தேர்தலில் தோற்ற வேட்பாளர் கண்ணீர் விட்டு அழுதார்

அப்துல்லாஹ் · அப்துல்லாஹ் Sat 14 May 2011 - 18:13

தர்மபுரி: பென்னாகரம் தொகுதி தி.மு.க., வேட்பாளர் கடைசி இரு சுற்றுக்கள் இருந்த போது, தோல்வி உறதியானதால், தனது கட்சியினருடன் கண்ணீர் விட்டபடி ஓட்டு எண்ணும் மையத்தை விட்டு வெளியேறினார்.கடந்த 2006ம் ஆண்டு பென்னாகரம் தொகுதியில் வெற்றி பெற்ற தி.மு.க., எம்.எல்.ஏ., பெரியண்ணன் கடந்த 2009ம் ஆண்டு நவம்பரில் இறந்தார். அதை தொடர்ந்து கடந்தாண்டு நடந்த இடைத்தேர்தலில் பெரியண்ணனின் மகன் இன்பசேகரன் தி.மு.க., சார்பில் போட்டியிட்டு வெற்றி பெற்றார். தந்தையின் அரசியல் ஈடுபாடு காரணமாக அரசியலுக்கு வந்த இன்பசேகரன் மிக குறைந்த வயதில் எம்.எல்.ஏ., ஆனதோடு, புதிய சட்டசபை கட்டிடத்தில் முதல் எம்.எல்.ஏ.,வாக வெற்றி பெற்று சட்டசபைக்கு சென்றார்.

கடந்தாண்டு நடந்த இடைத்தேர்தல் மூலம் பல்வேறு வளர்ச்சி பணிகளை தொகுதியில் நிறைவேற்றிய நிலையில் இத்தொகுதியில் வெற்றி என்ற இலக்கோடு களம் இறங்கிய இன்பசேகரன், இ.கம்யூனிஸ்ட் கட்சி வேட்பாளர் நஞ்சப்பன் தேர்ல் பிரச்சாரம் மற்றும் மக்களிடம் இருந்த மதிப்பு, அணுகுமுறை ஆகிய காரணங்களால் தி.மு.க.,வுக்கு வெற்றி என்ற நிலையில் பெரும் மாற்றம் ஏற்பட்டது.நேற்று ஓட்டு எண்ணிக்கையின் போது இன்பசேகரனை விட இ.கம்யூனிஸ்ட் கட்சி வேட்பாளர் நஞ்சப்பன் 1,500 முதல் 2,000 ஓட்டுக்கள் வரையில் முன்னணியில் இருந்தார். கடைசி நேரத்தில் மாற வாய்ப்பு இருப்பதாக தி.மு.க.,வினர் அபார நம்பிக்கை வைத்திருந்தனர்.ஆனால் கடைசி இரு சுற்றுகள் உள்ள நிலையில் நஞ்சப்பன் 5,000 ஓட்டுக்கள் அதிகம் பெற்றதால், தோல்வியை உறுதி என்பதை அறிந்த இன்பசேகரன் ஓட்டு எண்ணும் மையத்தில் இருந்து கண்ணீர் விட்டபடி தனது கட்சியினருடன் எழுந்து வெளியில் சென்றார்.