நவீன கைவிலங்கு அறிமுகம்

**ந.கார்த்தி** · **ந.கார்த்தி** Thu May 05, 2011 1:35 pm

கைதிகள் தப்புவதை தடுக்க நவீன கைவிலங்கு அறிமுகப்படுத்தப்பட்டுள்ளது. இதனால், கைதிகள் தப்ப முடியாது என்பதால் போலீசார் நிம்மதி அடைந்துள்ளனர்.
குற்றவாளிகளை கோர்ட்டுக்கும், சிறைச்சாலைக்கும் அழைத்து செல்லும்போது, கைவிலங்கு பூட்டி போலீசார் அழைத்து செல்வர். கோர்ட்டில் ஆஜர்படுத்திவிட்டு, சிறைக்கு திரும்ப அழைத்துச் செல்லும்போது, பல சந்தர்ப்பங்களில் கைதிகள் தப்பியது உண்டு. கூடவே, கைதிகள் தப்பியதற்கு தண்டனையாக, கைதிகளை அழைத்து சென்ற போலீசார் சஸ்பெண்ட் செய்யப்படுவார்கள். சமீபத்தில், கைதி தப்பியதால் போலீஸ்காரர் ஒருவர் தனது துப்பாக்கியால் சுட்டு தற்கொலை செய்து கொண்ட பரிதாப சம்பவமும் நடந்துள்ளது.
கைதிகளுக்கு போடப்படும் கைவிலங்கு பாதுகாப்பான முறையில் இல்லை என கூறப்படுகிறது.
கைவிலங்குகள் ஒரே அளவில் தயாரிக்கப்பட்டு, பயன்படுத்தப்பட்டு வருகிறது. கை மெலிந்து காணப்படும் கைதிகளின் கைகளில் விலங்கை போடும்போது, அது பிடிப்பாக இருப்பதில்லை. இதனால் அவர்கள் எளிதாக தப்பிவிடுகிறார்கள்.
இதனை தவிர்க்க தற்போது நவீன முறையிலான கைவிலங்கு அறிமுகப்படுத்தப்பட்டுள்ளது.
இது செயின் டைப் மாடலில் உள்ளது. குழந்தைகள் கை முதல் பெரியவர்களின் கைகளிலும் இந்த விலங்கை மாட்ட முடியும். அந்தளவுக்கு இறுக்கமாகவும், பாதுகாப்பாகவும் உள்ளது. இந்த புதிய வகை கைவிலங்கிருந்து கைதிகள் தப்பவே முடியாது என போலீசார் கூறுகின்றனர்.
தற்போது சென்னை, கோவை போன்ற இடங்களில் இந்த அதிநவீன கைவிலங்குகள் பயன்படுத்தப்பட்டு வருகிறது. படிப்படியாக ஒவ்வொரு மாவட்டத்துக்கும் நவீன கை விலங்குகள் வழங்கப்பட உள்ளது.
TMT