ஈகரை அன்பு நெஞ்சங்களுக்கு வணக்கம் - வித்யாசாகர்

by வித்யாசாகர் Mon Sep 07, 2009 9:14 pm

First topic message reminder :

ஈகரை அன்பு நெஞ்சங்களுக்கு வணக்கம்,

தமிழ் சேர்க்கும்
அன்புக் கடலில்
கரைகளாய்
ஒதுங்குகின்றன
நம் கவிதைகளெல்லாம்..

வித்யாசாகர்

by வித்யாசாகர் Wed Nov 04, 2009 2:06 pm

ஒவ்வொரு முறை
வீழும் போதும் -
எழுவதற்கான எச்சரிக்கை உணர்வுகள்
எழாமலில்லை;

மீண்டும் வீழ்வதிலேயே
மனம் -
விதியென்னும்
மூடத்தில் கவிழ்கிறது!

விதியை உடைத்தெறிந்து
வென்று விட -
வேறொன்றும் வேண்டாம்

அடுத்தமுறை -
விழமாட்டேனென
நம்பும் நம்பிக்கையன்றி!

இனிய அன்பு வணக்கம் தோழர்களே..

by **ராஜா** Wed Nov 04, 2009 2:16 pm

வணக்கம் சகோ

by **Tamilzhan** Wed Nov 04, 2009 2:18 pm

வருக அன்பரே.... ஈகரை அன்பு நெஞ்சங்களுக்கு வணக்கம் - வித்யாசாகர் - Page 67 68516

அருமையான கவிதை வரிகள்..... ஈகரை அன்பு நெஞ்சங்களுக்கு வணக்கம் - வித்யாசாகர் - Page 67 678642

by ரூபன் Wed Nov 04, 2009 2:27 pm

வணக்கம் கோடி வித்தியா அண்ணா நலமா ஈகரை அன்பு நெஞ்சங்களுக்கு வணக்கம் - வித்யாசாகர் - Page 67 154550

by வித்யாசாகர் Wed Nov 04, 2009 2:37 pm

வணக்கம் அன்பு சகோக்களே..

by வித்யாசாகர் Thu Nov 05, 2009 11:34 am

கால சீற்றம்

வெட்டி எறியும்
ஒவ்வொரு மரத்தின் -
கிளையிலிருந்தும்
துளிர்கிறது;
தண்ணீர் பஞ்சம்!

இயற்கையை அழித்து
பெருகி வரும் -
அத்தனை கட்டிடங்களும்
விழுங்கிக் கொள்கின்றன
பசுமையின் ஒட்டுமொத்த
நீல அகலங்களை!

செடிகொடிகளை வெட்டி
விறகாய் கொளுத்திவிட்டு;

வயல்களை அழித்து
விலை நிலங்களாக மாற்றிவிட்டு;

வீட்டு அலமாரியில்
அடுக்கிகொண்ட - யாரோ
ஓரிருவரின் பணக் கட்டுகளில்
திக்கி தினறிக் கொண்டிருக்கின்றன - நம்
அத்தனை பேரின்
இயற்கை வளமும்!

மரமுமின்றி,
செடிக் கொடிகளின்றி
வயல்வெளி - பூந்தோட்டங்களின்றி
பசுமையின் தடங்களை -
படங்களில் பார்த்துக் கொண்டு
நினைவுகளில் மட்டுமே
உழுகிறான் மனிதன் -
நாளைய பசிக்கான
விளை நிலங்களை!!

இனிய அன்பு வணக்கமென் இனிய தோழர்களே..