மதுரையில் பிரவீன் குமார் பேனருக்கு பாலாபிஷேகம்!

தாமு · தாமு Mon May 16, 2011 12:20 pm

திரைப்பட நடிகர், நடிகைகளின் உருவப்படங்களுக்கு அவர்களது ரசிகர்கள் செய்வது போல், தேர்தல் அதிகாரி பிரவீண்குமாரின் உருவப் படத்துக்கு மக்கள் பாலாபிஷேகம் செய்த தகவல் வெளியாகியுள்ளது.

மதுரை அவனியாபுரத்தில்,பணப் பரிவர்த்தனை குறைதீர் விழிப்புணர்வு குழுமத்தின் சார்பில், தேர்தல் அதிகாரி பிரவீண்குமாருக்கு நன்றி தெரிவித்து, அவரது உருவ ’பேனர்’ வைக்கப்பட்டது.

தமிழகத்தின் 14-வது சட்டமன்றத் தேர்தலில் தேர்தல் ஆணையம், அரசியல் கட்சியினருக்கு கடுமையான கட்டுப்பாடுகள் விதித்து, கட்சியினர் ஓட்டுக்கு பணம் கொடுப்பதை தவிர்க்கத் தேவையான நடவடிக்கள் எடுத்து, எவ்வித அசம்பாவிதங்களும் நடக்காமல் அமைதியான முறையில் தேர்தலை நடத்தி முடித்துள்ளது. இதன் காரணமாக தமிழகத்தில் அதிக வாக்குப் பதிவும் பதிவானது.

தேர்தல் அதிகாரி பிரவீண்குமாரை பாராட்டும் வகையில், அவனியாபுரம் பகுதியைச் சேர்ந்த இளைஞர்கள் மற்றும் சில அமைப்புகளைச் சார்ந்த உறுப்பினர்கள் சேர்ந்து, அவரது உருவ பேனருக்கு பாலாபிஷேகம் செய்துள்ளனர்.

inneram

தாமு · தாமு Mon May 16, 2011 12:26 pm

மதுரையில் தேர்தல் அதிகாரி பிரவீன்குமார் படத்துக்கு பாலாபிஷேகம்; அமைதியாக தேர்தல் நடத்தியதற்கு பாராட்டு

மதுரையில் தேர்தல் அதிகாரி பிரவீன்குமார் படத்துக்கு பாலாபிஷேகம் செய்யப்பட்டது. தமிழகத்தில் 14-வது சட்டசபை தேர்தல் மிகவும் அமைதியாக நடந்தது. அதிக வாக்காளர்கள் இந்த தேர்தலில் தங்களது ஜனநாயக கடமையை நிறைவேற்றினர். இதற்கு தேர்தல் ஆணையத்தின் பங்கு முக்கியத்துவம் பெற்றுள்ளது.

தேர்தல் ஆணையம் தமிழகத்தில் பணப்பட்டு வாடாவை தடுக்க தீவிர முயற்சி எடுத்தது. அதற்கும் கைமேல் பலன் கிடைத்தது. சுமார் ரூ.75 கோடி அளவுக்கு பறிமுதல் செய்யப்பட்டது. தமிழக தேர்தல் அதிகாரி பிரவீன்குமாரின் இத்தகைய நடவடிக்கை தமிழக வாக்காளர் மத்தியில் பெரும் வர வேற்பை பெற்றது.

மதுரை அவனியாபுரத்தில் பண பரிவர்த்தனை குறைதீர் விழிப்புணர்வு குழுமத்தின் சார்பில் தேர்தல் அதகாரி பிரவீன்குமாருக்கு நன்றி தெரிவித்து டிஜிட்டல் பேனர் வைக்கப்பட்டது. அதில் அவனியாபுரம் இளைஞர்கள் மற்றும் அந்த அமைப்பை சேர்ந்தவர்கள் பாலாபிஷேகம் செய்தனர். அப்போது தமிழகத்தில் அமைதியான முறையில் நேர்மையான தேர்தல் நடத்தியதற்காக பிரவீன்குமாரை வாழ்த்தி கோஷ மிட்டனர்.

தமிழகத்தில் நடிகர்களின் படத்துக்கு ரசிகர்கள் பாலாபிஷேகம் செய்வது வழக்கம். முதல் முறையாக அரசு அதிகாரியின் படத்துக்கு பாலாபிஷேகம் செய்யப்பட்டது பெரும் பரபரப்பை ஏற்படுத்தியுள்ளது.