கொண்டாடுவோம்

by இரா.எட்வின் Tue May 10, 2011 6:44 am

கிஷோர் எனது பெருமைமிகு சந்தோஷங்களுள் ஒன்று.

குழந்தைகளை தாய்மொழி வழியாகத்தான் படிக்க வைக்க வேண்டும் என்று ஊர் ஊராய் போய் அடுத்தவர்களிடம் திமிரோடு பேசுவதற்குக் காரணம் நான் அவனைத் தமிழ் வழியில் படிக்க வைத்ததுதான்.

ஊர் சுற்றுவான், விளையாடுவான், கணினியில் மணிக் கணக்காய் செலவு செய்வான், தொலைக் காட்சியில் பார்ப்பான் கிரிக்கெட் போட்டிகளை விடாது பார்ப்பான், வெள்ளைச்சியோடு வம்படிப்பான்.

இந்த வயதில் ஒரு பத்து பிள்ளைகள் எப்போதும் சேர்ந்தே இருப்பான்கள். அவர்களுக்குள் எந்த ஒழிவு மறைவோ, பொறாமையோ கிடையாது. அந்தக் குழுமத்தின் எல்லாப் பிள்ளைகளின் பெற்றோர்கள் அனைவரையும் தாயாய் தந்தையாய் பார்க்கிறார்கள்.

”உங்கள நம்பித்தாண்டா இம்புட்டு கடன வாங்கி வச்சிருக்கோம்” என்றால் எங்களுக்கு கமிஷனா கொடுதீங்க என்பான் ஒருவன். இதுதான் எல்லாத் தளங்களிலும் நடக்கும். பிள்ளைகள் பெரும்பாலும் சரியாய்த்தான் இருக்கிறார்கள்.

குழந்தைகளை சதாப் படி என்று சதா புலம்பக் கூடாது. நானோ விட்டுவோ அதை எப்போதும் செய்திருக்கிறான்.

ஒரு முறை அவனது தாத்தா "வேண்டுமானால் தனிப் பயிற்சிக்குப் போ" என்றபோது எங்க சாருங்கள விட வேற யாரு நல்லா நடத்துவா? என்று கேட்டவன்.

இன்று காலை ஒரு நண்பரைப் பார்க்க சமயபுரம் போயிருந்த போது அலை பேசியில் அழைத்தான்.

“ என்னடா தம்பி?”

”ம்ம்... அப்பா நான் 1082” சொல்லிவிட்டு வைத்து விட்டான்.

1190 எடுத்த பிள்ளைகளும் உண்டு. ஆனாலும் இவன் எடுத்த 1082 என்னைப் பெருமையோடு துள்ள வைத்தது.

என்ன கொஞ்சம் பீற்றிக் கொள்வது போல் தோன்றுகிறதே என்றுகூட தோன்றலாம். இல்லை நண்பர்களே, கொஞ்சம் அல்ல நிறையவேதான். அவன் வெறும் தேர்ச்சி பெற்றிருந்தாலும் இப்படித்தான் குதித்திருப்பேன்.

தோல்வியே எனினும் தோள் பிடித்து அணைத்திருப்பேன்.

நம் பிள்ளைகளை நாம் கொண்டாட மறுத்தால் யார் கொண்டாடுவார்கள்.

ரஜினிக்கு வாந்தி வந்தால் பதிவு போடுகிறோம். தோனிக்கு நான்கு கோடி கிடைத்தால் வெறியோடு கொண்டாடுகிறோம்.

அருள் கூர்ந்து அவரவரும் நம்பிள்ளைகளின் சிறிய வெற்றியே ஆயினும் பகிர்ந்து கொண்டாடுவோம். பிள்ளைகள் பிரும்மாண்டமாய் வளர்வார்கள்.

நான் ஆரம்பித்து வைத்திருக்கிறேன். நீங்களும் வஞ்சனையின்றி வாருங்கள்.

by சின்றெல்லா Tue May 10, 2011 7:10 am

இது நிச்சயம் கொண்டாடப்பட வேண்டிய விஷயம் சார்ர்.. சூப்பருங்க

கீஷோர்-க்கு எனது வாழ்துக்களயும் தெருவியுங்கள்..

என் அப்பா கூட உங்களை போல தான் என்னை எதற்காகவும் இதுவரை வைததே இல்லை..
இந்த தருணத்திலும் ஒரு நல்ல மனிதர் எனது அப்பாவாக கிடைததற்க்கு பெருமை அடைகிறேன்..

இரா.எட்வின் wrote:நம் பிள்ளைகளை நாம் கொண்டாட மறுத்தால் யார் கொண்டாடுவார்கள்.

மிக மிக சரியான வரிகள்.. இந்த பயிற்சியை எனது 3 வயது தேவதையிடம் இப்போதிருந்தே ஆரம்பிக்க போகிறேன்..

by மகா பிரபு Tue May 10, 2011 8:17 am

தாய் மொழியில் பயில்வது தவறில்லை. ஆனால் ஆங்கில அறிவு அவசியம் தேவை.

கிஷோருக்கு என் வாழ்த்துக்கள்.

by இரா.எட்வின் Tue May 10, 2011 10:24 am

மகா பிரபு wrote:தாய் மொழியில் பயில்வது தவறில்லை. ஆனால் ஆங்கில அறிவு அவசியம் தேவை.

கிஷோருக்கு என் வாழ்த்துக்கள்.

இதுதான் என்னன்னே புரியல தம்பி.
யார் ஆங்கில அறிவு வேணாம்னா?
உங்கள் தகவலுக்காக நான் ஆங்கில இலக்கியத்தில் இளங்கலையிலும் முது கலையிலும் பல்கைகழக அளவில் நான்காம் இடத்தில் நின்றவன். ஆங்கில ஆசிரியன்.

ஆங்கில அறிவு ,புலமை என்பது வேறு. நாம் அது தாண்டியும் பேசுகிறோம். முடிந்தால் மலையாளம் ஹிந்தி எதையும் கற்கலாம். ஆனால் படிப்பை ஆங்கில வழியில்தான் படிப்பேன் என்பதும் தமிழ் தெரியாது என்பதில் பெருமை கொள்வதும் என்னைப் பொருத்தவரை அசிங்கம்.

by உதயசுதா Tue May 10, 2011 10:28 am

, உண்மையில் பெருமை பட வேண்டிய விஷயம் இது.
கிஷோருக்கு என் வாழ்த்துக்களை சொல்லி விடுங்கள் எட்வின்

by இரா.எட்வின் Tue May 10, 2011 10:34 am

உதயசுதா wrote:, உண்மையில் பெருமை பட வேண்டிய விஷயம் இது.
கிஷோருக்கு என் வாழ்த்துக்களை சொல்லி விடுங்கள் எட்வின்

நன்றி சுதா,
நம் குழந்தைகளை நாம் தட்டிக் கொடுக்க வேண்டியத் தேவை நம் ஒவ்வொருவருக்கும் இருக்க வேண்டும் என்றே பார்க்கிறேன்.

by **Aathira** Tue May 10, 2011 10:48 am

கிஷோருக்கு நல்ல மதி. மதிப்பெண்ணும். என் வாழ்த்துக்களைச் சொல்லுங்கள் எட்வின் கிஷோருக்கு... அடுத்து என்ன?

by இரா.எட்வின் Tue May 10, 2011 11:00 am

Aathira wrote:கிஷோருக்கு நல்ல மதி. மதிப்பெண்ணும். என் வாழ்த்துக்களைச் சொல்லுங்கள் எட்வின் கிஷோருக்கு... அடுத்து என்ன?

அவன் ஊசலாடி ஒரு முடிவுக்கு வர ஒன்றிரண்டு நாட்களாகலாம். பிறகுதான் பேச வேண்டும் மிக்க நன்றி ஆதிரா.

by இரா.எட்வின் Tue May 10, 2011 11:02 am

சின்றெல்லா wrote:இது நிச்சயம் கொண்டாடப்பட வேண்டிய விஷயம் சார்ர்..
கீஷோர்-க்கு எனது வாழ்துக்களயும் தெருவியுங்கள்..

என் அப்பா கூட உங்களை போல தான் என்னை எதற்காகவும் இதுவரை வைததே இல்லை..
இந்த தருணத்திலும் ஒரு நல்ல மனிதர் எனது அப்பாவாக கிடைததற்க்கு பெருமை அடைகிறேன்..

இரா.எட்வின் wrote:நம் பிள்ளைகளை நாம் கொண்டாட மறுத்தால் யார் கொண்டாடுவார்கள்.

மிக மிக சரியான வரிகள்.. இந்த பயிற்சியை எனது 3 வயது தேவதையிடம் இப்போதிருந்தே ஆரம்பிக்க போகிறேன்..

ஆஹா ,
பிள்ளையின் பெருமைகளை வெளியே வந்து உறக்கப் பேசுங்கள் . மிக்க நன்றி தோழர்.

by பாலாஜி Tue May 10, 2011 12:25 pm

உண்மையில் பெருமை பட வேண்டிய விஷயம் இது.
கிஷோருக்கு என் வாழ்த்துக்களை சொல்லி விடுங்கள் எட்வின்

தற்பொழுது குழந்தைகள் இந்த பேருந்து எங்கு செல்கிறது என்று படிக்க தெரியாமல் இருப்பது வேதனை.

நம்முடைய குழந்தைகளுக்கு தமிழ் எழுதவும் , படிக்கவும் தெரிந்துயிருக்கவேன்டும். தமிழ் நாட்டில் இருந்துகொன்டு தமிழ் எழுத படிக்க தெரியாமல் இருப்பது வேதனை.

தமிழ் மொழியிலேயே படிக்க வைத்து , அடுத்து என்ன படிக்க வேண்டும் என்ற முடிவை அவரிடமே ஒப்படைத்த நீங்கள் எங்களுக்கு ஒரு முன் மாதிரி.

என்னுடைய குழந்தைக்கு தமிழ் எழுதவும் , படிக்கவும் கற்று
கொடுப்பேன் என்று இந்நாளில் உறுதி எடுத்துக்கொள்கின்றேன்..