பா.ஜ.விடம் வம்பு பண்ணும் சிம்பு ரசிகர்கள்

**ந.கார்த்தி** · **ந.கார்த்தி** Sat May 07, 2011 2:07 pm

நடிகர் சிம்புவின் கட்-அவுட்டை அவமதித்த பாரதிய ஜனதா கட்சி, சிம்புவிடம் மன்னிப்பு கேட்க வேண்டும் என்று அவரது ரசிகர்கள் போராட்டத்தில் ஈடுபட்டனர். தேசிய கட்சியான பா.ஜ.க., சிம்புவிடம் மன்னிப்பு கேட்க வேண்டும் என்று சிம்பு ரசிகர்கள் கோஷமிட்டதை பார்த்து தலையில் அடித்து நொந்து கொண்டனர் அவ்வழியாக சென்ற ***பொதுமக்கள். நடிகர் சிம்பு - அனுஷ்கா ஜோடி நடித்திருக்கும் புதிய படம் வானம். இப்படம் சென்னை தாம்பரத்தில் ஒரு தியேட்டரில் திரையிடப்பட்டுள்ளது. இதற்காக சிம்பு ரசிகர்கள் பிரமாண்ட கட்-அவுட்டை தியேட்டர் முன்பு கட்டியிருந்தனர். இந்நிலையில் அந்த கட்-அவுட்டை அகற்றிவிட்டு பாரதிய ஜனதா கட்சியை சேர்ந்தவர்கள் கட்சி தொடர்பான கட்-அவுட் ஒன்றை அமைத்தனர்.

இதுபற்றி கேள்விப்பட்ட சிம்பு ரசி்கர்கள் தியேட்டர் முன்பு திரண்டனர். தங்கள் தலைவரின் கட்-அவுட்டை அகற்றியதற்கு கடும் கண்டனம் தெரிவித்த அவர்கள் திடீர் போராட்டத்தில் குதித்தனர். கட்-அவுட்டை அகற்றியவர்கள் மீது நடவடிக்கை எடுக்க வேண்டும் என்று கோஷமிட்டதோடு நிறுத்திக் கொள்ளாமல், மன்னிப்பு கேள்... மன்னிப்பு கேள்... பாரதிய ஜனதா கட்சியே சிம்புவிடம் மன்னிப்பு கேள்... என்றும் கோஷமிட்டனர். ஒரு நடிகரின் ரசிகர்கள், கட்-அவுட் தகராறுக்காக நடத்தும் போராட்டத்தில், ஒரு தேசிய கட்சியை*** மன்னிப்பு கேட்கச் சொன்னதை, அதுவும் சிம்பு போன்ற நடிகர்களிடம் மன்னிப்பு கேட்கச் சொல்லி கோஷமிட்டதை பார்த்து அவ்வழியாக சென்ற பொதுமக்கள் நொந்து கொண்டனர்.

இதற்கிடையில் சிம்பு ரசிகர்கள் போராட்டம் பற்றிய தகவல் கிடைத்ததும் போலீசார் விரைந்து வந்து அசம்பாவிதம் நடக்காமல் தடுத்தனர். போராட்டத்தில் ஈடுபட்ட ரசிகர்கள் சிலர் கைது செய்யப்பட்டனர்.
TMT

ரபீக் · ரபீக் Sat May 07, 2011 2:31 pm

அவங்க கட் அவுட்டை அகற்றியதும் இவங்க அத்ற்க்கு மன்னிப்பு கேட்கச் சொன்னதும் ரொம்ப ஓவர்

கலைவேந்தன் · கலைவேந்தன் Sat May 07, 2011 8:18 pm

ஒருகுறிப்பிட்ட குழுவினர் அமைத்த கட் அவுட்டை நீக்க பாஜ வுக்கு அதிகாரம் வழங்கியவர் யார்..?

இதே செயலை மாற்றி பாஜ கட் அவுட்டை தள்ளிவிட்டு மீண்டும் வேறு குழுவினர் கட் அவுட் வைப்பதை பொறுப்பார்களா இவர்கள்..?

இந்த பதிவைத் துவங்கியவர் நன்றி கூறியுள்ளார் கலைவேந்தன்

மகா பிரபு · மகா பிரபு Sat May 07, 2011 9:06 pm

ஏ சிம்பு,
உனக்கு ஏன் இந்த வம்பு,
உன்னை முதலில் நீ நம்பு.

அன்பு தளபதி · அன்பு தளபதி Sat May 07, 2011 10:16 pm

வானம் படத்தில் இந்து மாதம் பற்றி ஆட்சேபத்திர்க்குறிய சில வசனங்கள் இருப்பதாக சொல்லித்தான் இந்த பிரச்சினை ஆரம்பம் இப்பொழுது சில நடுநிலை பத்திரிக்கைகளால் திசை மாறி செல்கிறது

பது · பது Sun May 08, 2011 10:03 pm

சிம்பு பிரதான பாத்திரத்தில் நடிக்கும் "வாணம்" திரைப்படம் அண்மையில் வெளியிடப்பட்டது.இந்தப் படத்தில் வரும் சில காட்சிகளை பி.ஜே.பி குழுவினர் எதிர்த்தனர்.

இதனை அறிந்த சிம்பு ரசிகர்கள் சென்னை பி.ஜே.பி அலுவலகத்தை இன்று தாக்கினர்.

பொலிசார் தடுக்க முயன்ற போது பி.ஜே.பி குழுவினரை எதிர்த்து ஆர்ப்பாட்டத்தில் ஈடுபட்டனர்.

சிம்புவின் தந்தையான.ராஜேந்தர் ஊடகவியலாளர் சந்திப்பில் இதுபற்றி தெரிவிக்கையில் "வாணம் "திரைப்படம் வசூலில் சாதனை படைக்கும்.

இது தெலுங்கு ரீமேக்காகும்.இதன் கரு சிறப்பானது. காதலை விட மானுடம் முக்கியமானது.சமயரீதியற்றது.

இருந்த போதும் ஹிந்து அமைப்பினர் இத்திரைப்படத்தை எதிர்க்கின்றனர் எனத்தெரிவித்தார்.

அன்பு தளபதி · அன்பு தளபதி Sun May 08, 2011 10:04 pm

என்ன படம்டா இது என்ன கொடுமை சார் இது

மஞ்சுபாஷிணி · மஞ்சுபாஷிணி Sun May 08, 2011 10:12 pm

அட யாரும் எதிர்க்கும்படி அப்படி ஒன்னும் விஷயம் இல்லையே... மனிதம் மானவத்துவம் இருக்கணும்னு உணர்த்தும் படம் அருமையான படம் நான் தெலுங்கில் பார்த்த படம்....

அசுரன் · அசுரன் Mon May 09, 2011 12:35 am

டேய் நாராயணா இந்த கொசுத்தொல்ல தாங்க முடியலடா! - சிம்பு இப்ப எடுத்திருக்கும் ஆயுதம் மதம். கோவில் படத்தில் ஆரம்பித்தவர் இன்னும் தொடர்கிறார். போன படம் மாதிரி ப்ரேக் வரும்னு பார்க்கிறார். புன்னகை