கச்சதீவு ஒப்பந்தத்தை ரத்து செய்யுமாறு கோரி வழக்கு

பது · பது Fri May 06, 2011 10:51 pm

1974ஆம் ஆண்டு இந்திய இலங்கை நாடுகளுக்கிடையில் கையெழுத்திடப்பட்ட கச்சதீவு ஒப்பந்தத்தை ரத்து செய்வதற்கு இந்திய மத்திய அரசுக்கு உத்தரவிடக் கோரி சென்னை மேல் நீதிமன்றத்தில் பொதுநல வழக்கொன்று தாக்கல் செய்யப்பட்டுள்ளது.

இந்திய இலங்கை எல்லையில் கடற்படை மற்றும் இந்திய விமானப் படையினர் கண்காணிப்பில் ஈடுபட வேண்டும். கடலில் மீன் பிடிக்க செல்லும் இந்திய மீனவர்களுடன் கரையோர காவல் படையினரும் செல்ல வேண்டும். இந்திய கடல் எல்லைக்குள் மீன்பிடித்த குற்றச்சாட்டில் இலங்கை கடற்படையினரால் நூற்றுக்கணக்கான இந்திய மீனவர்கள் கொல்லப்பட்டமைக்கு நஷ்ட ஈடு பெறுவதற்காக சர்வதேச நீதிமன்றத்தில் வழக்கு தொடுக்க வேண்டும் எனவும் அம்மனுவில் கோரப்பட்டுள்ளது.

கடலில் பலரின் உயிர்கள் இழக்கப்பட்ட போதிலும் இந்திய மத்திய, மாநில அரசுகள் ஆக்கபூர்வமான நடவடிக்கைகள் எதுவும் மேற்கொள்ளப்படவில்லை எனவும் ஆனால் உலகக் கிண்ணத் தொடரின் 37 போட்டிகளில் 27 போட்டிகளை இந்தியாவில் நடத்துவதற்கு 6.21 கோடி ரூபா செலவிடப்பட்டுள்ளது எனவும் அம்மனுவில் குறிப்பிடப்பட்டுள்ளது.

உலகக் கிண்ணத்தை வென்ற இந்திய அணிக்கு தமிழக அரசு 3 கோடி ரூபா வழங்கியுள்ளது. தமிழக வீரர் ஆர். அஸ்வினுக்கு மேலதிகமாக ஒரு கோடி ரூபா வழங்கப்பட்டுள்ளது. அவர் ஒரு போட்டியில்கூட விளையாடவில்லை. மறுபுறம் கொல்லப்பட்ட தமிழக மீனவர்கள் ஒவ்வொருவரின் குடும்பத்திற்கும் 3 இலட்சம் ரூபாவே வழங்கப்பட்டுள்ளது என அம்மனுவில் தெரிவிக்கப்பட்டுள்ளது.

**கே. பாலா** · **கே. பாலா** Fri May 06, 2011 10:59 pm

bbat wrote:உலகக் கிண்ணத்தை வென்ற இந்திய அணிக்கு தமிழக அரசு 3 கோடி ரூபா வழங்கியுள்ளது. தமிழக வீரர் ஆர். அஸ்வினுக்கு மேலதிகமாக ஒரு கோடி ரூபா வழங்கப்பட்டுள்ளது. அவர் ஒரு போட்டியில்கூட விளையாடவில்லை. மறுபுறம் கொல்லப்பட்ட தமிழக மீனவர்கள் ஒவ்வொருவரின் குடும்பத்திற்கும் 3 இலட்சம் ரூபாவே வழங்கப்பட்டுள்ளது

என்னப்பா பண்றது ஏழை புள்ளைங்க இந்திய கிரிக்கெட் ல விளையாடுறாங்க ! பாவம் என்ன கொடுமை சார் இது

கச்சதீவு ஒப்பந்தத்தை ரத்து செய்யுமாறு கோரி வழக்கு

கச்சதீவு ஒப்பந்தத்தை ரத்து செய்யுமாறு கோரி வழக்கு

Re: கச்சதீவு ஒப்பந்தத்தை ரத்து செய்யுமாறு கோரி வழக்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக