''கறுப்புதான் கண்ணியமான அழகு!''

தாமு · தாமு Thu May 12, 2011 9:28 am

''பரவாயில்லையே... இந்த முத்தழகியை இன்னமும் மறக்காமல் நினைவுவெச்சு இருக்கீங்களே?'' - ஆச்சர்யத்தையே அழைப்பாக விரிக்கிறார் பிரியாமணி. துறுதுறு பேச்சு... துள்ளல் சிரிப்பு என நெஞ்சத்தை ஈர்க்கும் சின்னப் பொண்ணு. ''கொஞ்சம் ஓரமா உட்கார்ந்து நான் பண்ற பயிற்சிகளைக் கவனிச்சுப் பாருங்க. ஜிம்முக்குள் நுழைஞ்சுட்டா... இது, அதுன்னு பிரிச்சுப் பார்க்கிறதே இல்லை. எல்லாவிதமான பயிற்சிகளையும் செய்வேன். முதல் மூன்று நாட்கள்வெயிட் குறைக்கிறதுக்கான பயிற்சிகள்... அடுத்த மூன்று நாட்கள் உடல் உறுப்புகளுக்கான பயிற்சிகள்... என்னோட பயிற்சிகளுக்கு ஸ்கேல்... வியர்வைதான். அதுக்காக, உடலே நனையும் அளவுக்கு மேல் மூச்சு கீழ் மூச்சு வாங்க, பயிற்சிகள் பண்ண மாட்டேன். சின்னச் சின்ன மொட்டுக்களா உடம்பில் வியர்வை பூக்கிற வரைக்கும்தான் பயிற்சிகள் செய்வேன். ரொட்டேஷன், கார்டியோ மாதிரி யான பயிற்சிகள் பண்றப்ப... ஒரு மணி நேரம் நீளும். அப்புறம் ஹாயா ரெஸ்ட் எடுப்பேன்!'' - உடலை வளைத்து, உதட்டைச் சுழித்துச் சிரிக்கிறார் பிரியாபெல்.

''வாரத்தில் ஆறு நாட்கள் பயிற்சி... ஒரு நாள் சுதந்திரம் என்பதுதான் என்னோட ஃபிட்னெஸ் ஃபார்முலா. உடலை ரொம்பவே வருத்திக்க, எனக்கு இஷ்டம் இல்லை. அதே நேரம், உடலைச் சக்கரம் மாதிரி சுற்றவும் கத்துக்கணும். காரணம், உடல் உறுப்புகளை நாம் எந்த அளவுக்கு நீட்டி மடக்குகிறோமோ... அந்த அளவுக்கு நல்லது. இல்லைன்னா, பயன்படுத்தாத இன்ஜின் மாதிரி நம்ம உறுப்புகள் சோம்பேறியாகிடும். அதே நேரம், உறுப்புகளுக்கு ஓய்வு கொடுப்பதும் ரொம்ப முக்கியம். அதனால் சன்டே வந்தால், எனக்கு ஜாலியோ ஜாலி. வீட்டுக்குள்ளேயே அடைஞ்சுகிடப்பேன். வீட்டைத் தாண்டிய சொர்க்கம் எனக்கு வேறு இல்லை. விரல்கள், கை, கால்களுக்கு ஆயில் தடவி, எனக்கு நானே லேசா மசாஜ் பண்ணிக் குவேன். விரல்களைச் சொடுக்கு எடுக்கிறப்பவே, தூக்கம் கண்ணைச் செருகும். குட்டித் தூக்கம் போடுவேன். பச்சைக் காய்கறி, ஜூஸ்னு ரொம்ப எளிதா ஜீரணமாகக்கூடிய உணவுகள் மட்டும் சாப்பிடுவேன். மறுபடியும் குட்டித் தூக்கத்தைத் தொடர்ந்தால், ஆறு நாள் பயிற்சி களில் பிழியப்பட்ட உடம்பை அப்படியே குஷியாக்கிடலாம்!''

''சாப்பாடு எப்படி?''

''மூன்று வேளை என சாப்பாட்டுக்கு டைம் போட்டு உட்கார்வதில் எனக்கு உடன்பாடு இல்லை. பசி எடுக்கிற மாதிரி தெரிஞ்சாதான் சாப்பிடுவேன். அதுவும், கொஞ்சம் கொஞ்சமா தான் சாப்பிடுவேன். தோசை, இட்லி மாதிரியான அரிசி உணவும் சுலபமா ஜீரணம் ஆகும். அதனால், வெளியூர் போனால்கூட, அவற்றைப் பயம் இல்லாமல் சாப்பிடலாம். மதியம், அரிசிச் சோறு சாப்பிடுவேன். சத்து மிகுந்த பிரவுன் அரிசியைத்தான் சாப்பாட்டுக்குப் பயன்படுத்துவோம். நைட் மட்டும் சப்பாத்தி. சில நேரங்களில் காய்கறிகள் மட்டும் சாப்பிட் டுப் படுத்திடுவேன். சைனீஸ் உணவுகள் மேல் ஆசை அதிகம். ஆனாலும், உடலுக்காக எப்போதாவது மட்டும்தான் சைனீஸ் சாப்பாடு. காய்கறிகளை விரும்பிச் சாப்பிடு வேன். பச்சையான காய்கறிகள், உடலின்மினு மினுப்பைக் கூட்டும். அதோடு, காய்கறிகளில் உள்ள சத்துக்களும் முழுமையா உடம்புக்குக் கிடைக்கும். உணவு விஷயத்தில் 'மிதம் பதம்’ என, நான் என்னையே ஆச்சர்யமா பார்க்கிற அளவுக்கு சமத்துப் பொண்ணு!''

''பொழுதுபோக்கு?''

''ஆரம்பத்தில் நிறைய புக்ஸ் படிப்பேன். ஆனால், செலெக்டிவ்வான புக்ஸ்தான் நம்மை எல்லா விதத்திலும் உயர்த்தும். அதை ஆராய்ச்சி பண்ணித் தேர்ந்துஎடுக்கிற அளவுக்கு நான் பெரிய ஆள் இல்லை. அதனால், நேரம் கிடைத்தால், ஹாயா சினிமாவுக்குக் கிளம்பிடுவேன். நிறையப் படங்கள் பார்ப்பேன். தனி ஆளா உட்கார்ந்து சினிமா பார்க்கிறப்ப, நிறையக் கத்துக்கிற மாதிரி உணர்வேன்!''

''மாநிறமா இருந்தாலும், எப்பவும் பளிச்னு இருக்கீங்களே... எப்பூடி?''

''மாநிறம்னு சொல்றதைவிட, என்னைக் கறுப்புன்னு சொல்றதுதான் கரெக்ட். அதைத்தான் நான் பெருமிதமாவும் நினைக்கிறேன். சிவப்பா இருக்கிறவங்களைவிட, கறுப்பா இருக்கிறவங்கதான் ஆரோக்கியமானவங்கன்னு பல ஆராய்ச்சிகள் சொல்லுது. அதை எல்லாம்விட, கறுப்புதான் கண்ணி யமான அழகைக் கொடுக்குது. கறுப்பு நிறத்தின் சிறப்பை தமிழ்நாட்டு ஜனங்களுக்கு சொல்லிப் புரியவைக்கணுமா என்ன? இன்னிக்கு பாலிவுட்லயே கறுப்பு நிற அழகிகள் பட்டையைக் கிளப்ப ஆரம்பிச்சிட்டாங்க. முகத்தைப் பொலிவா வெச்சுக்க, தண்ணீர் நிறையக் குடிப்பேன். தண்ணீரும் பச்சைக் காய்கறிகளும் கொடுக்கிற வசீகரத்தை எந்த மேக்கப் பொருளும் கொடுக்காது!''

ஆ.வி...

கலைவேந்தன் · கலைவேந்தன் Thu May 12, 2011 9:30 am

பயனுள்ள தகவலுக்கு நன்றி தாமு..!

உதயசுதா · உதயசுதா Thu May 12, 2011 10:26 am

உண்மைதான்,
என் மாமாவோட கருப்பு அழகுல மயங்கி விழுந்தவ இன்னும் கட்டுண்டு கிடக்கிறேன்.

ரபீக் · ரபீக் Thu May 12, 2011 10:27 am

ஆமாமா !! நானும் நல்ல கருப்பு பொண்ணா தேடிக்கின்னு இருக்கேண்பா

உதயசுதா · உதயசுதா Thu May 12, 2011 10:31 am

ரபீக் wrote:ஆமாமா !! நானும் நல்ல கருப்பு பொண்ணா தேடிக்கின்னு இருக்கேண்பா

யாருக்கு ? உங்களுக்கா இல்ல வேற யாருக்காவதா?
உங்களுக்குன்னா நான் ஊருக்கு போகும்போது நாத்தானர் கிட்ட சொல்றேன்

ரபீக் · ரபீக் Thu May 12, 2011 10:33 am

உதயசுதா wrote:
ரபீக் wrote:ஆமாமா !! நானும் நல்ல கருப்பு பொண்ணா தேடிக்கின்னு இருக்கேண்பா
யாருக்கு ? உங்களுக்கா இல்ல வேற யாருக்காவதா?
உங்களுக்குன்னா நான் ஊருக்கு போகும்போது நாத்தானர் கிட்ட சொல்றேன்

சாரி !! நீங்க இருக்குறத மறந்து உண்மையை சொல்லிட்டேன் அக்கா !!

தாமு · தாமு Thu May 12, 2011 11:54 am

உதயசுதா wrote:உண்மைதான்,
என் மாமாவோட கருப்பு அழகுல மயங்கி விழுந்தவ இன்னும் கட்டுண்டு கிடக்கிறேன்.

மகிழ்ச்சி வாழ்க வளமுடன் சிரி

தாமு · தாமு Thu May 12, 2011 11:55 am

உதயசுதா wrote:
ரபீக் wrote:ஆமாமா !! நானும் நல்ல கருப்பு பொண்ணா தேடிக்கின்னு இருக்கேண்பா
யாருக்கு ? உங்களுக்கா இல்ல வேற யாருக்காவதா?
உங்களுக்குன்னா நான் ஊருக்கு போகும்போது நாத்தானர் கிட்ட சொல்றேன்

தாமு · தாமு Thu May 12, 2011 11:55 am

ரபீக் wrote:
உதயசுதா wrote:
ரபீக் wrote:ஆமாமா !! நானும் நல்ல கருப்பு பொண்ணா தேடிக்கின்னு இருக்கேண்பா
யாருக்கு ? உங்களுக்கா இல்ல வேற யாருக்காவதா?
உங்களுக்குன்னா நான் ஊருக்கு போகும்போது நாத்தானர் கிட்ட சொல்றேன்

சாரி !! நீங்க இருக்குறத மறந்து உண்மையை சொல்லிட்டேன் அக்கா !!