ராமச்சந்திரா மருத்துவமனையில் ரஜினி!!

kitcha · kitcha Sat May 14, 2011 3:02 pm

ரஜினி உடல் நலச்செய்திகள் ..! 14-rajinikanth300-1

சென்னை: வைரஸ் காய்ச்சலால் பாதிக்கப்பட்ட நடிகர் ரஜினிகாந்த், சிகிச்சைக்காக போரூர் ராமச்சந்திரா மருத்துவமனைக்கு அழைத்துச் செல்லப்பட்டுள்ளார்.

வைரஸ் காய்ச்சல், நீர்ச் சத்து குறைவால் மே 4-ம் தேதி சென்னையில் தனியார் மருத்துவமனையில் அனுமதிக்கப்பட்டார் ரஜினிகாந்த். அவருக்கு முழு ஓய்வு தேவைப்பட்டதால் மருத்துவமனையிலேயே தங்கியிருந்தார். பார்வையாளர்களை தவிர்த்து ஓய்வில் இருந்த அவர், கடந்த செவ்வாய்க்கிழமை வீடு திரும்பினார்.

நேற்று அவரது உடல் நிலை குறித்து அவ்வப்போது வதந்திகள் வந்த வண்ணம் இருந்தன. உடலில் இன்னும் சீரான முன்னேற்றம் ஏற்படாததால், அமெரிக்காவுக்கு சென்று சிகிச்சை எடுக்கப் போகிறார் என்றும் கூறப்பட்டது. இதனை அவரது மூத்த மகள் ஐஸ்வர்யா மறுத்திருந்தார்.

இந்நிலையில், வெள்ளிக்கிழமை காலை அவரது உடல் நிலை குறித்து திடுக்கிட வைக்கும் வதந்திகள் பரவியது. இதனால் ரசிகர்கள், பொதுமக்கள் மத்தியில் பெரும் பரபரப்பு ஏற்பட்டது. ஒருவருக்கொருவர் தொலைபேசியில் ரஜினியின் உடல் நிலைப் பற்றி பேசியவாறு இருந்தனர்.

இதனால், லதா ரஜினிகாந்த், நேற்று செய்தியாளர்களிடம், ரஜினி நலமாக இருக்கிறார் என்று தெரிவித்தார். இந்நிலையில், இன்று அவர் முழு உடல் பரிசோதனைக்காக, சென்னை போரூர் ராமச்சந்திரா மருத்துவமனைக்குச் சென்றுள்ளார். பரிசோதனை முடிவுகளைப் பொறுத்து, அவர் அங்கு அனுமதிக்கப்பட்டு மேல் சிகிச்சை பெறுவாரா அல்லது உடனடியாக வீடு திரும்புவாரா என்பது தெரியவரும்.

இதுகுறித்து அவரது போயஸ் தோட்ட இல்லத்தில் விசாரித்த போது, ரஜினி வழக்கமான பரிசோதனைக்காக ராமச்சந்திரா மருத்துவமனை சென்றுள்ளார், என்றனர்.
தட்ஸ்தமிழ்

**ந.கார்த்தி** · **ந.கார்த்தி** Sat May 14, 2011 8:22 pm

சென்னை: நடிகர் ரஜினிகாந்த் இன்று போரூர் ராமச்சந்திரா மருத்துவமனையில் சிகிச்சைக்காக அனுமதிக்கப்பட்டார்.

வைரஸ் காய்ச்சல், நீர்ச் சத்து குறைவால் மே 4ம் தேதி சென்னையில் தனியார் மருத்துவமனையில் அனுமதிக்கப்பட்டார் ரஜினிகாந்த். அவருக்கு முழு ஓய்வு தேவைப்பட்டதால் மருத்துவமனையிலேயே தங்கியிருந்தார். பார்வையாளர்களை தவிர்த்து ஓய்வில் இருந்த அவர், கடந்த செவ்வாய்க்கிழமை வீடு திரும்பினார்.

பின்னர் பாரிமுனையில் உள்ள காளிகாம்பாள் கோவில், திருவான்மியூரில் உள்ள பாம்பன் சாமி ஆலயங்களுக்குச் சென்று சாமி தரிசனம் செய்தார்.

இந் நிலையில் அவர் அமெரிக்காவுக்கு சென்று சிகிச்சை எடுக்கப் போகிறார் என்று கூறப்பட்டது. இதை அவரது மூத்த மகள் ஐஸ்வர்யா மறுத்திருந்தார்.

இந்நிலையில், நேற்று காலை அவரது உடல் நிலை குறித்து திடுக்கிட வைக்கும் வதந்திகள் பரவியது. இதனால் ரசிகர்கள், பொதுமக்கள் மத்தியில் பெரும் பரபரப்பு ஏற்பட்டது. ஒருவருக்கொருவர் தொலைபேசியில் ரஜினியின் உடல் நிலைப் பற்றி பேசியவாறு இருந்தனர்.

இதனால், லதா ரஜினிகாந்த், நேற்று செய்தியாளர்களிடம், ரஜினி நலமாக இருக்கிறார் என்று தெரிவித்தார்.

இந் நிலையில் நேற்றிரவு ரஜினிக்கு மீண்டும் உடல் நலக்குறைவு ஏற்பட்டது. இதையடுத்து போரூர் ராமச்சந்திரா மருத்துவமனையில் அவர் சிகிச்சைக்காக அனுமதிக்கப்பட்டுள்ளார்.

அவருக்கு காய்ச்சலும் காலில் வீக்கமும் இருப்பதாக கூறப்படுகிறது.

இதுகுறித்து அவரது போயஸ் தோட்ட இல்லத்தில் விசாரித்த போது, ரஜினி வழக்கமான பரிசோதனைக்காக மருத்துவமனை சென்றுள்ளார் என்றனர்.
தட்ஸ் தமிழ்

மஞ்சுபாஷிணி · மஞ்சுபாஷிணி Sat May 14, 2011 11:06 pm

ரஜினி நலமுடன் குணம் அடைய என் அன்பு பிரார்த்தனைகள்....

**Aathira** · **Aathira** Sat May 14, 2011 11:15 pm

ரஜினி குணம் அடைய என் பிரார்த்தனைகளும்....

ரஜினி உடல் நலச்செய்திகள் ..! Young-girl-praying_%7E607491

**ந.கார்த்தி** · **ந.கார்த்தி** Sun May 15, 2011 9:34 pm

சென்னை : நடிகர் ரஜினிகாந்த் சாதாரண வார்டில் சிகிச்சை பெற்று வருகிறார். அவரது உடல்நிலையில் முன்னேற்றம் ஏற்பட்டுள்ளது என்று அவர் அனுமதிக்கப்பட்டுள்ள போரூர் ராமச்சந்திரா மருத்துவமனை தெரிவித்துள்ளது.

ரஜினிகாந்த் உடல் நலம் குறித்து ராமச்சந்திரா மருத்துவமனையின் செய்தித் தொடர்பாளர் டிஜி நல்லமுத்து வெளியிட்டுள்ள செய்திக்குறிப்பில்,

நடிகர் ரஜினி தற்போது சாதாராண வார்டில் தான் சிகிச்சை பெற்று வருகிறார். அவசர சிகிச்சை பிரிவில் (ஐசியு) இல்லை.

நுரையீரலில் தொற்று பாதிப்பு குறித்து அவருக்கு முழு பரிசோதனை நடைபெறுகிறது. தற்போது அவரது உடல்நிலையில் நல்ல முன்னேற்றம் ஏற்பட்டுள்ளது.

உடல்நலம் சீராகும் வரை, ரஜினி முழு ஓய்வு எடுக்க வேண்டும் என்று அவரை கவனித்து வரும் மருத்துவர்கள் தெரிவித்துள்ளனர் என்று தெரிவிக்கப்பட்டுள்ளது.

ரஜினிகாந்த் வெள்ளிக்கிழமையன்றே இங்கு சேர்க்கப்பட்டு விட்டார். ஆனால் அதை ஏதோ மறைப்பது போல அவரது மனைவி லதா வீட்டில்தான் இருக்கிறார், நன்றாக இருக்கிறார் என்று கூறியிருந்தார். இந்த நிலையில் இன்று காலை ரஜினிகாந்த் குறித்து மீண்டும் தவறான செய்தி பரவியது. இதையடுத்து ராமச்சந்திரா மருத்துவமனையே முன்வந்து விளக்கம் அளித்துள்ளது.
தட்ஸ் தமிழ்

**ந.கார்த்தி** · **ந.கார்த்தி** Sun May 15, 2011 9:35 pm

சென்னை: ரஜினிக்கு மேலும் இரு தினங்கள் சிகிச்சை அளிக்கப்படும் என்றும் பின்னர் வீடு திரும்பி ஓய்விலிருப்பார் என்றும் அவரது மூத்த மகள் ஐஸ்வர்யா ரஜினி தெரிவித்துள்ளார்.

கடந்த 29-ந்தேதி நடிகர் ரஜினிகாந்த் ராணா படத்தின் தொடக்க விழாவில் கலந்து கொண்டு விட்டு வீடு திரும்பியபோது உடல் நலக்குறைவு ஏற்பட்டது. இதற்காக இரு முறை அவர் மைலாப்பூரில் உள்ள இசபெல் மருத்துவமனையில் அனுமதிக்கப்பட்டார்.

முதலில் ரஜினிக்கு அஜீரண கோளாறும், நீர்சத்து குறைவும் ஏற்பட்டது. பின்னர் காய்ச்சலும் சளியும் ஏற்பட்டது. டாக்டர்கள் தீவிர சிகிச்சைக்குப் பின் ரஜினிகாந்த் குணமடைந்து வீடு திரும்பினார்.

அதன் பிறகு போயஸ் கார்டனில் உள்ள வீட்டில் ஓய்வு எடுத்து வந்தார். நேற்று முன்தினம் இரவு ரஜினி போரூர் ராமச்சந்திரா மருத்துவமனையில் மீண்டும் அனுமதிக்கப்பட்டார். அங்கு அவருக்கு முழு மருத்துவ பரிசோதனை நடந்தது.

வெளிநாட்டில் இருந்து வந்த மருத்துவ நிபுணர் ஒருவர் அவருக்கு மருத்துவ பரிசோதனைகள் செய்தார். பரிசோதனைக்குப் பின் ரஜினிகாந்த் சில நாட்கள் முழுமையாக ஓய்வு எடுத்துக் கொள்ளும்படி டாக்டர்கள் அறிவுரை கூறினர்.

இதற்கிடையே ரஜினிகாந்த் மேலும் 2 நாட்கள் போரூர் மருத்துவமனையில் தங்கி சிகிச்சை பெறுவார் என்று அவரது மகள் ஐஸ்வர்யா கூறினார். அவர் நலமுடன் இருப்பதாகவும் தெரிவித்துள்ளார்.
தட்ஸ் தமிழ்

மஞ்சுபாஷிணி · மஞ்சுபாஷிணி Mon May 16, 2011 10:16 am

நல்ல விஷயம், பூரண குணம் பெற்று நலமுடன் தன் படப்படிப்பு வேலைகளை தொடர அன்பு பிரார்த்தனைகள் இறைவனிடத்து....

இந்த பதிவைத் துவங்கியவர் நன்றி கூறியுள்ளார் மஞ்சுபாஷிணி

ரபீக் · ரபீக் Mon May 16, 2011 10:25 am

விரைவில் குணமடைந்து வீடு திரும்ப வாழ்த்துக்கள்

**krishnaamma** · **krishnaamma** Mon May 16, 2011 2:18 pm

ரஜினி முதலில் ரிசபெல்லாவில் இல்லாயோ? எதானாலும் நலமடய பிரார்த்தனைகள் புன்னகை

தாமு · தாமு Mon May 16, 2011 2:20 pm

பூரண குணம் பெற்று விரைவில் குணமடைந்து நலமுடன் வீடு திரும்ப வாழ்த்துக்கள் அன்பு மலர்

Sponsored content · Sponsored content

ரஜினி உடல் நலச்செய்திகள் ..!

ராமச்சந்திரா மருத்துவமனையில் ரஜினி!!

ராமச்சந்திரா மருத்துவமனையில் ரஜினி அனுமதி!!

Re: ரஜினி உடல் நலச்செய்திகள் ..!

Re: ரஜினி உடல் நலச்செய்திகள் ..!

ரஜினி உடல் நலச்செய்திகள் ..!

ரஜினிக்கு மேலும் இரு தினங்கள் சிகிச்சை! - ஐஸ்வர்யா

Re: ரஜினி உடல் நலச்செய்திகள் ..!

Re: ரஜினி உடல் நலச்செய்திகள் ..!

Re: ரஜினி உடல் நலச்செய்திகள் ..!

Re: ரஜினி உடல் நலச்செய்திகள் ..!

Re: ரஜினி உடல் நலச்செய்திகள் ..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக