இந்தியாவின் சாலை விபத்துகளில் 40 சதவீத விபத்துகளுக்கு மதுப்பழக்கம் காரணமாக இருக்கிறது:

by கிராமத்தான் Thu May 12, 2011 8:23 am

document.write(date_mmm);

ஐக்கிய நாடுகள் சபையின் சார்பில் சாலைப் பாதுகாப்பு செயல்பாட்டுக்கான பத்தாண்டுகள் 2011 – 2020 பிரசாரம் நேற்று உலகம் முழுவதும் தொடங்கப்பட்டது.

இதனை முன்னிட்டு தமிழ்நாட்டில் சாலைப் பாதுகாப்பு செயல்பாட்டுக்கான ஐ.நா பத்தாண்டுகள் பிரச்சாரம், பசுமைத் தாயகம் அமைப்பின் சார்பில் சென்னை மெரீனா கடற்கரையில் 11-5-2011(புதன்கிழமை) உழைப்பாளர் சிலை முன்பு தொடங்கப்பட்டது.
பிரச்சாரத்தை முன்னாள் மத்திய நலவாழ்வுத்துறை அமைச்சர் அன்புமணி பங்கேற்று தொடங்கி வைத்தார். சாலை பாதுகாப்பை வலியுறுத்தி வைக்கப்பட்டிருந்த பதாகையில் அவர் கையொப்பமிட்டார்.

அவர் பேசியதாவது:

சாலைப் பாதுகாப்பு செயல்பாட்டுக்கான பத்தாண்டுகள் 2011 - 2020 பிரச்சாரத்தின் மூலம் இப்போது நடக்கும் சாலை விபத்துகள் எண்ணிக்கை 2020 ஆம் ஆண்டிற்குள் பாதியளவாக குறைக்கப்பட வேண்டும் என ஐ.நா.சபை இலக்கு நிர்ணயித்துள்ளது.
உலகிலேயே மிக அதிக சாலை விபத்துகள் நடக்கும் நாடாக இந்தியா உள்ளது. அகில இந்திய அளவில் மிக அதிக சாலை விபத்துகள் நடக்கும் மாநிலமாக தமிழ்நாடு உள்ளது.

இந்தியாவின் சாலை விபத்துகளில் 40 சதவீத விபத்துகளுக்கு மதுப்பழக்கம் காரணமாக இருக்கிறது. குறிப்பாக தமிழ்நாட்டில் நடக்கும் சாலை விபத்துகளுக்கு மதுபானம் மிக முக்கிய காரணமாக இருக்கிறது.
எனவே, தமிழ்நாட்டில் நடக்கும் சாலை விபத்துகளை தடுக்க தமிழ்நாடு அரசு உடனடி நடவடிக்கைகளை எடுக்க வேண்டும். இதற்கான ஒரு செயல் திட்டத்தை வகுத்து உடனடியாக செயல்படுத்த வேண்டும்.
குறிப்பாக, குடித்துவிட்டு வாகனம் ஓட்டுவதை முற்றிலுமாக தடுத்தல், இருசக்கர வாகனங்களில் செல்வோர் தலைக்கவசம் அணிவதை கட்டாயமாக்குதல், வாகன வேகத்தை கட்டுப்படுத்துதல், கார்களில் செல்வோர் வார்ப்பட்டை அணிவதை கட்டாயமாக்குதல் உள்ளிட்ட நடவடிக்கைகள் தேவை.
உலகம் முழுவது சாலை விபத்துகள் கட்டுப்படுத்தப்பட வேண்டும் என ஐ.நா.சபை சொன்னாலும் உலகிலேயே மிக அதிக விபத்துகள் இந்தியாவிலும், இந்தியாவிலேயே மிக அதிக சாலை விபத்துகள் தமிழ்நாட்டிலும் நடப்பதால், இந்த சாலைப் பாதுகாப்பு பிரச்சாரம் தமிழ்நாட்டிற்கே மிக முக்கியமானதாகும் இவ்வாறு மருத்துவர் அன்புமணி பேசினார்.
இந்நிகழ்ச்சியில் பசுமைத்தாயக மாநில செயலாளர் இர.அருள்,முன்னாள் தொடர்வண்டி துறைஅமைச்சர் .கி.மூர்த்தி,மு.ஜெயராமன்,வ.ஆ.பத்மநாபன்,வி.ஜெ.பாண்டியன் மற்றும் ஏரளமானோர் கலந்து கொண்டனர்..
சாலை விபத்துகள் மிகவேகமாக அதிகரித்து வருகின்றன. அவை தடுக்கப்பட வேண்டும் என ஐ.நா.சபை இன்று முதல் உலகம் முழுவதும் பத்தாண்டுகளுக்கான பிரச்சாரத்தை தொடங்கியுள்ளது. இப்போது ஆண்டுக்கு 13 லட்சம் பேர் உலகம் முழுவதும் சாலை விபத்துகளில் சிக்கி உயிரிழக்கின்றனர். இந்த எண்ணிக்கை 24 லட்சம் பேராக அதிகரித்துவிடும் என்று அஞ்சப்படுகிறது.

by **பிஜிராமன்** Thu May 12, 2011 8:30 am

நல்ல தகவல் கிராமத்தான்.......
மக்களின் அஜாக்கிரதையும், ஒழுங்கீனமும் மிக முக்கிய காரணமாக இருக்கிறது..

இந்தியாவின் சாலை விபத்துகளில் 40 சதவீத விபத்துகளுக்கு மதுப்பழக்கம் காரணமாக இருக்கிறது:

இந்தியாவின் சாலை விபத்துகளில் 40 சதவீத விபத்துகளுக்கு மதுப்பழக்கம் காரணமாக இருக்கிறது:

Re: இந்தியாவின் சாலை விபத்துகளில் 40 சதவீத விபத்துகளுக்கு மதுப்பழக்கம் காரணமாக இருக்கிறது: