நான் வாழும் காதல் பூகோளம்

by **மு.வித்யாசன்** Wed May 11, 2011 2:26 pm

ஏதேதோ தோன்றும்
எல்லாமே மாயம்
தீயாக மாறும்
உன் தேகம் தேடும்
இரவெல்லம் ரணம்
இதுதானே நான் வாழும் காதல் பூகோளம்...

இதயம் வேரோடு சாயும்
இளையுதிர் காலமாய் நிமிடங்கள் மாறும்
உயிர் கூடு வாடும்
விழும் வார்த்தைகள் தடுமாறும்
விடியாத இரவாக எப்போதும் தோன்றும்
இதுதானே நான் வாழும் காதல் பூகோளம்...

போதையின் உச்சியிலும்
உன் முகமே வந்தாடும்
பாதையின் வழி எங்கும்
உன் நினைவே பந்தாடும்
உணர்ச்சிகள் வெறிகொள்ளும்
விடும் மூச்சும் எனை கொல்லும்
இதுதானே நான் வாழும் காதல் பூகோளம்...

மோகங்கள் நகம் கீறும்
முழு நிலவும் ஆடை சூடும்
தேடல்கள் விரைந்தோடும்
தேன் உண்டும் நா கசக்கும்
புயல் ஒன்று இசைமீட்டும்
புலம்பல்கள் புதிராகும்
விரகங்கள் விண் தீண்டும்
நரகங்கள் கண் மூடும்
இதுதானே நான் வாழும் காதல் பூகோளம்...

ஒரு பக்கம் சரியுதடி
மறு பக்கம் உடையுதடி
நடு பக்கம் ஏனோ நரகங்கள் தேடுதடி
ஒரு விழியில் வலி கொல்லுதடி
மறு விழியில் உயிர் வழியுதடி
என் நான்கு இமைகள் மட்டும் முள்ளாக மாறுதடி
இதுதானே நான் வாழும் காதல் பூகோளம்...

உன் நினைவுக் கொம்புகள்
என் இதயம் கிழிக்குதடி
உன் கனவு கத்திகள்
என் உறக்கம் நறுக்கதடி
மரணங்கள் கூடி வந்து
உன் பாதம் தொழுகுதடி
கல்லெல்லாம் உனைதேடி
காதல் கண்ணீராய் வடிக்குதடி
இதுதானே நான் வாழும் காதல் பூகோளம்...

மதி கெட்டுபோனது
விதி எட்டி நிற்கிறது
புவி முற்றும் எனக்கு
ஒரு புள்ளியாய் ஆனது
மரங்களுக்கு சொந்ததமில்லை
பிறக்கின்ற இலைகளுக்கு
வானங்கள் நிரந்தமில்லை
வலம் வரும் நிலவுக்கு
இதுதானே நான் வாழும் காதல் பூகோளம்...

உன் மடிமீது சாய்ந்திடும்
தருணங்கள் என் தலை கேட்கும்
உன் உருவங்களை காணும்
நிமிடங்களை என் விழி கேட்கும்
அதிகாரம் செய்யாதே
காதல் அவமானம் அறியாததே
மெளனங்கள் மீட்டாதே
புது மரணங்கள் காட்டாதே
இதுதானே நான் வாழும் காதல் பூகோளம்...

இறைவா.. இரவே இல்லாத
ஒரு உலகம் எனக்கென படைத்துவிடு
மனம் உள்ளே ஆடையின்றி
ஆடும் பேய்களை கொன்று விடு
அவளை பார்த்தது குற்றம் என்றால்
என் இரு விழிகளை நீக்கிவிடு
மீண்டும்.மீண்டும் அவளை விரும்பும்
இதயம் இல்லா உடலை தந்துவிடு
இதுதானே நான் வாழும் காதல் பூகோளம்...

நான் வாழும் காதல் பூகோளம் 599303

by **உமா** Wed May 11, 2011 2:30 pm

நீங்கள் வாழும் பூகோளம் மிகவும் அழகு உங்கள் கவிதையை போல....
நான் வாழும் காதல் பூகோளம் 154550

by **மு.வித்யாசன்** Wed May 11, 2011 4:02 pm

உமா wrote:நீங்கள் வாழும் பூகோளம் மிகவும் அழகு உங்கள் கவிதையை போல....

by Jiffriya Wed May 11, 2011 4:37 pm

மோகங்கள் நகம் கீறும்
முழு நிலவும் ஆடை சூடும்
தேடல்கள் விரைந்தோடும்
தேன் உண்டும் நா கசக்கும்
புயல் ஒன்று இசைமீட்டும்
புலம்பல்கள் புதிராகும்
விரகங்கள் விண் தீண்டும்
நரகங்கள் கண் மூடும்
இதுதானே நான் வாழும் காதல் பூகோளம்...

ஆஹா அற்புதம் இதுவல்லவா காதல் என்று நினைக்க வைக்கிறது..காதல் நோய் தீண்டிய நெஞ்சம் பாடும் பாடல் இதுவல்லவா??அற்புதமான கவிதை.. சூப்பருங்க

by **மு.வித்யாசன்** Wed May 11, 2011 5:36 pm

Jiffriya wrote:
மோகங்கள் நகம் கீறும்
முழு நிலவும் ஆடை சூடும்
தேடல்கள் விரைந்தோடும்
தேன் உண்டும் நா கசக்கும்
புயல் ஒன்று இசைமீட்டும்
புலம்பல்கள் புதிராகும்
விரகங்கள் விண் தீண்டும்
நரகங்கள் கண் மூடும்
இதுதானே நான் வாழும் காதல் பூகோளம்...
ஆஹா அற்புதம் இதுவல்லவா காதல் என்று நினைக்க வைக்கிறது..காதல் நோய் தீண்டிய நெஞ்சம் பாடும் பாடல் இதுவல்லவா??அற்புதமான கவிதை..

by வினுப்ரியா Wed May 11, 2011 9:08 pm

விதியாவின் பூகோளத்தில் எல்லாமே விதியாசமாக இருக்கிறது.

வார்த்தைகளிலும் ,கவிதைகளிலும் அனல் தெரிக்கிறது
காதல் பூகோளம் பொசுங்கிவிடுவற்குள் காதலி கிடைக்க மனதார வாழ்த்துகிறேன் ,வித்யா.

உன் நினைவுக் கொம்புகள்
என் இதயம் கிழிக்குதடி
உன் கனவு கத்திகள்
என் உறக்கம் நறுக்கதடி
மரணங்கள் கூடி வந்து

மிகவும் ரசித்த வரிகள் இவை.

by கலைவேந்தன் Wed May 11, 2011 9:41 pm

காதல் பூகோளம்... கலக்கவைத்த பூலோகம்... பாராட்டுகள் வித்யாசன்..!

by முரளிராஜா Wed May 11, 2011 9:44 pm

அழகான காதல் பூகோளம்
வாழ்த்துகள் வித்யாசன்

எந்த வரிகளையும் தனியே எடுத்து சொல்லமுடியாத அளவுக்கு
அனைத்தும் அருமை நண்பா..! உனக்கென்று ஓர் உலகம்
இனிதாய் அமைய வாழ்த்துக்கள்.நண்பா...! நான் வாழும் காதல் பூகோளம் 224747944

by **மு.வித்யாசன்** Wed May 11, 2011 9:55 pm

வினுப்ரியா wrote:விதியாவின் பூகோளத்தில் எல்லாமே விதியாசமாக இருக்கிறது.

வார்த்தைகளிலும் ,கவிதைகளிலும் அனல் தெரிக்கிறது
காதல் பூகோளம் பொசுங்கிவிடுவற்குள் காதலி கிடைக்க மனதார வாழ்த்துகிறேன் ,வித்யா.

உன் நினைவுக் கொம்புகள்
என் இதயம் கிழிக்குதடி
உன் கனவு கத்திகள்
என் உறக்கம் நறுக்கதடி
மரணங்கள் கூடி வந்து

மிகவும் ரசித்த வரிகள் இவை.

உங்கள் அன்புக்கும் பாராட்டிற்கும் எனது நன்றிகள் நான் வாழும் காதல் பூகோளம் 678642