ஒசாமா விவகாரம்: பாக்., உளவுத்துறை தவறு செய்தது:முஷாரஃப் பகிரங்கம்

வாஷிங்டன் : பயங்கரவாதி ஒசாமா பின்லேடன் பாகிஸ்தான் எல்லைப் பகுதியில் பதுங்கி இருந்தது குறித்து தகவல் அறியாதது பாகிஸ்தான் உளவுத்துறையின் குறைபாட்டை காட்டுகிறது என பாகிஸ்தான் முன்னாள் அதிபர் பர்வேஷ் முஷாரஃப் தெரிவித்துள்ளார். முஷாரஃப்பின் இந்த அறிக்கை அனைவரிடமும் அதிர்ச்சியை ஏற்படுத்தி உள்ளது. பாகிஸ்தானில் ஒசாமா கொல்லப்பட்ட விவகாரம் தொடர்பாக தனியார் தொலைக்காட்சி ஒன்றிற்கு முஷாரஃப் பேட்டி அளித்தார். அதில் அவர் கூறியதாவது : பாகிஸ்தானுக்கு அருகில் ஒசாமா இத்தனை காலம் பதுங்கி இருந்தது எனக்கு மிகவும் அதிர்ச்சி அளிக்கிறது; இது குறித்து பாகிஸ்தான் உளவு நிறுவனமான ஐஎஸ்ஐ., இதுவரை எவ்வித தகவலும் அறியாமல் இருந்தது எனக்கு மேலும் அதிர்ச்சி அளிக்கிறது; இது ஐஎஸ்ஐ.,யின் குறைபாட்டை காட்டுகிறது; ஒசாமாவிற்கு பாகிஸ்தான் அடைக்கலம் அளித்திருப்பதாகவும், ஐஎஸ்ஐ ஒசாமாவிற்கு உதவியதாகவும் அமெரிக்கா குற்றம் சாட்டி உள்ளது முற்றிலும் தவறானது; இதற்கு முன் பாகிஸ்தானில் பலமுறை அல்குவைதா அமைப்பிற்கு எதிராக தாக்குதல் நடத்தப்பட்டிருக்கிறது; அதுவும் பாகிஸ்தான் உளவுத்துறையினராலேயே நடத்தப்பட்டுள்ளது; தாலிபன்கள் மற்றும் அல் குவைதா அமைப்பிற்கு எதிராக போராட அமெரிக்காவிற்கு ஆதரவு அளிக்க பாகிஸ்தான் ஒரு போதும் தவறியதில்லை; பயங்கரவாதத்திற்கு எதிராக பாகிஸ்தான் எப்போதும் போராட்டம் நடத்தும். இவ்வாறு முஷாரஃப் தெரிவித்துள்ளார்.



தினமலர்

சாத்தான் வேதம் ஓதுகிறது