ல வேண்டும் என்று கட்டுப்பாடு விதிக்கப்பட்டிருக்கிறதாம்.


இதற்கிடையில் ராமசந்திரா மருத்துவமனையிலிருந்து வேறு மருத்துவமனைக்கு ஷிப்ட் ஆகிவிட வேண்டும் என்று நினைக்கிறார்களாம் ரஜினி குடும்பத்தினர். மும்பையில் உள்ள பிரபல மருத்துவமனைக்கு கொண்டு செல்வதுதான் அவர்களின் திட்டம். இதற்காக தொழிலதிபர் அம்பானியுடன் பேசப்பட்டதாகவும், தனக்கு சொந்தமான விமானத்தை அவர் அனுப்பி வைக்க முன் வந்திருப்பதாகவும் கூறப்படுகிறது.


இந்த விமானம் சிறு மருத்துவமனை போலவே இருக்குமாம். இந்த தனி விமானத்தில் ரஜினி மும்பை கொண்டு செல்லப்படலாம் என்பதுதான் நமக்கு கிடைத்திருக்கும் லேட்டஸ்ட் தகவல்.





by நிதர்ஷனின் பேனா யுத்தம்

பணம் நிறைய இருந்தால் உயர் தர சிகிச்சை கிடைக்கும் அப்போ ஏழைகளுக்கு