எச்சரிக்கை

thazeem · thazeem Sun May 22, 2011 2:17 pm

எச்சரிக்கை

கண்ணிலே கருணையும்
வாயிலே அன்பையும் கொண்டு
இதயத்தை பரிமாறவென்று
ஒரு கூட்டம் புறப்பட்டு விட்டது...

கவனமாய் இருங்கள்...
உங்கள் இதயத்தையும் வாடகைக்கு
வாங்குவதற்கு வரலாம்
சொல்லி அனுப்புங்கள் அவர்களை
இங்கே இதயம் இத்துப் போய்விட்டது என்று..

சில வேளை சிரிப்பார்கள் அவர்கள்
உங்களை நல்லவர் என்பார்கள்
நீங்கள் ஏழு கொலைகள் செய்திருந்தாலும்..
நம்பாதீர்கள் அவர்களை
உங்களை தின்று உணர்வுகளை துப்பி விடுவார்கள்.

உங்கள் இதய அறைகளில்
பன்னீர் நிறப்புவார்கள் முழுமையாக
ஆறேழு மாதங்களின் பின்
அவைகள் வற்றிவிடும் அந்த
முரண்பாடுகள் என்ற வெப்பத்தால்..

ஆதலினால் அனபானவர்களே
வேண்டாம் என்று சொல்லுங்கள்
உங்கள் இதயத்தை கொடுக்காதீர்கள்
கொடுத்து விட்டால் கெடுத்துவிடும்
உங்கள் மூளையை ஹா ஹா என்னைப்போல்

மஞ்சுபாஷிணி · மஞ்சுபாஷிணி Sun May 22, 2011 3:40 pm

அன்பையும் கருணையும் நல்லவையும் தரும் கூட்டம் நம்மருகே வந்தால் அது நன்மையல்லாது வேறென்னவாக இருக்கமுடியும்?

நம்மை திருத்தி நல்வழிப்படுத்துவராய் நமக்கு ரட்சகராய் கூட இருக்கமுடியுமே?

அருமையான வரிகளுக்கு அன்பு வாழ்த்துக்கள் தாஸிம்.