மக்களுக்கு கிடைத்த வெற்றி: ஜெயலலிதா

kathirvelu_r · kathirvelu_r Fri May 13, 2011 4:56 pm

தேர்தலில் அதிமுக பெற்ற வெற்றி மக்களுக்கு கிடைத்த வெற்றி என்று அதிமுக பொதுச்செயலர் ஜெயலலிதா கூறியுள்ளார்.

இன்று மாலை அவர் செய்தியாளர்களுக்கு அளித்த பேட்டியில் இவ்வாறு கூறினார்.

அவர் கூறியதாவது:

தேர்தல் வெற்றி எங்களுக்கு கிடைத்த வெற்றி அல்ல. ஜனநாயகத்துக்கு கிடைத்த வெற்றி. மக்களுக்கு கிடைத்த வெற்றி.

திமுகவுக்கு எதிரான கோபத்தை வாக்காளர்கள் தங்கள் வாக்குகள் மூலம் வெளிப்படுத்தியுள்ளனர்.

இத்தேர்தலில் பணபலம் தோல்வி அடைந்துள்ளது.

தேர்தல் அறிக்கையில் தெரிவித்த வாக்குறுதிகளை நிறைவேற்றுவதற்கு தான் நாங்கள் முதல் முன்னுரிமை தருவோம்.

ஆளுநர் அழைப்பு விடுத்த பின்னரே, நாங்கள் பதவி ஏற்கும் தேதி குறித்து ஆலோசித்து முடிவு எடுக்கப்படும்.

இவ்வாறு ஜெயலலிதா தெரிவித்தார்.

**உமா** · **உமா** Fri May 13, 2011 4:58 pm

மக்களுக்கு கிடைத்த வெற்றி: ஜெயலலிதா 224747944

கோவை ராம் · கோவை ராம் Fri May 13, 2011 5:00 pm

அப்பா ஒரு கிரைண்டர் ,ஒரு மிக்சி ,ஒரு பான் கிடைக்கும்

வாழ்க இலவசங்கள்

ராம்

kathirvelu_r · kathirvelu_r Fri May 13, 2011 5:01 pm

தமிழக வாக்காளர்கள் ஊழல் பணநாயகத்தை வீழ்த்தி, ஜனநாயகத்துக்குப் பொன்மகுடம் சூட்டி விட்டனர் என்று தேர்தல் முடிவுகள் வைகோ கருத்து தெரிவித்துள்ளார்.

இதுகுறித்து வைகோ இன்று வெளியிட்டுள்ள அறிக்கையில் கூறியிருப்பதாவது:

கடந்த ஐந்து ஆண்டுகளில், தலைவிரித்து ஆடிய ஆளுங்கட்சியின் ஊழல், அராஜகம், திரைப்படத் துறை, தொழில் துறை உள்ளிட்ட அனைத்துத் துறைகளையும் கபளீகரம் செய்ய முயன்ற ஒரு குடும்ப ஆதிக்கம், பன்னாட்டுப் பகாசுரக் கம்பெனிகளுக்குத் தடையற்ற மின்சாரம் தந்துவிட்டு, நிர்வாகச் சீர்கேட்டால் தமிழகத்தை இருளில் தள்ளிய கடுமையான மின்வெட்டு, தாங்க முடியாத விலைவாசி ஏற்றம், தமிழக வாழ்வாதாரங்களைக் காக்கும் கடமையில் தவறிய குற்றம், அனைத்துக்கும் மேலாக ஈழத் தமிழ் இனப் படுகொலைக்கு, காங்கிரஸ் அரசுக்குத் துணைநின்ற துரோகம், சட்டம் ஒழுங்கு சீர்குலைந்து, உயிருக்கும் உடைமைக்கும் பாதுகாப்பை இழந்த அபாயம்,
இவை அனைத்தையும் எதிர்த்து ஆழிப்பேரலையாய் மக்கள் சக்தி எழுந்து, ஆளுங்கட்சியின் ஊழல் பணநாயகத்தையும், அதிகார வன்முறையையும் வாரிச் சுருட்டி எறிந்துவிட்டது.

நடைபெற்று முடிந்த தேர்தல் களத்தில் மதிமுக பங்கு ஏற்காவிடினும், கடந்த ஐந்து ஆண்டுகளாக, தி.மு.க. அரசின் மக்கள் விரோதப் போக்கை எதிர்த்து, மக்கள் மன்றத்தில் இடையறாத பிரச்சாரத்திலும் அறப்போரிலும் அர்ப்பணிப்போடு ஈடுபட்டது.

எதிர்காலத்தில், இனி அதிகார துஷ்பிரயோகத்தையும், ஊழல் பணத்தையும் கொண்டு எவரும் தேர்தலில் வெல்ல முடியாது எனும் எச்சரிக்கை தரும் சரியான பாடத்தை, வாக்காளர்கள் கற்பித்து உள்ளனர். தேர்தல் ஆணையம் தன் கடமையில் வென்று உள்ளது.

இவ்வாறு வைகோ தனது அறிக்கையில் தெரிவித்துள்ளார்.

kathirvelu_r · kathirvelu_r Fri May 13, 2011 5:18 pm

சட்டசபை தேர்தலில், தேமுதிக போட்டியிட்ட பெரும்பாலான இடங்களில் முன்னிலை பெற்றுள்ளது. இந்நிலையில், தேமுதிக அலுவலகத்திற்கு வந்த கட்சி தலைவர் விஜயகாந்த், அங்கிருந்த எம்ஜிஆர் சிலைக்கு மாலை அணிவித்தார். பின் பத்திரிகையாளர்களை சந்தித்த விஜயகாந்த் கூறியதாவது, இது எனக்கு கிடைத்த வெற்றி அல்ல, மக்களுக்கும், கட்சி தொண்டர்களுக்கு கிடைத்த வெற்றி. இதன்மூலம், குடும்ப அரசியலுக்கு முற்றுப்புள்ளி வைக்கப்பட்டுள்ளது. ஸ்பெக்ட்ரம் வழக்கு திசை மாறும், தற்போது இந்த வழக்கு நிலுவையில் உள்ளதால், இதுகுறித்து அதிகம் கருத்து கூற விரும்பவில்லை. இதுவரை மக்கள் அனுபவித்து வந்த பிரச்னைகள் இனி மெல்ல மெல்ல குறையத் துவங்கும் என்று அவர் கூறினார். பண்ருட்டி ராமச்சந்திரன் பேட்டியின் போது உடனிருந்தார்.

தலைவா நீ வால்க மக்களுக்கு கிடைத்த வெற்றி: ஜெயலலிதா 1772578765