மழை துளிகள்

செய்தாலி · செய்தாலி Sun May 08, 2011 4:40 pm

வேட்கையின் வெட்டங்களை
சிறுக சிறுக உள்வாங்கியபடி
சற்று அயர்ந்த கதிரவன்

வானம் கறுத்து இருள்சூழ
முட்டி மோதிக் கொண்டது
பார்வை இழந்த மேகங்கள்

ஓயாத மேகச் சண்டை
கோர ஆயுதமாய் உயிர்த்தெழுந்து
இடியும் மின்னலும்

தென்றலின் சமரசத்தில்
கனிந்து இளகிய மேகங்கள்
மண்ணை முத்தமிட்டது மழைத்துளி

மழை மழை வருது
அவசரமாய் களவாடப்பட்டது
கொடியில் காயும் உடுதுணிகள்

பெரும் துளிகள் உடைந்து
சிறு துளிகளாய் கொட்டியது
பூமித் தாயின் மேனியில்

அனல்பட்டு கீறிய மார்புக்கு
மருந்து கிட்டிய சந்தோசத்தில்
வறண்ட நிலங்கள்

ஒழுகாத இடம் தேடி
ஓடி ஒளிந்து கொண்டது
நாயும் பூனையும் கோழிகளும்

சத்தமிட்டு ஊரை கூட்டியது
வெட்ட வெளியில் கட்டியிருந்த
ஆடும் மாடுகளும்

ஒட்டுத் துணியின்றி
நிர்வனாமாய் குளித்தது
வீதியில் நின்ற வாகனங்கள்

எங்கள் தேகங்களை நனைக்காதே
கறுப்புக்கொடி உயர்த்திய மனிதர்கள்
வீதியில் முளைத்தது குடைகள்

இன்னைக்கு வேலை கெட்டுப்போச்சு
மழைக்கு ஒதுங்கி நிற்கும்
எங்கோ புறப்பட்டு சென்றவர்கள்

நனையும் சிறுவர்கள்
பயமுறுத்தும் பெரியவர்கள்
சிரித்துக் கொண்டு மழை

அந்த ஊரில் நல்லமழை
அடுத்த ஊரில் வந்துசொன்னது
அங்கு நனைந்த பேரூந்து

மழையில் குளித்தும்
தலை துவற்றாத மரங்கள்
கிளைகளில் தேங்கிய நீர்

தொப்பலாய் நனைந்து
மேனி நனைந்த வெட்கத்தில்
தலைதாழ்த்தி நிற்கும் செடிகள்

மனிதக் கழிவையும்
அசுத்தங்களையும் துடைத்தபடி
ஓடைகளில் ஓடியது மழைநீர்

சிறை மீண்ட மேகங்கள்
மழைத்துளிகளாய் கொட்டிவிட
தெளிந்தது வானம்

பாலாஜி · பாலாஜி Sun May 08, 2011 4:42 pm

மழை எப்போதும் அழகு , அது போல இக்கவிதையும்.. சூப்பருங்க

கலைவேந்தன் · கலைவேந்தன் Sun May 08, 2011 4:44 pm

கண்ணுக்கு முன்னால் நிஜ வர்ஷத்தைக் கொணர்ந்து குளிர்வித்தது செய்தாலி.. மழை என்பது ஒரு நிகழ்வு. அதன் விளைவுகளோ பல பிரிவு.. ஒவ்வொன்றும் ஒரு உணர்வு... வழங்கிய செய்தாலிக்கு மகிழ்வு...

பாராட்டுகள் கவிச்செம்மலே..!

இந்த பதிவைத் துவங்கியவர் நன்றி கூறியுள்ளார் கலைவேந்தன்

செய்தாலி · செய்தாலி Sun May 08, 2011 5:14 pm

வை.பாலாஜி wrote:மழை எப்போதும் அழகு , அது போல இக்கவிதையும்..

மிக்க நன்றி தோழரே

**Manik** · **Manik** Sun May 08, 2011 5:18 pm

ரொம்ப அற்புதமான கவிதை நண்பா சூப்பரா இருக்கு.... மழையை ரசிக்காதவர்கள் யாருமே இல்லை..... மழை துளிகள் 677196

செய்தாலி · செய்தாலி Sun May 08, 2011 5:18 pm

கலைவேந்தன் wrote:கண்ணுக்கு முன்னால் நிஜ வர்ஷத்தைக் கொணர்ந்து குளிர்வித்தது செய்தாலி.. மழை என்பது ஒரு நிகழ்வு. அதன் விளைவுகளோ பல பிரிவு.. ஒவ்வொன்றும் ஒரு உணர்வு... வழங்கிய செய்தாலிக்கு மகிழ்வு...

பாராட்டுகள் கவிச்செம்மலே..!

கவிச்செம்மலே
நான் எழுதிய வரிகளை விட இவ்வரிகள்
என்னை நனைக்கிறது கலை அண்ணா

உங்கள் ஊக்கத்திற்கும் பாராட்டிற்கும் மிக்க நன்றி கலை அண்ணா

செய்தாலி · செய்தாலி Sun May 08, 2011 5:25 pm

Manik wrote:ரொம்ப அற்புதமான கவிதை நண்பா சூப்பரா இருக்கு.... மழையை ரசிக்காதவர்கள் யாருமே இல்லை.....

மிக்க நன்றி என் அருமை நண்பா

ANTHAPPAARVAI · ANTHAPPAARVAI Sun May 08, 2011 5:36 pm

இப்போதே மழை பெய்யவேண்டும்... அதில் நனைய வேண்டும்... என்ற ஆவலைத் தூண்டியது உங்கள் கவிதை.
உங்கள் வரிகள் என்னை நனைத்து கழுவியது நண்பா!
மகிழ்ச்சி

srinihasan · srinihasan Sun May 08, 2011 5:44 pm

மழையை பற்றிய ஆக்கம்... எங்கள் அனைவர் மனதிலும் உண்டாக்கியது தாக்கம்... வாழ்த்துகள்... மழை துளிகள் 154550

செய்தாலி · செய்தாலி Sun May 08, 2011 6:24 pm

ANTHAPPAARVAI wrote:இப்போதே மழை பெய்யவேண்டும்... அதில் நனைய வேண்டும்... என்ற ஆவலைத் தூண்டியது உங்கள் கவிதை.
உங்கள் வரிகள் என்னை நனைத்து கழுவியது நண்பா!

என்றோ இரசித்த மழை
மழை இல்லாத ஊரில்
மழையை பற்றிய நினைவுகள்

இரசித்து நனைந்த நண்பன் குயிலனுக்கு மிக்க நன்றி

Sponsored content · Sponsored content

மழை துளிகள்

மழை துளிகள்

Re: மழை துளிகள்

Re: மழை துளிகள்

Re: மழை துளிகள்

Re: மழை துளிகள்

Re: மழை துளிகள்

Re: மழை துளிகள்

Re: மழை துளிகள்

Re: மழை துளிகள்

Re: மழை துளிகள்

Re: மழை துளிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக