சிறந்த நடிகர் விக்ரம்! - அனுஷ்கா

by கார்த்திநடராஜன் Mon Apr 18, 2011 4:01 pm

First topic message reminder :

இந்திய அளவில் சிறந்த நடிகர்களில் ஒருவர் விக்ரம் என்று பாராட்டியுள்ளார் நடிகை அனுஷ்கா.

விஜய் இயக்கும் தெய்வத் திருமகன் படத்தில் அனுஷ்காவும் விக்ரமும் முதல்முறையாக இணைந்து நடித்துள்ளனர்.

இந்தப் படத்தில் விக்ரமின் நடிப்பு குறித்து ரொம்பவே சிலாகிக்கிறார்
அனுஷ்கா. அவர் கூறுகையில், "இந்திய அளவில் சிறந்த நடிகர்களில் ஒருவராக நான்
விக்ரமைப் பார்க்கிறேன்.

ஒரு கேரக்டருக்காக அவர் படும் சிரமங்களை நேரில் பார்த்து பிரமித்தேன். தான்
மட்டுமல்ல, தன்னுடன் நடிப்பவர்களும் ஏனோ தானோவென்று நடிக்கக் கூடாது
என்பதில் தீர்மானமாக உள்ளார் விக்ரம். இது எனக்குப் புதிய அனுபவம். தமிழில்
இதற்கு முன் எனக்கு யாரும் இப்படி நடிக்கணும் என்று கூட சொல்லிக்
கொடுத்ததில்லை.

இந்தப் படம் அவருக்கு பல விருதுகளையும், அங்கீகாரத்தையும் பெற்றுத் தரும்.
இந்தப் படத்தில் எனக்குப் பிடித்த இன்னொரு விஷயம் இசை. மனதைக்
கவர்ந்துவிட்டார் ஜிவி பிரகாஷ்குமார்," என்றார் அனுஷ்கா.
நன்றி
TMT

by **ந.கார்த்தி** Tue Apr 26, 2011 8:09 pm

Click image for larger version Name: rrrrrr.jpg Views: 7 Size: 11.8 KB ID: 31350எத்தனை முறை... எத்தனை பேர் எச்சரித்தாலும் சினிமா மோகத்தில் கற்பை பறிகொடுத்து கண்ணீர் வடிக்கும் பெண்களின் எண்ணிக்கை நாளுக்கு நாள் அதிகரித்துக் கொண்டேதான் போகிறது. கடந்த சில மாதங்களுக்கு முன் சினிமா மோகத்தால் சென்னைக்கு வந்த பள்ளி மாணவிகள், காமுகர்களிடம் சிக்கி சீரழிந்த சம்பவம் நடந்தேறியது. அதற்குப் பிறகும் அதுபோன்ற சம்பவங்கள் தொடர்ந்து கொண்டிருக்கின்றன என்பதற்கு உதாரணமாக லேட்டஸ்ட் சம்பவமொன்று நடந்திருக்கிறது. கன்னியாகுமரியை சேர்ந்த 58 வயது ஆயுர்வேத டாக்டர் செல்வராஜ், என் உள்ளம் உன்னைத் தேடுதே என்ற பெயரில் புதிய படமொன்றை கதை, திரைக்கதை, வசனம் எழுதி இயக்கி, தயாரித்தார். படத்தின் நாயகனாகவும் அவரே நடித்த இந்த படத்தில் கதாநாயகிகளாக சோனியா ஷெட்டி, மம்தா ஆகியோர் நடித்தனர். படத்தில் பல கிளுகிளு சமாச்சாரங்கள் இருந்ததால் சென்சார்போர்டு ஏ சான்றிதழ் வழங்கியது. ஆனால் படத்தை யாரும் வாங்க முன்வராததால் ரீலிஸ் ஆகாமல் பெட்டிக்குள் முடங்கிக் கிடக்கிறது.

ஒரு படம் எடுத்து, அதுவும் ரீலிஸ் ஆகாமல் பெட்டிக்குள் தூங்கிக் கொண்டிருக்கும் நிலையில் ருசி கண்ட பூனை போல தனது வேட்டையை தொடர்ந்திருக்கிறார் டாக்டர் செல்வராஜ். தனது மருத்துவமனையில் பணிபுரியும் 3 நர்சுகள் மற்றும் தன்னிடம் சிகிச்சைக்கு வந்த சில பெண்களிடம் தனது லீலைகளை செய்திருக்கிறார். சினிமா ஆசை காட்டியதால் அவரது சல்லாபம் வெளிச்சத்துக்கு வராமலேயே இருந்துள்ளது. இந்நிலையில்தான் ஆயுர்வேத டாக்டரை ஆட்டம்காண வைக்கும் வகையில் சில நோயாளிகள் போலீசில் புகார் தெரிவித்துள்ளனர். இதையடுத்து ***பெண் வன்கொடுமை தடுப்பு சட்டத்தின் கீழ் செல்வராஜ் கைது செய்யப்பட்டுள்ளார்.

செக்ஸ் டாக்டர் செல்வராஜ்-க்கு இரண்டு மனைவிகள். இவருக்கு கன்னயாகுமரி மற்றும் சென்னையில் மருத்துவமனைகள் உள்ளன. இரண்டு மனைவிகளும் ஆளுக்கொரு மருத்துவமனையை நிர்வகித்து வருகிறார்கள். இவர் நர்சிங் படித்து வேலையில்லாமல் இருக்கும் இளம் பெண்களிடம் அதிக சம்பளம் தருவதாக ஆசை வார்த்தை கூறி தனது மருத்துவமனையில் சேர்ப்பது, பின்னர் தன்னை சினிமா தயாரிப்பாளராக அடையாளப்படுத்திக் கொண்டு நர்சிங் மாணவிகள், சிகிச்சைக்கு வந்த அழகான இளம்பெண்களை சீரழித்துள்ளார். அவருடன் நடித்த நடிகைகளிடம் விசாரணை நடத்த திட்டமிட்டுள்ள போலீசார், சினிமா பிரமுகர்களுடனான டாக்டரின் தொடர்பு குறித்தும் விசாரித்து வருகிறார்கள்.

சினிமா உலகத்தைப் ***பற்றி எதுவும் தெரியாமல்... நிழலைப் பார்த்து நிஜமென நம்பி எப்படியாவது சினிமாவில் நடிக்க வேண்டும், பணம், புகழை சம்பாதிக்க வேண்டும் என நினைக்கும் பெண்***களை என்னவென்று சொல்வது? இவர்களைப் போன்றவர்கள் இருக்கும்வரை டாக்டர் செல்வராஜ் போன்று சினிமாவைக் காட்டி கற்பை சூறையாடும் காமுகர்களும் இருந்து கொண்டேதான் இருப்பார்கள்.
TMT

by மனோஜ் Tue Apr 26, 2011 8:28 pm

by மஞ்சுபாஷிணி Tue Apr 26, 2011 8:34 pm

படம் வெளிவந்தப்பின் சொல்லி இருக்கலாம்ல ஐ லவ் யூ?? சொதப்பிட்டாரே டைரக்டர்...

by மஞ்சுபாஷிணி Tue Apr 26, 2011 10:03 pm

எனக்கென்னவோ இந்த பதிவு அத்தனை முக்கியமில்லன்னு படறது....

அதுவும் தமிழ்ல இருந்தாலாவது ரஃபீக், பாலா, முரளி இவங்களுக்கு பயன்படும் ஒன்னும் புரியல

by மஞ்சுபாஷிணி Tue Apr 26, 2011 10:08 pm

by **ந.கார்த்தி** Thu Apr 28, 2011 11:34 am

ஒரு படத்தில் வடிவேலுவிடம் யானை குறித்து சக காமெடியன் கூறுகையில், யானைன்னா பிச்சை எடுக்கணும் என்பார். அதற்கு வடிவேலு, யானை கிட்ட எத்தனை நல்ல ஹைலைட்ஸ் இருக்கு, பிச்சை எடுப்பதுதான் கண்ணில் பட்டதா என்பார். அந்தக் கதையாகியுள்ளது வேலாயுதம் படத்தில் இடம் பெறும் ஒரு காட்சி.

வேலாயுதம் படத்தில் எத்தனையை ஹைலைட்டான விஷயங்கள் இருக்க அதில் ஹன்சிகா மோத்வானி, விஜய்க்கு கொடுத்துள்ள ஒரு சின்ன முத்தக் காட்சி கோலிவுட்டை கலக்க ஆரம்பித்துள்ளது.

இப்படத்தில் விஜய்க்கு இரண்டு நாயகிகள், ரூ. 2 கோடி செலவில் ஒரு பாடல் காட்சி, பிரமாண்டமான சண்டைக் காட்சி, ஓட்டப் பந்தயக் காட்சி என ஏகப்பட்ட ஹைலைட்ஸ்கள் உள்ளன வேலாயுதத்தில்.

அதேசமயம், அதை விட சூப்பர் ஹிட்டாக பேசப்படுவது ஹன்சிகா கொடுத்துள்ள முத்தம்தான். இப்படத்தில் விஜய்க்கு படு சூடான முத்தம் கொடுத்துள்ளாராம் ஹன்சிகா. அதாவது விஜய்யின் உதடுகளுக்கு வெகு நெருக்கமாக வந்து முத்தமிடுவது போல இந்தக் காட்சி இருக்கிறதாம். இது ரசிகர்களை வெகுவாக கிளுகிளுப்பூட்டும் என்கிறார்கள் யூனிட்டில்.

இதுவரை இல்லாத அதிரடிப் படமாக வேலாயுதம் உருவாகிறது என்று கோலிவுட்டில் பரபரப்பாக பேசிக் கொள்கிறார்கள்.

இப்படத்தில் இன்னொரு ஹைலைட் என்னவென்றால் இப்படத்தின் வில்லன்கள். கிட்டத்தட்ட 15 வில்லன்கள் இப்படத்தில் இருப்பதாக கூறப்படுகிறது.

இப்படத்தில் பால்காரர் வேடத்தில் நடிக்கிறார் விஜய். சரண்யா மோகன் அவரது தங்கையாக வருகிறார்.

படத்தில் காமெடி பட்டையைக் கிளப்பும் வகையில் அமைந்துள்ளதாம். சந்தானம், எம்.எஸ்.பாஸ்கர், இளவரசு, பாண்டியராஜன், ராகவ் ஆகியோர் காமெடிக்குக் கை கோர்த்துள்ளனர். வழக்கமான வடிவேலு படத்தில் இல்லாத குறையை இவர்கள் நிவர்த்தி செய்து விடுவார்கள் என்கிறார்கள்.

படத்தின் பெரும்பாலான பகுதிகளை முடித்து விட்டனர். கிளைமேக்ஸ் காட்சி மட்டுமே பாக்கி உள்ளதாம்.
TMT

by **ந.கார்த்தி** Thu Apr 28, 2011 11:52 am

ஜீவா நடிப்பில் கேவி ஆனந்த் இயக்கத்தில் வெளியாக வெற்றி பெற்றுள்ள கோ திரைப்படம் தெலுங்கில் ரங்கம் என்ற பெயரில் டப் செய்யப்பட்டுள்ளது.

சமீபத்தில் ரிலீசான தமிழ்ப் படங்களிலேயே பெரும் வெற்றியைப் பெற்றுள்ள படமாக கோ - வை விநியோகஸ்தர்கள் அறிவித்துள்ளனர்.

இந்தப் படத்தை தெலுங்கிலும் டப் செய்துள்ளனர். தெலுங்கில் ரங்கம் என தலைப்பு வைக்கப்பட்டுள்ளது. ஆந்திராவில் அதிக திரையரங்குகளில் வெளியிடத் திட்டமிட்டுள்ளனர் ஆர்எஸ் இன்போடைன்மெண்ட் நிறுவனத்தினர்.

ஹீரோ ஜீவா, இசையமைப்பாளர் ஹாரிஸ் ஜெயராஜ் போன்றவர்கள் தெலுங்கு ரசிகர்களுக்கும் பரிச்சயமானவர்கள் என்பதாலும், கேவி ஆனந்தின் முந்தைய படம் அயன், தெலுங்கில் ஓரளவு நன்கு ஓடியதாலும் இந்த முயற்சியில் இறங்கியுள்ளனர்.
TMT

by **ந.கார்த்தி** Thu Apr 28, 2011 11:54 am

என்னைப் போய் அசினுக்குப் போட்டியா என்றெல்லாம் கேட்டு அசிங்கப்படுத்துகிறார்கள். நான் அவருக்கு முன்பே பாலிவுட்டுக்குப் போய் வெற்றிப்படங்களில் நடித்துவிட்டவளாக்கும்," என்று முகத்தைத் திருப்புகிறார் ஜெனிலியா.

வேலாயுதம் படத்தில் விஜய்க்கு ஜோடியாக நடித்துவரும் ஜெனிலியா, தனது இந்திப் பட வாய்ப்புகள் குறித்து கூறுகையில், "இப்போது இந்தியில் “இட் ஈஸ் மை லைப்”, “போர்ஸ்”, “கூக் யாகு ரூக்” போன்ற படங் களில் நடித்து வருகிறேன்.

சினிமாவுக்கு வெவ்வேறு மொழிகளில் இருந்து நிறைய நடிகைகள் வருகிறார்கள். பல்வேறு மொழிப்படங்களில் நடிக்கிறார்கள். நான் யாரையும் போட்டியாக கருதவில்லை. எனது முந்தைய படங்களைத்தான் போட்டியாக நினைக்கிறேன்.

என்னிடம் அடிக்கடி நீங்க அசினுக்குப் போட்டியா என்றெல்லாம் கேட்கிறார்கள். நான் அவருக்கு முன்பே இந்தியில் நடித்து, வெற்றிப் படங்கள் கொடுத்துவிட்டேன்.

இப்போது நல்ல சவாலான வேடங்கள் நடிக்கவேண்டும் என்று முயற்சிக்கிறேன். என்னைப் பற்றி கிசு கிசுக்கள் வருகின்றன. நடிகர் ரிதேஷ் தேஷ்முக்குடன் திருமணம் என்றெல்லாம் கூட செய்தி வந்துவிட்டது.

உண்மையைச் சொல்லனும்னா எனக்கு நிறைய நண்பர்கள் உள்ளனர். யாருடனும் காதல் இல்லை," என்றார் என்றார்.
TMT

by ரபீக் Thu Apr 28, 2011 11:55 am

அப்போ சல்மான் ?

by **ந.கார்த்தி** Sat Apr 30, 2011 7:53 am

தெலுங் கில் “100 சதவீதம் லவ்” என்ற படத்தில் தமன்னாவும் நாகசைதன்யாவும் ஜோடியாக நடிக்கின்றனர். இதன் பாடல் சி.டி. வெளியீட்டு விழா ஐதராபாத்தில் நடந்தது. அதற்காக மேடை அமைத்து இருந்தனர். நாகசைதன்யா விழாவுக்கு வரவில்லை. தமன்னா இதில் பங்கேற்றார். மேடையில் ஒரு பாட்டுக்கு ஆடும்படி தமன்னாவிடம் கேட்டு கொண்டனர். தமன்னாவும் ஆடினார். 3 நிமிடமே நடந்த இந்த நடன நிகழ்ச்சிக்கு தமன்னா ரூ.3 லட்சம் சம்பளம் வாங்கிக் கொண்டாராம். இதை அறிந்த படக்குழுவினர் அதிர்ச்சியில் ஆழ்ந்துள்ளனர். 3 நிமிஷத்துக்கு 3 லட்சம்னா அதிர்ச்சி இருக்காதா பின்னே...!!
TMT