ஈகரை அன்பு நெஞ்சங்களுக்கு வணக்கம் - வித்யாசாகர்

by வித்யாசாகர் Mon Sep 07, 2009 9:14 pm

First topic message reminder :

ஈகரை அன்பு நெஞ்சங்களுக்கு வணக்கம்,

தமிழ் சேர்க்கும்
அன்புக் கடலில்
கரைகளாய்
ஒதுங்குகின்றன
நம் கவிதைகளெல்லாம்..

வித்யாசாகர்

by வித்யாசாகர் Thu Nov 12, 2009 11:42 am

யார் யார் யாரோ

பூக்களின் நிழலில்
அதன் காயங்கள்
தெரிவதேயில்லை;

மனிதனின் சிரிக்கும் சப்தத்தில்
எத்தனையோ வலிகள்
வடுக்களாக மட்டுமே இருப்பதில்லை;

காலத்தின் வேர்களில்
நாம் கூட வாழ்ந்திருக்கலாம்
நமக்கு தெரிவதில்லை;

யார் யார் யாரோ
எந்த ஜாதியோ இனமோ பிறப்போ????

இந்த ஜாதி; இந்த இனம்;
இந்த பிறப்பென்று -
அடையாளப் படுத்திக் கொண்டதில் மட்டும் -
என் சுயம் என்னை வென்றதாக
தெரியவேயில்லை!

மிச்சத்தில் -
அத்தனை அடையாளங்களையும்
சற்று பின் தள்ளிவிட்டு
மனிதத்தை முன் வைப்போம்!!

இனிய அன்பு வணக்கம் தோழர்களே...

by **ராஜா** Thu Nov 12, 2009 11:46 am

வணக்கம் சகோ

by மீனு Thu Nov 12, 2009 11:50 am

கவிதையுடன் வணக்கம் சொன்னால் தான்..வித்யாசாகரின் வணக்கம் நிறைவை தருகிறது ,, அருமையா இருக்கு கவிதை..நலமா வித்யாசாகர் ?

by வித்யாசாகர் Thu Nov 12, 2009 12:01 pm

Kaa Na Kalyanasundaram wrote:வணக்கம் வித்யா அவர்களே. கவிதைகள் இப்போதெல்லாம் ஈகரையில் அதிக அளவில் பதிவுகள் வருகிறது. கவிதைகளை தினம் தினம் யாராவது....மீனு, நந்திதா, தமிழன், அபிராமி போன்றோர்கள் சிறப்பு விமர்சனம் செய்து இளம் கவிஞர்களை ஆர்வப்படுத்தலாம். பாராட்டுக்கள் மற்றும் விமர்சனங்கள் ஏற்கனவே வந்துகொண்டுதான் இருக்கின்றன, இருப்பினும் கவிதைக்கென்று ஒரு களத்துமேடு வேண்டுமல்லவா?

தங்களன்புள்ள,

.....கா.ந.கல்யாணசுந்தரம்.

மீனு wrote:வணக்கம் வணக்கம் வித்யாசாகர் , வாங்க ,, நலமா ?
இப்போ ரொம்ப காண முடியுதில்லை ,, உங்களை

வணக்கம் அன்பு மீனு, சகோ..மற்றும் தோழர்களே..,

மிக்க நன்றி மீனு.. இயன்றவரை கவிதையோடே வருகிறேன்..

மன்னிக்கவும் சற்று அவசர வேலையில் இருக்கிறேன். அவ்வப்போது வந்து போகிறேன் மீனு. இன்னுமொரு பத்து நாட்களுக்கு பின் சற்று வேலை பளு குறையும். இயன்ற வரை வருவேன் மீனு.. நீங்கள் தான் இன்னும் நானிட்ட நிறைய கவிதைகளை கட்டுரைகளை படிக்கவே இல்லை என்று நினைக்கிறேன்.

ஐயா க.நா.க. அவர்களுக்கு, விமர்சனம் செய்யலாம். செய்கிறார்கள். அவரவர் இதயத்தை தொடும் கவிதைகளுக்கு அவரவர் நேரம் பொருத்து விமர்சனம் செய்கிறார்கள்.

ஒவ்வொரு கவிதை பதிக்கும் போதும்; ஏதேனும்
ஒரு கவிதை நம் அன்புள்ளங்களை தொட்டு எனக்காக
ஒரு இதயத்தையாவது ஏங்க வைக்காதா என்று தான்
அத்தனை கவிதைகளும் நினைக்கின்றன!

by வித்யாசாகர் Sat Nov 14, 2009 5:09 pm

ஜன்னலோரக் கம்பி பிடித்து

அவன் பிறப்பானென
நினைத்ததும்,
பிறந்ததும்,
அழுததும்,
என்னை பார்த்ததும்,
சிரித்ததும்,
ஆ.., ஊ..வென பேச ஆரம்பித்ததும்,
பேசியதும்,
தவழ்ந்ததும்,
எழுந்து நின்றதும்,
நடந்ததும்,
வளர்ந்ததும்,
தோள் தொட்டுப் பழகியதும்,
இன்னொருவளோடு வந்து நின்றதும்,
குடும்பமாய் பூத்துக் குலுங்கியதும்,

திடீரென ஒருநாளில் - ஆரம்பித்த
புரிதலில்லாதக் குழப்பங்களால்
நாங்கள் அவனுக்கு இடைஞ்சலெனப் புரிந்து
வெளியே தள்ளி கதவு சாற்றி..
பெய்த மழையின் கோரம் அவன் நெஞ்சை நனைக்க
உள்ளே அழைத்துக் கொண்டதும்,

மறுநாளின் முதல் வேலையாக - நாங்கள்
இதோ இங்கே வந்து சேர்ந்ததும்,

இந்த முதியோர் இல்லத்தின் - கட்டிட வரிசையில்
ஒதுங்கிய ஒரு அறையின் -
ஜன்னலோரம் நின்று; ஜன்னல் கம்பிகளின் இடைப்பட்ட
வெளிச்சத்தில் -
'அவன் பிறந்தது..
என்னை பார்த்தது..
கையசைத்து விளையாடியது..
கைகோர்த்து நடந்தது..
அப்பா அப்பாவென மார் மீதேறி
மிதித்ததை தேடி தேடி உதிர்க்கும்
ஒவ்வொரு சொட்டுக் கண்ணீர் வரை -

அத்தனையும் வாழ்வின் -
மீண்டும் கிடைக்க முடியாத அதிசயங்கள் தான்!
-------------------------------------------------------
வித்யாசாகர்

இனிய வணக்கமென் அன்பு உறவுகளே..