ஒரு மரத்தை வெட்டியதற்கு பதிலாக, 100 மரங்களை வளர்க்கிறோம்

சேலம், மே 12:
ஒரு மரத்தை வெட்டியதற்கு பதிலாக, 100 மரங்களை வளர்க்கிறோம் என்று இயற்கை ஆர்வலர்களுடன், கோயில் நிர்வாகிகள் ஒப்பந்தம் செய்து கொண்ட ருசிகர சம்பவம் நடந்தது.
சேலம் தாதகாப்பட்டி கேட் பகுதியில் ராஜகாளியம்மன் கோயில் உள்ளது. இந்த கோயிலின் முகப்பு தற்போது விரிவாக்கம் செய்யப்பட்டு வருகிறது. இதற் காக கோயிலின் முன்பிருந்த பழமையான அரச மரத்தை வெட்ட கடந்த 24ம்தேதி கோயில் நிர்வாகிகள் முடிவு செய்தனர். இது குறித்த தகவல் அறிந்ததும் சேலம் கிரீன்சிட்டி அமைப்பு நிர்வாகிகள் மரத்தை வெட்டுவதற்கு எதிர்ப்பு தெரிவித்து கோயில் முன்பு திரண்டனர்.
கோயில் நிர்வாகிக ளுக் கும், கிரீன்சிட்டி அமைப்பை சேர்ந்தவர்களுக்கும் 3 மணி நேரம் பேச்சுவார்த்தை நடந்தது. இறுதியில் மரத்தை வெட்டாமல் கிளைகளை மட்டும் வெட்ட வேண்டும் என்று முடிவு செய்யப்பட்டது. இதையடுத்து இரு தரப்பினரும் கலைந்து சென்றனர்.
ஆனால், அடுத்த சில மணி நேரங்களில் மரம் முழுமையாக வெட்டி சாய்க்கப்பட்டதால், கிரீன் சிட்டி அமைப்பினர் அதிர்ச்சியடைந்தனர். இது குறித்து வனத்துறையினரிடம் புகார் தெரிவிக்கப்பட்டது.
இதனால் மிரண்டு போன கோயில் நிர்வாகி கள், வனத்துறையினர் மற்றும் இயற்கை ஆர்வலர்களுடன் சமரச பேச்சு நடத்தினர்.
அப்போது, �வெட்டப்பட்ட மரம் நூறாண்டு பழமை வாய்ந்தது. எனவே இந்த மரத்தை வெட்டியதற்கு பிராயசித்தமாக கோயில் நிர்வாகிகள், ஊத்துமலை பகுதியில் 100 மரங்களை நட்டு பராமரித்து வளர்க்க வேண்டும்� என்று முடிவு செய்யப்பட்டது. இது குறித்து உறுதி ஒப்பந்த பத்திரமும் எழுதப்பட்டது.
TMT