30 வகை கீரை சமையல்...

by மஞ்சுபாஷிணி Thu May 12, 2011 10:13 am

First topic message reminder :

30 வகை கீரை சமையல்

30 வகை கீரை சமையல்... - Page 3 Sub0

டாக்டரிடம் எதற்காக போய் நின்றாலும், 'சாப்பாட்டுல நிறைய கீரையைச் சேர்த்துக்கோங்க...' என்ற அட்வைஸே முதல் வந்து விழுவதால்... உடம்புக்கு குளிர்ச் சியையும், சத்துக்களையும் சகட்டு மேனிக்கு அள்ளித் தரும் கீரைகளைப் பற்றி நம்மவர்களுக்கு சந்தேகமே இல்லை. ஆனால், அந்தக் கீரையை எப்படி எப்படியெல்லாம் ஈஸியாகவும், டேஸ்ட்டாகவும் சமைத்துச் சாப்பிடலாம் என்பதில்தான் குழப்பமே! உங்களுக்கு உதவுவதற்காகவே... மசியல் தொடங்கி கொழுக்கட்டை வரை கீரையில் விதம் விதமாகச் சமைத்து அசத்தியிருக்கிறார் 'சமையல்கலை நிபுணர்’ வசந்தா விஜயராகவன்.
பார்த்த மாத்திரத்திலேயே எடுத்துச் சாப்பிட வைக்கும் அளவுக்கு, தன்னுடைய கை வண்ணத்தால் அவற்றை அலங்கரித்திருக்கிறார் சென்னை பள்ளிக்கரணையில் 'ஸ்டார் கார்விங்’ என்ற நிறுவனத்தை நடத்தி வரும் செஃப் ரஜினி.
கீரை டிப்ஸ்...
கீரையுடன் சிறிது எண்ணெய் விட்டு வேக வைத்தால், பசுமை மாறாமல் இருக்கும்.
வல்லாரைக் கீரை சாப்பிடுவதால் ஞாபகசக்தி அதிகரிக்கும் என்பது உண்மையே. அதற்காக, அள்ளி வைத்துக் கொண்டு சாப்பிட ஆரம்பித்தால்... தலைவ, மயக்கம் என்று படுத்த ஆரம்பித்துவிடும் ஜாக்கிரதை!

by Jiffriya Thu May 12, 2011 10:54 am

அருமையான பதிவு...கீரையில் எல்லா குணங்களும் உண்டு..அதை இப்படி சுவையாக செய்ய முடியுமானால் தினமும் சேர்துக்கொள்ளலாம்.. சூப்பருங்க

by மஞ்சுபாஷிணி Thu May 12, 2011 11:03 am

கொஞ்சம் வேலை வந்துட்டுது மீதி அப்புறம் புன்னகை

by திவ்யா Thu May 12, 2011 12:34 pm

முளைக்கீரை பருப்பு வடை ரொம்ப நல்ல இருந்தது அக்கா.

by மஞ்சுபாஷிணி Thu May 12, 2011 12:41 pm

முளைக்கீரை தக்காளி மசாலா கிரேவி

30 வகை கீரை சமையல்... - Page 3 Sub15

தேவையானவை: முளைக்கீரை - ஒரு கட்டு (பொடியாக நறுக்கவும்), தக்காளி, உருளைக்கிழங்கு - தலா 3, வெங்காயம் - 1, மஞ்சள்தூள், சீரகம், கரம் மசாலாத்தூள், இஞ்சி - பூண்டு விழுது - தலா ஒரு டீஸ்பூன், மிளகாய்த்தூள் - இரண்டு டீஸ்பூன், எண்ணெய், உப்பு - தேவையான அளவு.
செய்முறை: உருளைக்கிழங்கை சிறு சிறு துண்டுகளாக நறுக்கி அரைவேக்காட்டில் வேக வைத்து, எண்ணெயில் பொரித்துக் கொள்ளவும். தக்காளியை அரைத்து சாறு எடுக்கவும்.
கடாயில் எண்ணெய் விட்டு, காய்ந்ததும் சீரகம், இஞ்சி - பூண்டு விழுது, வெங்காயம் சேர்த்து வதக்கவும். கரம் மசாலாத்தூள், மிளகாய்த்தூள், மஞ்சள்தூள், நறுக்கிய கீரை சேர்த்து வதக்கி, தக்காளி சாறு, உப்பு சேர்த்துக் கொதிக்கவிடவும்.
இறக்குவதற்கு முன்பு பொரித்த உருளைக்கிழங்கு சேர்த்து கொதிக்கவிட்டு இறக்கவும்.

by மஞ்சுபாஷிணி Thu May 12, 2011 12:48 pm

திவ்யா, ஜிஃப்ரியா இருவருக்கும் அன்பு நன்றிகள்....

by மஞ்சுபாஷிணி Thu May 12, 2011 12:49 pm

மேத்தி காக்ரா

30 வகை கீரை சமையல்... - Page 3 Sub16

தேவையானவை: கடலை மாவு, மைதா மாவு, கோதுமை மாவு - தலா 100 கிராம், பொடித்த ஓமம் - ஒரு டீஸ்பூன், வெந்தயக் கீரை - 2 கட்டு, மிளகாய்த்தூள் - எண்ணெய், உப்பு - தேவையான அளவு.
செய்முறை: கோதுமை மாவுடன் கடலை மாவு, மைதா மாவு, பொடித்த ஓமம், வெந்தயக்கீரை, மிளகாய்த்தூள், உப்பு சேர்த்து... சிறிது எண்ணெய் விட்டு பிசைந்து, சப்பாத்தி மாதிரி தேய்த்துக் கொள்ளவும். காயும் தோசைக்கல்ல் ஒவ்வொரு சப்பாத்தியாகப் போட்டு, சுற்றிலும் எண்ணெய் விட்டு மொறுமொறுப்பாக சுட்டெடுக்கவும்.

by மஞ்சுபாஷிணி Thu May 12, 2011 12:52 pm

சிறுகீரை கட்லெட்
தேவையானவை: சிறுகீரை - ஒரு கட்டு (பொடியாக நறுக்கவும்), உருளைக்கிழங்கு - 3, பொடித்த வேர்க்கடலை, வறுத்துப் பொடித்த அவல் - தலா 3 டேபிள்ஸ்பூன், இஞ்சி - பூண்டு பேஸ்ட் - ஒரு டீஸ்பூன், பச்சை மிளகாய், பிரெட் துண்டுகள் - தலா 3, சோள மாவு - இரண்டு டீஸ்பூன், எண்ணெய், உப்பு - தேவையான அளவு.

30 வகை கீரை சமையல்... - Page 3 Sub17

செய்முறை: சோள மாவை சிறிது தண்ணீர் விட்டு கரைத்துக் கொள்ளவும். உருளைக்கிழங்கை வேக வைத்து மசிக்கவும். இதில் சிறுகீரையைச் சேர்த்து... பொடித்த வேர்க்கடலை, இஞ்சி - பூண்டு பேஸ்ட், பொடியாக நறுக்கிய பச்சை மிளகாய், உப்பு சேர்க்கவும், பிரெட்டை தண்ணீரில் முக்கி உடனே பிழிந்து சேர்க்கவும். எல்லாவற்றையும் சேர்த்து நன்றாகப் பிசையவும். பிசைந்து வைத்த கலவையிருந்து சிறிது எடுத்து கட்லெட்டுகளாக தட்டி, சோள மாவு கரைசல் முக்கி எடுத்து, அவல் பொடியில் புரட்டி, தோசைக்கல்ல் போட்டு, இருபுறமும் எண்ணெய் விட்டு பொன்னிறமாக எடுக்கவும்.

by மஞ்சுபாஷிணி Thu May 12, 2011 12:53 pm

புதினா பக்கோடா
தேவையானவை: புதினா - ஒரு கட்டு, சேமியா - 100 கிராம், மிளகாய்த்தூள் - ஒரு டீஸ்பூன், கறிவேப்பிலை, வெங்காயம் - 2, உடைத்த முந்திரி - ஒரு டேபிள்ஸ்பூன், எண்ணெய், உப்பு - தேவையான அளவு.

30 வகை கீரை சமையல்... - Page 3 Sub18

செய்முறை: கொதிக்கும் நீரில் சேமியாவைப் போட்டு, வெந்ததும் வடித்து எடுத்து, குளிர்ந்த தண்ணீரில் அலசவும். இதனுடன் பொடியாக நறுக்கிய புதினா, வெங்காயம் சேர்த்து வதக்கி, முந்திரி, மிளகாய்த்தூள், உப்பு, கறிவேப்பிலை சேர்த்துக் கலந்து பிசைந்து, காயும் எண்ணெயில் கிள்ளிப் போட்டு பக்கோடாக்களாக பொரித்தெடுக்கவும்.

by மஞ்சுபாஷிணி Thu May 12, 2011 12:54 pm

பாலக் பச்சடி

30 வகை கீரை சமையல்... - Page 3 Sub19

தேவையானவை: பாலக்கீரை - அரை கட்டு, தயிர் - 100 கிராம், பச்சை மிளகாய் - 1, கடுகு, சீரகம், எண்ணெய் - தலா ஒரு டீஸ்பூன், உப்பு - தேவையான அளவு.
செய்முறை: பாலக்கீரையைப் பொடியாக நறுக்கி, சிறிது தண்ணீர் சேர்த்து வேகவிட்டு, பச்சை மிளகாய் சேர்த்து அரைக்கவும். வெறும் கடாயில் சீரகத்தை வறுத்து, அரைத்த கீரையுடன் சேர்க்கவும். எண்ணெயில் கடுகு தாளித்து, கீரைக் கலவை, உப்பு சேர்த்துக் கிளறி, தயிருடன் கலந்து பரிமாறவும்.