குறைகிறது ஆண் யானைகளின் எண்ணிக்கை - மத்திய வன அமைச்சகம் எச்சரிக்கை

by **ந.கார்த்தி** Thu May 05, 2011 2:43 pm

ஆண் யானைகள் எண்ணிக்கை மேற்கு தொடர்ச்சி மலைப்பகுதிகளில் குறைந்து வருகிறது. தடுத்து நிறுத்த நடவடிக்கைகள் எடுக்குமாறு தென் மாநில வனத்துறைக்கு, மத்திய வன அமைச்சகம் எச்சரிக்கை விடுத்துள்ளது.

அகில இந்திய அளவில் யானைகள் எண்ணிக்கை குறைந்து வருகிறது. யானைகள் கணக்கெடுப்பு ஆண்டுதோறும் வனத்துறையினரால் அனைத்து மாநிலங்களிலும் நடத்தப்படுகிறது.

தேனி வனக்கோட்டத்தில் 26 யானைகள் இருப்பதாக வனத்துறையினர் கடந்தாண்டு கணக்கெடுப்பில் தெரிவித்தனர். மேலும், தமிழகத்தில் ஆண் யானைகள் எண்ணிக்கை மிகவும் குறைவாக உள்ளன.பல வனச்சரகங்களில் ஆண் யானைகள் ஒன்று கூட தென்படவில்லை.

மக்னா யானைகள் மட்டும் சில தென்பட்டுள்ளன. ஆண் யானைகள் தந்தங்களுக்காக வேட்டையாடப்படுவதாக கூறப்படுகிறது. இங்கு மட்டுமல்லாது கேரளாவில் 100 பெண் யானைகளுக்கு ஒரு ஆண் யானை என்ற விகிதத்தில் உள்ளது.

ஆண் யானைகள் எண்ணிக்கை மிகவும் குறைந்து வருவது ஆபத்தான விஷயம் என்று மத்திய வன அமைச்சகம் எச்சரித்துள்ளது.

இது தொடர்பாக அனைத்து மாநில வனத்துறை தலைவர்களுக்கும் சுற்றறிக்கை அனுப்பியுள்ளது. குறிப்பாக ஆண் யானைகள் எண்ணிக்கையை அதிகரிக்க என்ன செய்யலாம் என்று வனச்சரகர்கள், உதவி வன பாதுகாவலர்கள், மாவட்ட வன அலுவலர்களிடம் கருத்து கேட்டு, அறிக்கை அனுப்புமாறும் கூறப்பட்டுள்ளது.
தமிழ் ஹாப்பி

by அன்பு தளபதி Thu May 05, 2011 2:58 pm

இந்த உல்கம் மனிதனுக்கு மட்டும் யென மனித இனம் நினைத்து கொண்டு இருக்கிறது நிச்சயம் இதர்க்காண தண்டனையை அனுபவிக்க வேண்டி வரும் அப்பன் பாவம் பிள்ளை தலையில் யென சொல்லப்படும் பழமொழியை போல நமது பிற்கால சந்ததியினாரே இந்த துன்பத்தை அடைவார்கள்

குறைகிறது ஆண் யானைகளின் எண்ணிக்கை - மத்திய வன அமைச்சகம் எச்சரிக்கை

குறைகிறது ஆண் யானைகளின் எண்ணிக்கை - மத்திய வன அமைச்சகம் எச்சரிக்கை

Re: குறைகிறது ஆண் யானைகளின் எண்ணிக்கை - மத்திய வன அமைச்சகம் எச்சரிக்கை