ஓர் இளங்குயிலின் கவிக்குரல்!

by ANTHAPPAARVAI Tue May 10, 2011 2:09 pm

இது குயில்_FM! ( 666.5531211.554 )

அன்பு நண்பர்களுக்கு வணக்கம்!

எழுத்துக்களால் உங்களை சந்தித்துக் கொண்டிருந்த நான் இப்போது இதன் மூலம் வார்த்தைகளால் சந்திக்க இருக்கிறேன்.

ஆம்! எனது கவிதைகள் உயிர் பெறப் போகின்றன!

நாம் கவிதைகள் எழுதும் போது, பல உணர்வுகளில் அதை எழுதியிருப்போம், ஆனால் சில நேரங்களில், படிக்கப் படுபவர்களால் அதன் வாசிப்பு மாறுவதுடன், உணர்வுகளும் மாறிவிடும். புதுக்கவிதைகள் என்பது உணர்வுகளை எளிதில் புரிய வைப்பதற்காகவே உருவாக்கப் பட்டிருக்கலாம்!

அடுத்தடுத்தப் பதிவுகளில் எனது கவிதைகளும், அதற்கான குரல் வடிவமும் இங்கே இடம் பெறும்.

Spoiler:

எல்லா FM சேனலுக்கும் ஒரு புள்ளிதான் இருக்கும் ஆனால் இதற்கு ரெண்டு புள்ளிகள்!

இது KUYIL FM ( www புள்ளி eegarai புள்ளி net அலைவரிசையில்! )

விரைவில் உங்களை வார்த்தைகளில் சந்திக்கிறேன்!!

இது அந்தப்பார்வையின் சொந்தப்பார்வை!

நேரம் கிடைத்தால், இது KUYIL TV யாகவும் மாற வாய்ப்பிருக்கிறது!!

(15 வருடங்களுக்கு முன்னால், திரைப்படப் பாடல்களுக்கு முன்னுரையாக இந்தக் கவிதைகளைப் பேசி ஒலி/ஒளிநாடாவில் வெளியிட்டிருந்தேன் என்பது குறிப்பிடத்தக்கது)

ஐ லவ் யூ

by ANTHAPPAARVAI Mon May 16, 2011 4:14 pm

காதல்! மௌனம்! சோகம்!
உருவமே இல்லாத
இந்த ஜீவித அழகுகளில் தான்
நான் உருவமும், உணர்வும் பெற்றேன்.

இலையுதிர் காலத்தின்-உதிர்ந்த
தோல்விச் சருகின் சப்தத்துலும் கூட
"சரிகம பதநீ" பாடக் கற்றுத் தந்த
சங்கீதங்கள் இவை!

என்னை உங்களுக்கு மட்டுமல்ல,
என்னை எனக்கே
நினைவு படுத்திக் கொண்டிருக்கும்
அடையாளங்களும் இவைதான்!

இழை இழையாய் இதயம் பின்னிய
கனவு வீட்டில்...
காதல் பாடிய கவிக் குயில்கள்,
சோகம் சொன்ன ஜோடிக் குயில்கள்,
எல்லாம் இருக்கின்றன.
ஆனாலும்,
ஏதோ ஒன்றைத் தேடி
என் உள்ளம் அலைகின்றது....!

எனது குரலில் கேட்க.....

Spoiler:

by **Manik** Mon May 16, 2011 4:17 pm

அது காதல் தான் நண்பா .......... அருமையான கவிதை ரொம்ப அழகா எழுதியிருக்கீங்க குயில் ரேடியோ இதுவும் நல்லாதான் இருக்கு..... ஓர் இளங்குயிலின் கவிக்குரல்! 677196