ஏ.ஐ.சி.டி.இ., நிர்ணயித்துள்ள குறைந்தபட்ச மதிப்பெண்: பின்பற்ற தமிழகம் மறுப்பு

சென்னை: பொறியியல் கல்லூரி மாணவர் சேர்க்கைக்கு, தமிழகத்தில் ஏற்கனவே
நடைமுறையில் உள்ள குறைந்தபட்ச தகுதி மதிப்பெண்களையே, வரும் கல்வியாண்டிலும்
பின்பற்றும்படி முதல்வர் கருணாநிதி உத்தரவிட்டுள்ளார்.
தமிழக அரசின் செய்திக் குறிப்பு: தமிழக பொறியியல் கல்வி மாணவர்
சேர்க்கைக்கான குறைந்தபட்ச தகுதியாக, பொதுப்பிரிவினருக்கு சம்பந்தப்பட்ட
பாடங்களில், சராசரியாக, 50 சதவீத மதிப்பெண்களும்,
பிற்படுத்தப்பட்டவர்களுக்கு, 45 சதவீதமும், மிகவும் பிற்படுத்தப்பட்ட
மற்றும் சீர்மரபினருக்கு, 40 சதவீதமும், பட்டியல் இனத்தவர் மற்றும் மலைவாழ்
பழங்குடியினருக்கு, 35 சதவீதமும் மதிப்பெண்கள் நிர்ணயித்து, 2010- 11ம்
கல்வியாண்டு முதல் இந்நடைமுறை பின்பற்றப்படுகிறது. இந்நிலையில், தற்போது,
அகில இந்திய தொழில்நுட்பக் குழுமம் 2011- 12ம் கல்வியாண்டு முதல்,
பொறியியல் மாணவர் சேர்க்கைக்கு சம்பந்தப்பட்ட பாடங்களில் குறைந்தபட்சமாக
பொதுப்பிரிவினர், 50 சதவீத மதிப்பெண்களும், ஒதுக்கீடு பெறும் இனத்தவர், 45
சதவீத மதிப்பெண்களும் பெற்றிருக்க வேண்டும் என்பன உள்ளிட்ட, புதிய
நெறிமுறைகளை வரையறுத்து, அனைத்து மாநிலங்களுக்கும் அனுப்பி வைத்துள்ளது.
அகில இந்திய தொழில்நுட்பக் குழுமத்தின் இந்த நெறிமுறைகளை பின்பற்றினால்,
பட்டியல் இனத்தவர், சீர்மரபினர், மிகவும் பிற்படுத்தப்பட்டோர்,
பிற்படுத்தப்பட்டோர் மற்றும் கிராமப்புற மாணவர்கள் புறக்கணிக்கப்படுவதோடு,
சமூக நீதிக் கொள்கையையே பொருளற்றதாகி விடும். தற்போது, தமிழக அரசால் கடந்த
ஆண்டு முதல், பல்வேறு பிரிவுகளைச் சேர்ந்த மாணவர்களுக்கு ஏற்கனவே
நிர்ணயிக்கப்பட்ட குறைந்தபட்ச மதிப்பெண்கள், சட்டசபையில் அறிவிக்கப்பட்டு,
அமைச்சரவையிலும் ஒப்புதல் பெறப்பட்டு, செயலாக்கப்பட்டது. இந்நிலையில், இந்த
குறைந்தபட்ச மதிப்பெண்களையே, வரும் கல்வியாண்டிற்கான மாணவர்
சேர்க்கைக்கும் பின்பற்றலாம் என, தமிழக அரசு முடிவு செய்துள்ளது. எனவே,
"கல்வி' பொதுப் பட்டியலில் இருக்கிறது என்ற காரணத்தை காட்டாமல், அனைத்துப்
பிற்படுத்தப்பட்ட, ஒடுக்கப்பட்ட மாணவர்கள் பயன்பெறும் வகையில், அகில இந்திய
தொழில்நுட்பக் குழுமம் இந்த ஆணையை திரும்பப் பெறுமாறு தமிழக அரசு கேட்டுக்
கொள்கிறது. இவ்வாறு செய்திக் குறிப்பில் தெரிவிக்கப்பட்டுள்ளது.

உயர் கல்வியின் தரத்தை எப்படியும் ஒழித்து கட்டியே தீர வேண்டும் என்று கங்கணம் கட்டியுள்ளவர்களிடம் வேறென்ன எதிபார்க்க முடியும்.பிறகென்ன, அரசுக்கு கட்டுப்பாட்டு 35% வாங்கினாவர்களையும் காலேஜ் ல சேர்த்துக்கொள்வார்கள் ( அவர்களுக்கும் பண வரவு தானே ) ஆனால் அந்த பசங்களால் நன்றாக படிக்க முடியாமல் அரியர்ஸ் வைப்பார்கள். அரியர்ஸ் வைத்து 5 அல்லது 6 வருடங்கள் கழித்துத்தான் டிகிரியை முடிக்க
முடியும். பெரிய கம்பெனிகள் 70% க்கு மேற்பட்ட மதிப்பெண்களை
மாணவர்கள் பெற்றிருக்க வேண்டும் என்றும் அதிலும் அரியர்ஸ் இல்லாமல் பாஸாகி வந்தவர்களுக்கு மட்டுமே முன்னுரிமை அளிக்கின்றன. அப்பா இந்த மாணவர்கள் என்ன செய்வார்கள்? அவர்கள் ஏதாவது ஒரு இடத்தில் வேலை கிடத்தால் போரும் என்று சொல்லிவிட்டு , 2000 , 3000 சம்பளத்திற்க்குவேலைக்கு போவார்கள். கேட்டால் பி.இ என்பார்கள். நான்கு படித்து நாட்டைவிட்டு வெளியே பறக்கும் பசங்களை பார்த்து பொறாமை மட்டும் படுவார்கள். இங்கு படிப்புக்கு தக்க வேலை கொடுத்தால் அவா என் வெளியே போரா? அதை யாரும் யோசிப்பதில்லை . நம் நாடு (தமிழ் நாடு ) உருப்படாது. கூடிய சீக்கிரம் "ப்ரெய்ன் டிரைன் " தான் வரப்போகிறது.