துட்டு வரலே சாமி

எங்களை அவமானப்படுத்தாதீங்க!
-மானமிகு தமிழ் மக்களின் கடிதம்!

""அரசியல் கட்சிகளோட தலைவர்- தலைவியருக்கு, வணக்கமுங்க.

அரண்மனை வாழ்க்கைக்கு ஆசைப்பட்டு அந்தப்புரத்து வப்பாட்டியா அடிமை வாழ்க்கை வாழுறதைவிட, சொந்தக் காணியில பாடுபடுற மனுசனுக்கு வாக்கப்பட்டு அரை வயித்துக் கஞ்சிய அமுதமா நினைச்சுக் குடிச்சி சுயமரியாதை யோடு வாழ நினைக்கிற மனுசங்க நாங்க. மானத்தைவிட வருமானத்தை பெருசா நினைக்கிறதே அவமானம்னு மன சுக்குள்ள நாங்க எழுதி வச்சிருக்கோம். எங்க சுயமரியாதைக்கு உங்க தேர்தல் நேரத்துலதான் சோதனை வருது. ஒவ்வொரு கட்சிக்கும் என்ன கொள்கை, யார்-யாரோடு கூட்டணிங் கிறதெல்லாம் கடைசி நேரம் வரைக்கும் எங்களுக்குப் புரியமாட்டேங்குது. ஆனா உங்க எல்லோருக்கும் பணத்தோடு கூட்டணி இருக்கு. ஓட்டுக்கு காசுங்கிறது உங்க எல்லா ருக்குமே கொள்கையா இருக்குது.

இந்த மண்ணுல எப்போதிருந்து எல்லாக் குடிமகனுக் கும் ஓட்டுன்னு சட்டம் வந்ததோ, அப்போதிருந்தே ஓட்டுக்கு நோட்டுங்கிற கலாச்சாரமும் சேர்ந்தே வந்திடிச்சி. முதல் எலெக்ஷன் நடந்த 1952-ல் பல கிராமங்களில் ஓட்டுக்கு ஒரு ரூபாய் கொடுத்து ஆட்சியைப் பிடிச்சாங்க. கவுன்சிலர் எலக்ஷனில்கூட நோட்டுத்தான் ஓட்டுகளைத் தீர்மானிச்சுது. மக்களுக்கு பணம் கொடுத்து ஜெயித்த கவுன்சிலர்களெல்லாம் சேர்மன் தேர்தலில், தங்களோட ஓட்டுக்கு ஒரு பவுன்னு விலை போன கதையெல்லாம் நிறையவே இருக்கு. அப்படி இப்படின்னு அரசல் புரசலா இருந்த இந்த நோட்டுக் கலாச் சாரத்தை, திட்டம் போட்டு வெளிப்படையா செய்யும் தேர் தல் கலாச்சாரம் சாத்தான்குளம் இடைத்தேர்தலில் பல கோடி பட்ஜெட்டில் தொடங்கி திருவள்ளூர்- கும்மிடிப் பூண்டி இடைத்தேர்தலில் வளர்ந்தது. திருமங்கலம் இடைத் தேர்தல் மூலமா இந்தத் தமிழகத் தேர்தல் கலாச்சாரம் உலகப் பிரபலமாகிவிட்டது. அதற்கப்புறம், ஒவ்வொரு தொகுதி வாக் காளரும் தங்களோட தொகுதிக்கு எப்போது இடைத்தேர் தல் வரும்னு எதிர்பார்க்க ஆரம்பிச்சிட்டாங்க. சுயமரி யாதைக்கான சோதனை இங்கிருந்துதான் தீவிரமடைஞ் சது. இடைத்தேர்தல் கலாச்சாரத்தை அப்படியே பொதுத்தேர்தலுக்கும் பயன்படுத்தலாம்ங்கிறதை 2009 எம்.பி. தேர்தல் நிரூபிச்சது. இப்ப நடந்த சட்டமன்றத் தேர்தலில் எல்லாக் கட்சிகளுமே கரன்சிக்கூட்டணியைத்தான் நம்பியது.

வாங்குன பணத்துக்கு நாங்க விசுவாசமா இருப்போம்னு நீங்க நினைக்கிறீங்க. ஒரு கட்சி மட் டும் பணம் கொடுத்தால் விசுவாசத்தைக் காட்டலாம். ஒவ்வொரு கட்சியும் பணம் கொடுத்தா எங்க விசுவாசத்தை யாருக்கு காட்டுறது? தேர்தல் கமிஷன் கெடுபிடியால கட்சிப்பணத்தையும் சொந்தப் பணத்தையும் வெளியே எடுக்கமுடியாம, நடுராத்திரி திருடனுங்க மாதிரியும் வேறு எதுக்கோ போற மைனருங்க மாதிரியும் ஜாமத்துல கதவைத் தட்டி, கவருல போட்டு பணத்தைக் கொடுக்குறீங்க. இப்படிக் கொடுத்தா ஜெயிச்சிடலாம்னு ஒவ்வொரு கட்சியும் கணக்குப் போட்டா, ஒரு தொகுதிக்கு எத்தனை எம்.எல்.ஏ.க்களைத் தேர்ந்தெடுக்கிறது? சுண்டைக்காய் கால்பணம், சுமைகூலி முக்கால் பணம்ங்கிற கதையா, மக்களுக்கு கொடுக்கச் சொல்லி கட்சியிலிருந்து வந்த பணத்தை, விநியோகம் பண்றதா சொல்லி கட்சிக்காரங்க ஆட்டையப் போட்டதை என்னன்னு சொல்றது?

ஒரு கூட்டுக் குடும்பத்துக்குள்ள அண்ணன்-தம்பிங்கன்னு நாலைந்து குடும்பம் இருக்குது. அதில் ஒருத்தர் மட்டும் அந்தக் கட்சிக்காரர்னு சொல்லி, இந்தக் கட்சிக்காரங்க கவர் கொடுக்காம போயிட்டாங்க. அன்னைக்கு ராத்திரி, அந்த ஆள் வீட்டுக்கு வந்தப்ப அவரோட சம்சாரம் பத்ரகாளியாயிடிச்சி. “"உன்னோட அண்ணன் தம்பிங்களுக்கெல்லாம் ஒழுங்கா பணம் வந்திருக்கு. அவங்க பொண்டாட்டிகளுக்கும் வந்திருக்கு. ஆனா உனக்கும் எனக்கும் வரலை. நீ என்னய்யா மனுசன்.. துப்புக்கெட்ட ஆம்பளையா இருக் கியே'ன்னு ஒரே சண்டை. தனக்குப் பணம் கொடுக்காததை அவமானமா நினைச்சி அந்தம்மா வேற யார்கிட்டேயும் பேசுறதில்லை. குதூகலமா இருந்த கூட்டுக் குடும்பத்துக்குள்ள வந்து கும்மியடிச்சிட்டுப் போயிடிச்சி உங்க ளோட பணம். உங்க காசு, நாட்டையும் கெடுத் திடுது. வீட்டையும் கெடுத்திடுது.

அரசியல் புண்ணியவான்களே.. போதும் நீங்க நடத்துற பணத்தாசை விளையாட்டு. எலெக்ஷன் கமிஷன்கிட்டேயிருந்தும் உங்க ளுக்கு நெருக்கடி. மக்களுக்கும் முழுசா போய் சேருவதில்லை. உங்க கட்சிக்காரங்களே உங்க கட்சிப் பணத்தை வீட்டுப் பீரோவில் வச்சுப் பூட்டிக்கிறாங்க. இதற்கு மேலேயும் ஓட்டுக்கு நோட்டுன்னு மக்களை விலை பேசணுமா? நீங்க ஜெயிச்சீங்கன்னா, ஆளுங்கட்சியாகி வருமானம் பார்த்திடுவீங்க. தோத்தாலும் ஏற்கனவே சேர்த்து வச்ச வெகுமானம் பத்திரமா இருக் கும். உங்க வருமானத்தையும் வெகுமானத்தை யும் தேர்தல் மூலதனமாக்கி எங்களை அவ மானப்படுத்தாதீங்க. தமிழ்நாட்டு ஜனங்க நோட்டுக்கு விலை போறவங்கன்னு இந்தியா முழுக்க பரப்பிக்கிட்டிருக்கீங்க. ஜெயிக்கிறது உங்களுக்குப் பெருமையா இருக்கலாம். இவங்க ஜெயிக்கிறதுக்கு நாம விலை போகணுமான்னு நாங்க வெட்கப்படுறோம். போட்டிருக்கிற துணி அவிழ்ந்து விழுந்த மாதிரி கூச்சப்படுறோம். உங்க பணத்தைத் தொடுறதையே பாவம்னு நினைக்கிறோம். அடுத்த தேர்தலுக்காவது அந் தப் பாவத்தை செய்யாம இருங்க. இனியாவது எங்களை மானத்தோடு வாழவிடுங்க.''

இப்படிக்கு

(அவ)மானமிகு தமிழ்மக்கள்
நக்கீரன் செய்தி