சென்னை-16 தொகுதிகளில் 14 அதிமுக கூட்டணி வசம்

by **ந.கார்த்தி** Sat May 14, 2011 8:14 pm

சென்னை: சென்னையை மீண்டும் கைப்பற்றி அது தனது கோட்டையாக மாறி சில காலமாயிற்று என்பதை நிரூபித்துள்ளது அதிமுக.

சென்னை திமுகவின் கோட்டை என்பது பழங்கதையாகி விட்டது. கடந்த சட்டசபைத் தேர்தலிலேயே பல தொகுதிகளில் வென்று திமுகவை பின்னுக்குத் தள்ளி விட்டது அதிமுக. இந்த முறை மொத்தம் உள்ள 16 தொகுதிகளில் அதிமுக கூட்டணிக்கு 14 தொகுதிகள் கிடைத்துள்ளன. அதில் அதிமுகவுக்கு மட்டும் 11 தொகுதிகள் கிடைத்துள்ளன.

மற்ற 3 தொகுதிகளில் 2 தொகுதிகளை தேமுதிகவும், மார்க்சிஸ்ட் கம்யூனிஸ்ட் கட்சி ஒரு இடத்தையும் பிடித்துள்ளன.

திமுகவுக்கு சென்னையில் தற்போது கொளத்தூர் மற்றும் சேப்பாக்கம்-திருவல்லிக்கேணி ஆகிய இரு தொகுதிகளில் மட்டுமே வெற்றி கிடைத்துள்ளது.

சென்னை மாநகர தொகுதிகளில் அதிமுக கூட்டணிக்கு கிடைத்துள்ள வெற்றி விவரம்:

1. சைதாப்பேட்டை -செந்தமிழன் (அ.தி.மு.க.)
2. மயிலாப்பூர் - ராஜலட்சுமி (அ.தி.மு.க.)
3. தியாகராய நகர் - வி.பி. கலைராஜன் (அ.தி.மு.க.)
4. ராயபுரம் - ஜெயக்குமார் (அ.தி.மு.க.)
5. துறைமுகம் - பழ. கருப்பையா (அ.தி.மு.க.)
6. திருவி.க.நகர் - நீலகண்டன் (அ.தி.மு.க.)
7. ஆயிரம் விளக்கு - பா. வளர்மதி (அ.தி.மு.க.)
8. வில்லிவாக்கம் - ஜே.சி.டி.பிரபாகரன் (அ.தி.மு.க.)
9. அண்ணாநகர் - கோகுல இந்திரா (அ.தி.மு.க.)
10. ஆர்.கே.நகர் - வெற்றிவேல் (அ.தி.மு.க.)
11. வேளச்சேரி - அசோக் (அ.தி.மு.க.)
12. விருகம்பாக்கம் - பார்த்தசாரதி (தே.தி.மு.க.)
13. எழும்பூர் - நல்லதம்பி (தே.மு.தி.க.)
14. பெரம்பூர் - ஏ.சவுந்தரராஜன் (மார்க்.கம்யூ.)

திமுக சார்பில் சென்னையில் வென்றவர்கள்:

கொளத்தூர் - மு.க.ஸ்டாலின்
சேப்பாக்கம்-திருவல்லிக்கேணி - ஜே.அன்பழகன்
தட்ஸ் தமிழ்

by மஞ்சுபாஷிணி Sat May 14, 2011 11:04 pm

இனி 5 வருஷத்துக்கு ஜே ஜே ந்னு இருக்கும் ஆட்சி....

by **ந.கார்த்தி** Tue May 17, 2011 8:16 pm

சென்னை: இடைத்தேர்தலில் திமுக வெற்றி பெற்ற 11 தொகுதிகளில் 9 இடங்களை தற்போது அதிமுக கைபற்றியுள்ளது.

நடந்து முடிந்த சட்டசபை தேர்தலில் அதிமுக தனிப்பெரும்பான்மையுடன் அமோக வெற்றி பெற்று ஆட்சி அமைத்துள்ளது. திமுக ஆட்சியில் இருக்கையில் திருமங்கலம், மதுரை மத்தி, மதுரை மேற்கு, பென்னாகரம், ஸ்ரீவைகுண்டம், தொண்டாமுத்தூர், பர்கூர், வந்தவாசி, இளையான்குடி, திருச்செந்தூர், கம்பம் ஆகிய 11 இடங்களில் இடைத்தேர்தல் நடந்தது. 11 தொகுதிகளிலும் திமுக கூட்டணி வெற்றி பெற்றது.

தற்போது நடந்து முடிந்த சட்டசபை தேர்தலில் இந்த 11 தொகுதிகளில் திருச்செந்தூர், கம்பம் தவிர மற்ற 9 இடங்களிலும் அதிமுக கூட்டணி வெற்றி பெற்றுள்ளது.

அந்த 9 தொகுதிகளில் வெற்றி பெற்றவர்கள் விவரம் பின் வருமாறு,

மதுரை மேற்கு- செல்லூர் ராஜு (அதிமுக)

மதுரை மத்தி - சுந்தர்ராஜன் (தேமுதிக)

திருமங்கலம் - முத்து ராமலிங்கம் (அதிமுக)

ஸ்ரீவைகுண்டம் - சண்முகநாதன் (அதிமுக)

தொண்டாமுத்தூர் - வேலுமணி (அதிமுக)

வந்தவாசி - குணசீலன் (அதிமுக)

பென்னாகரம் - நஞ்சப்பன் (இந்திய கம்யூனிஸ்ட் கட்சி)

இளையான்குடி தொகுதி தற்போது மானாமதுரை தொகுதியாக மாறியுள்ளது. இங்கு குணசேகரன் (அதிமுக) வெற்றி பெற்றுள்ளார்.

திருச்செந்தூர்- அனிதா ராதாகிருஷ்ணன் (திமுக)

கம்பம்- ராமகிருஷ்ணன் (திமுக)
தட்ஸ் தமிழ்

by Sponsored content

சென்னை-16 தொகுதிகளில் 14 அதிமுக கூட்டணி வசம்

சென்னை-16 தொகுதிகளில் 14 அதிமுக கூட்டணி வசம்

Re: சென்னை-16 தொகுதிகளில் 14 அதிமுக கூட்டணி வசம்

இடைத்தேர்தலில் திமுக வென்ற 9 இடங்களில் சட்டசபை தேர்தலில் அதிமுக வெற்றி

Re: சென்னை-16 தொகுதிகளில் 14 அதிமுக கூட்டணி வசம்