அன்பே உறக்கம்கொடு....

ஹாசிம் · ஹாசிம் Wed May 11, 2011 3:28 pm

First topic message reminder :

கண்மணி உன் நினைவில்
கண்களேன் தூங்க மறுக்கிறது
காதலன் நான் இங்கிருக்க
கானகத்தில் நீ தனித்திருப்பதாலோ...

நீ எட்டிநின்று அருகில்வரமறுத்து
தொட்டுப்பார்த்து இட்டுவைத்த முத்தமும்
உன் கண்களெனைக் காணுமுன்
உன் கன்னம் கிள்ளிய நினைவுகளும்

ஊரயரும் வேளைவரை
உணர்வுகளைக் கட்டிவைத்து
உலகமே இருண்டிருக்க
நான் மட்டும் விழித்திருந்த நினைவுகளும்

உன் கரம்பிடிக்க நான்நினைத்து
கனிவுடன் சம்மதமும் பெற்று
எதிர்த்த உன்மாமனைவென்று
கழுத்தில் மாலைசூடிய நினைவுகளும்

தித்திக்கும் தேனிலவென்று
கனவுகள் பல்லாயிரங்களுடன்
காத்திருந்த நொடிகளின் தவிப்பில்
கலந்து மகிழ்நத நினைவுகளும்

என் முத்தாய் உன்வயிற்றில்
மலர்ந்தாள் என்சிசுவென்று
சத்தம் போடமறந்து
கிசுகிசுத்த நினைவுகளும்

அம்மா வலிக்கிறதென்று
ஆரவாரம் நீசெய்து
அதிகாலைப்பிரசவத்தில்- என்
மகளை ஏந்தி முத்தமிட்ட நினைவுகளும்

என்நெஞ்சில் நிலைத்தவளை
அன்பில் கலந்தவளை
காலத்தின் கட்டாயத்தில் விட்டகன்றபோது
ஓவென்றழுத நினைவுகளும்

என்னை உருக்குலைத்து
உனக்காக ஏங்கவைத்து
உறக்கம் வரமறுக்கிறது
தூக்கம்கொடு அன்பே உறங்கவேண்டும்

ANTHAPPAARVAI · ANTHAPPAARVAI Thu May 12, 2011 2:43 pm

நண்பர்களே,

ஒரு வேண்டுகோள்...!

நினைவுகளை அசை போட்டு,

இப்போதுதான் என் நண்பர்

உரங்கத் தொடங்கி இருக்கிறார்.....

அவரது இதயம் மிகவும் மென்மையானது...

எனவே,

இதை வாசிக்கும் போது

உங்கள் இதயத் துடிப்பையும்

அமைதியாக்கிக் கொள்ளுங்கள்!

ஒருவேளை அந்த சப்தத்திலும் கூட

அவர் விழித்துக் கொள்ளலாம்!

அப்படி விழித்துக் கொண்டால்,

இலங்கையிலிருந்து

ஓடி வந்தாலும் வந்து விடுவார்!!

இல்லையென்றால்...