மலேசியா : உள்துறை அமைச்சு உத்துசானை செல்லமாக கடிந்து கொண்டுள்ளது

**சிவா** · **சிவா** Fri May 13, 2011 9:00 am

உத்துசான் மலேசியா கடந்த மே 7ம் தேதி கிறிஸ்துவம் நாட்டின் அதிகாரத்துவ சமயம் என்னும் தலைப்பில் முதல் பக்கத்தில் வெளியிட்ட கட்டுரை மீது அதனைக் கண்டிக்கும் கடிதம் ஒன்றை உள்துறை அமைச்சு அந்த நாளேட்டுக்கு வழங்கியுள்ளது.

அக்கண்டிக்கும் கடிதம், அந்த நாளேடு எடுக்க வேண்டிய அடுத்த நடவடிக்கையைக் கட்டாயமாக்கவில்லை. காரணம் கோரும் கடிதத்துடன் ஒப்பிடுகையில் அந்த நடவடிக்கை செல்லமாக கடிந்து கொள்வதற்கு ஒப்பாகும்.

உத்துசானுடைய தலைமை ஆசிரியர் அசிஸ் இசாக் அழைக்கப்பட்டு அவரிடம் அந்தக் கண்டனக் கடிதம் வழங்கப்பட்டதாக உள்துறை அமைச்சு அறிக்கை கூறியது.

1984ம் ஆண்டு அச்சுக் கூட வெளியீட்டுச் சட்டத்திற்கு எதிரானது எனக் கருதப்படும் தகவல்களை வெளியிடும் தங்கள் முடிவுகள் மீது செய்தி நிறுவனங்களை அழைத்து விளக்கம் தருமாறு கோருவது உள்துறை அமைச்சின் வழக்கமான நடைமுறை என்றும் அந்தக் குற்றத்துக்கு கண்டனக் கடிதம் வழங்கப்படும் என்றும் அந்த அறிக்கை தெரிவித்தது.

“1984ம் ஆண்டு அச்சுக் கூட வெளியீட்டுச் சட்டத்திற்கு எதிரான விஷயங்களை வெளியிடும் அல்லது மக்கள் மனதை தூண்டி விடும் செய்திகளை வெளிடுவதைத் தடுப்பதற்காக உள்துறை அமைச்சு ஒவ்வொரு பத்திரிக்கையையும் அணுக்கமாக தொடர்ந்து கண்காணித்து வரும்.”

மலேசிய கிறிஸ்துவ சம்மேளனத்தை பிரதமர் நஜிப் அப்துல் ரசாக் சந்தித்துப் பேசிய சில மணி நேரங்களில் உத்துசான் மலேசியாவைக் கண்டிக்கும் கடிதம் வழங்கப்பட்டுள்ளது.

அந்தச் சந்திப்பின் போது உத்துசான் கட்டுரை குறித்து கிறிஸ்துவ சம்மேளனப் பேராளர்கள் ஆழ்ந்த வருத்தம் தெரிவித்துக் கொண்டனர். அந்தக் குற்றச்சாட்டையும் கிறிஸ்துவத் தலைவர்கள் வன்மையாக மறுத்தனர்.

மலேசியாஇன்று

மலேசியா : உள்துறை அமைச்சு உத்துசானை செல்லமாக கடிந்து கொண்டுள்ளது

மலேசியா : உள்துறை அமைச்சு உத்துசானை செல்லமாக கடிந்து கொண்டுள்ளது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக