எங்கேயும் காதல்.- விமரிசனம்

by பது Mon May 09, 2011 3:28 pm

நடிப்பு: ஜெயம் ரவி, ஹன்ஸிகா மோத்வானி, ராஜு சுந்தரம், சுமன் இசை: ஹரீஸ் ஜெயராஜ் ஒளிப்பதிவு: நீரவ் ஷா திரைக்கதை - இயக்கம்: பிரபுதேவா தயாரிப்பு: கல்பாத்தி அகோரம் வெளியீடு: சன் பிக்சர்ஸ் ஒரு மென்மையான காதல் கதையை முற்றிலும் வெளிநாட்டுச் சூழலில் கவிதையாய்ச் சொல்ல வேண்டும் என்பது இயக்குநரான பிரபு தேவாவின் ஆசை.

அதில் தப்பேதுமில்லை.

அதற்காக காட்சியமைப்புகளில் கொஞ்சம் நேரம் செலவிட்டிருப்பதும் தெரிகிறது. ஆனால் மனதைத் தொடாத திரைக்கதை, ஈர்ப்பில்லாத வசனங்களால், பத்தோடு பதினொன்றாகியிருக்கிறது எங்கேயும் காதல்.

பெண்களை ருசிப்பதையே பொழுதுபோக்காகக் கொண்ட, காதலை வெறுக்கும் கார்ப்பரேட் ஜாலிப் பேர்வழி ஜெயம் ரவியைப் பார்த்த மாத்திரத்தில் உருகி உருகிக் காதலிக்க ஆரம்பித்து விடுகிறார் பாரீஸ் பெண் ஹன்ஸிகா மோத்வானி.

ஆனால், காதலைச் சொல்லாமல் விட்டுவிடுகிறார்.

இருவரும் காதலில் சேர்ந்தார்களா இல்லையா என்பது மீதிக் கதை.

படத்தின் ஆரம்பம் இளமைக் கவிதை.

குறிப்பாக பிரபுதேவாவின் அறிமுகக் காட்சியும், எங்கேயும் காதல் பாட்டுக்கு அவர் ஆடும் நடனமும் 'க்ளாஸ்" ரகம்! காட்சிகளைப் படமாக்கிய விதத்தில் இளமையும் கவிதைத்தனமும் கலந்துகட்டி மயக்குகின்றன.

ஆனால் இத்தனை நல்ல விடயங்களும், எதிர்பார்க்கும் திருப்பங்களும் சுவாரஸ்யமும் இல்லாத ஒரு திரைக்கதையால்.

அடிபட்டுப் போகின்றன. படத்தின் நாயகன் ஜெயம் ரவிக்கு ஏற்ற வேடம்தான்.

ஆனால் ஏனோ ஒரு முழுமை பெறாத சிலை மாதிரி நிற்கிறது அவரது பாத்திரப் படைப்பு. ஹன்ஸிகா மோத்வானிக்கு சுட்டுப் போட்டாலும் நடிப்பு வரவில்லை. உடலளவில் சீக்கிரமே இன்னொரு நமீதாவாகி விடுவார் போலிருக்கிறது.

ராஜூ சுந்தரம் நகைச்சுவை என்ற பெயரில் காதில் இரத்தம் வர வைக்கிறார்.

ஒரு காட்சியில் வந்தாலும் பிரகாஷ் ராஜ் ஈர்க்கிறார். சுமன் ஹீரோயினுக்கு அப்பாவாக வருகிறார்;.மற்றும் படத்தின் நிஜமான ஹீரோக்களான ஒளிப்பதிவாளர் நீரவ் ஷாவின் ஒளிப்பதிவு கண்களைக் கொள்ளையடிக்கிறது.

இசையமைப்பாளர் ஹரீஸ் ஜெயராஜின் 'எங்கேயும் காதல்.." கேட்டதும் காதுகளை விட்டு அகல மறுத்து உதடுகளில் உட்கார்ந்து விடுகிறது.

மைக்கேல் ஜாக்ஸன் பாடலை பிரதிபண்ணி 'நங்கை..."யைத் தந்துள்ளார் என்றாலும்கூட மன்னிக்க வைக்கிறது, அந்தப் பாடல் படமாக்கப்பட்ட விதம்.

ஆன்டனியின் எடிட்டிங் இந்தப் பாடலில் அபாரம். சின்னச் சின்ன விஷயங்களுக்கு இவ்வளவு தூரம் செலவிட்;ட இயக்குநர் பிரபுதேவா, மனதை வருடும்படியான ஒரு நல்ல திரைக்கதையை உருவாக்கத் தவறியது, எங்கேயும் காதலை, என்ன படம் இது என்று கிண்டலடிக்க வைத்துள்ளது.

சன் வெளியிட்ட படங்களில் இதுவும் ஒன்று... அவ்வளவுதான்

by அன்பு தளபதி Mon May 09, 2011 3:32 pm

இந்த படமும் டன் டனா டன்னா சன்னுக்கு

by **ரா.ரமேஷ்குமார்** Mon May 09, 2011 3:50 pm

சன் குழுமம் வெளியிடும் படங்களுக்கு விளம்பரங்கள் பலம் என்று விழாக்களில் சொல்லி கொ(ல்)ள்கிறார்கள் படத்தின் முக்கிய புள்ளிகள். பாடல் வெளியிட்டு விழா,சிறப்பு கண்னோட்டம் என அனைத்தயும் பிரமாண்டமாக மாற்றுகிறார்கள்.படங்களை வெளியிடும் முன்பே பிரபலமாகிறது எதிர்பார்ப்பு அதிகமாக்கபதுகிறது ஆனால் படம் வெளியான சில தினங்களில் தோல்வி,தோல்வி,தோல்வி.... என்ன கொடுமை சார் இது

இதற்க்கு விதி விலக்காக இரு படங்கள் மட்டுமே உள்ளது
1.அயன்
2.சிங்கம்
புன்னகை

by பது Mon May 09, 2011 3:53 pm

அண்ணா நீங்க சூர்யா ரசிகன்ர் எண்டு நினைக்கிறேன். ஆடுகளம் போன்ற படமும் இருக்கு

by **ரா.ரமேஷ்குமார்** Mon May 09, 2011 4:00 pm

bbat wrote:அண்ணா நீங்க சூர்யா ரசிகன்ர் எண்டு நினைக்கிறேன். ஆடுகளம் போன்ற படமும் இருக்கு

நான் அண்ணன் இல்லைங்க சின்ன பயன்தான் நான் எனவே என்னை ரமேஷ் என்றே அழையுங்கள் புன்னகை

ஆமாங்க நான் சூரியா ரசிகர் தான் ஆனால் மிகப் பெரிய வெற்றி படங்கள் என்றால் இவை இரண்டை தான் கூற இயலும்.ஆடுகளம் வெற்றி படம் மட்டுமே மிகப் பெரிய வெற்றியை தரவில்லை

by **அருண்** Mon May 09, 2011 4:05 pm

நேற்று தான் இந்த படம் பார்த்தேன் சகிக்கவில்லை படம் ஏனோ தானோ என்று இருக்கிறது!
சன் டி‌வி க்கு மாப்பிள்ளை தொடர்ந்து இதுவும் பிளாப் தான்! எங்கேயும் காதல்.- விமரிசனம் 755837