சந்திரன் சுட்டதால் சந்திரயான் கருகியது

திட்டமிட்ட காலத்துக்கு முன்பாகவே சந்திரயான்&1 செயல் இழந்ததற்கான காரணத்தை விஞ்ஞானிகள் கண்டுபிடித்துள்ளனர். அதிக வெப்பத்தை தாங்கக் கூடிய திறன் சந்திரயானிடம் இல்லாததால் அது செயல் இழந்துள்ளது என்று இஸ்ரோ விஞ்ஞானிகள் கருத்து தெரிவித்துள்ளனர். நிலவை ஆராய்வதற்காக சந்திரயான்&1 செயற்கைக்கோளை கடந்த ஆண்டு அக்டோபரில் இஸ்ரோ அனுப்பியது. 2 ஆண்டுகள் செயல்படும் என அறிவிக்கப்பட்ட சந்திரயான்&1, ஓர் ஆண்டுக்குள் செயல் இழந்து விட்டது.

இதற்கான அதிகாரப்பூர்வ அறிவிப்பை கடந்த 30ம் தேதி இஸ்ரோ வெளியிட்டது. நிலவில் நிலவும் வெப்பமே சந்திரயான்&1 செயல் இழந்ததற்கு காரணம் என இஸ்ரோ கூறியுள்ளது. சந்திரயான்&1 முன்கூட்டியே செயல் இழந்தாலும், 95 சதவீத ஆய்வு பணிகளை முடித்து விட்டது என இஸ்ரோ விஞ்ஞானிகள் கூறியுள்ளனர். நிலவில் இருந்து 100 கி.மீ உயரத்தில் சந்திரயான்&1 சுற்றிக் கொண்டிருக்கும் வரை எந்த பிரச்னையும் ஏற்படவில்லை. அதுவரை நிலவின் மேற்பரப்பை பல கோணங்களில் படம் பிடித்து சந்திரயான் அனுப்பி வந்தது. அதை வைத்து நிலவின் தரைப்பகுதி, அதில் உள்ள கனிமங்கள், ரசாயனங்கள் பற்றி ஆராய முடிந்தது.

நிலவின் மேற்பரப்பை இன்னும் விரிவாக பார்ப்பதற்கு சந்திரயான் செய்கைக்கோளின் சுற்று வட்டப்பாதையை 100 கி.மீ. உயரத்தில் இருந்து 200 கி.மீ. தூரத்துக்கு இஸ்ரோ விஞ்ஞானிகள் கடந்த மே மாதம் உயர்த்தினர். அப்போது, அதிக அளவிலான வெப்பம் சந்திரயான் செயற்கைக்கோளில் உள்ள முக்கிய கருவிகளை கொஞ்சம், கொஞ்சமாக செயல் இழக்கச் செய்துள்ளது. முதலில் சந்திரயானில் உள்ள "ஸ்டார் சென்சார்" கருவிகள் செயல் இழந்தன.

அப்படியிருந்தும் கடந்த ஜூலை 22ம் தேதி ஏற்பட்ட சூரிய கிரகணத்தை சந்திரயான் நன்றாக படம்பிடித்து அனுப்பியது. கடந்த மாதம் 21ம் தேதி அன்று நிலவின் வடதுருவத்தில் உள்ள ஐஸ்கட்டிகளை படம் பிடித்து அனு ப்பியது. ஆனால், 29ம் தேதி அன்று அதிகாலை 1.30 மணியளவில், சந்திரயானுடனான தகவல் தொடர்பு திடீரென துண்டிக்கப்பட்டது.