தமிழக சட்டசபை தேர்தலில் 18 அமைச்சர்கள் தோல்வி

**சிவா** · **சிவா** Sat 14 May 2011 - 10:00

1. க.அன்பழகன் (வில்லிவாக்கம்). அ.தி.மு.க. வேட்பாளர் ஜே.சி.டி.பிரபாகரிடம், 10 ஆயிரத்து 782 ஓட்டு வித்தியாசத்தில் தோல்வி அடைந்தார்.

2. வீரபாண்டி ஆறுமுகம் (சங்ககிரி). சேலம் மாவட்டத்தில் உள்ள இந்த தொகுதியில், தி.மு.க. மூத்த தலைவர்களில் ஒருவரான அமைச்சர் வீரபாண்டி ஆறுமுகம், அவருடைய அண்ணன் மகளும், அ.தி.மு.க.வை சேர்ந்த முன்னாள் அமைச்சருமான விஜயலட்சுமி பழனிச்சாமியிடம் 35 ஆயிரத்து 328 ஓட்டுகள் வித்தியாசத்தில் தோல்வியை தழுவினார்.

3. பொன்முடி (விழுப்புரம்). அ.தி.மு.க. வேட்பாளர் சி.வி.சண்முகத்திடம் தோல்வி அடைந்தார்.

4. கே.கே.எஸ்.எஸ்.ஆர்.ராமச்சந்திரன் (அருப்புக்கோட்டை). அ.தி.மு.க. வேட்பாளர் வைகைச்செல்வனிடம் 10 ஆயிரத்து 638 ஓட்டு வித்தியாசத்தில் தோல்வி அடைந்தார்.

5. பொங்கலூர் பழனிச்சாமி (கோவை தெற்கு). இவர், தன்னை எதிர்த்து போட்டியிட்ட அ.தி.மு.க. வேட்பாளர் சேலஞ்சர் துரை என்கிற துரைசாமியிடம் 30 ஆயிரம் ஓட்டுகள் வித்தியாசத்தில் தோல்வி அடைந்தார்.

6. எம்.ஆர்.கே.பன்னீர்செல்வம் (குறிஞ்சிப்பாடி). அ.தி.மு.க. வேட்பாளர் சொரத்தூர் ராஜேந்திரன் இந்த தொகுதியில் வெற்றி பெற்றார்.

7. தா.மோ.அன்பரசன் (பல்லாவரம்). இந்த தொகுதியில் அ.தி.மு.க. வேட்பாளர் ப.தன்சிங் 17 ஆயிரத்து 374 ஓட்டுகள் வித்தியாசத்தில் வெற்றி பெற்றார்.

8. கே.பி.பி.சாமி (திருவொற்றியூர்). இந்த தொகுதியில் அ.தி.மு.க. வேட்பாளர் கே.குப்பன் வெற்றி பெற்றார்.

9. சுரேஷ்ராஜன் (கன்னியாகுமரி). அ.தி.மு.க. வேட்பாளர் பச்சைமாலிடம் 15 ஆயிரத்து 804 ஓட்டு வித்தியாசத்தில் தோல்வி அடைந்தார்.

10. தமிழரசி (மானாமதுரை தனி). அ.தி.மு.க. வேட்பாளர் ம.குணசேகரன் வெற்றி பெற்றார்.

11. கீதாஜீவன் (தூத்துக்குடி). அ.தி.மு.க. வேட்பாளர் சித.செல்லப்பாண்டியன் வெற்றி பெற்றார்.

12. வெள்ளக்கோவில் சாமிநாதன் (மடத்துக்குளம்). அ.தி.மு.க. வேட்பாளர் சி.சண்முகவேலு அவரை தோற்கடித்தார்.

13. கே.என்.நேரு (திருச்சி மேற்கு). அ.தி.மு.க. வேட்பாளர் மரியம் பிச்சையிடம், 6 ஆயிரத்து 892 ஓட்டு வித்தியாசத்தில் தோல்வி அடைந்தார்.

14. எஸ்.என்.எம். உபயதுல்லா (தஞ்சாவூர்). அ.தி.மு.க. வேட்பாளர் ரங்கசாமி வெற்றி பெற்றார்.

15. என்.செல்வராஜ் (மணச்சநல்லூர்). இந்த தொகுதியில் அ.தி.மு.க. வேட்பாளர் டி.பி.பூனாட்சி 19 ஆயிரத்து 190 ஓட்டு வித்தியாசத்தில் வெற்றி பெற்றார்.

16. உ.மதிவாணன் (கீழ்வேளூர் தனி). நாகை மாவட்டத்தைச் சேர்ந்த இந்த தொகுதியில், மார்க்சிஸ்ட் கம்யூனிஸ்டு வேட்பாளர் வி.பி.மகாலிங்கம், 724 ஓட்டுகள் வித்தியாசத்தில் வெற்றி பெற்றார்.

17. பரிதி இளம் வழுதி (எழும்பூர்). தே.மு.தி.க. வேட்பாளர் நல்லதம்பியிடம் 202 ஓட்டு வித்தியாசத்தில் தோல்வி அடைந்தார்.

18. பூங்கோதை (ஆலங்குளம்). இவரை அ.தி.மு.க. வேட்பாளர் பி.ஜி.ராஜேந்திரன் 279 ஓட்டு வித்தியாசத்தில் தோற்கடித்தார்.

தி.மு.க. தலைவர்களில் ஒருவரும், சட்டசபை சபாநாயகருமான ஆவுடையப்பன் அம்பாசமுத்திரம் தொகுதியில் அ.தி.மு.க. வேட்பாளர் இசக்கி சுப்பையாவிடம் 24 ஆயிரத்து 609 ஓட்டுகள் வித்தியாசத்தில் தோல்வி அடைந்தார்.

தி.மு.க.வை சேர்ந்த துணை சபாநாயகர் வி.பி.துரைசாமி, சேலம் மாவட்டம் ராசிபுரம் தொகுதியில் அ.தி.மு.க.வை சேர்ந்த முன்னாள் அமைச்சர் தனபாலிடம் 24 ஆயிரத்து 717 ஓட்டுகள் வித்தியாசத்தில் தோல்வி அடைந்தார்.