ரஜினிகாந்துக்கு மீண்டும் மூச்சு திணறல் : ஐசியுவில் அனுமதி !

சூப்பர் ஸ்டார் ரஜினிகாந்த் மீண்டும் மருத்துவமனையில் சேர்க்கப்பட்டிருக்கிறார். சென்னை இஸ்பெல் மருத்துவமனையில் மூச்சு திணறலுக்கு தற்போது சிகிச்சை பெற்று வருகிறார். ரஜினிகாந்த மூன்று வேடங்களில் நடிக்கும் ராணா படப்பிடிப்பு துவங்கிய ஏப்ரல் 29 அன்று ரஜினிமுதலில் மருத்துவமனையில் சேர்க்கப்பட்டு பின்பு குணமடந்ததாக டிஸ்சார்ஜ் செய்யப்பட்டார். ஆனால் அது நடந்து ஒரு வாரத்திற்க்குள்ளாகவே ரஜினி நேறறு மூச்சு திணறலால் அவதிப்பட்டார். ராணா படப்பிடிப்பில் இருந்த அவரை உடனே இஸ்பெல் மருத்துவமனைக்கு அழைத்து சென்றனர். அங்கு அவருக்கு தீவிர சிகிச்சை அளிக்கப்பட்டது. தற்போது ரஜினியின் நிலை தேறியிருப்பதாகவும் அவர் ஸ்டேபிளாக இருப்பதாகவும் மூச்சு சீராக இருப்பதாகவும் மருத்துவமனை வட்டாரங்கள் தெரிவிக்கின்றன. ஐசியுவில் இரண்டு நாட்கள் ரஜினிக்கு தீவிர சிகிச்சை அளிக்கப்படும் என இசபெல் வட்டாரங்கள் தெரிவிக்கின்றன.


ரஜினி மூன்று வேடங்களில் நடிக்கும் ராணா படத்தை கே.எஸ்.ரவிகுமார் இயக்க தீபிகாபடுகொனெ அவருக்கு ஜோடியாக நடிக்கிறார். படப்பிட்டிப்பு ஆரம்பித்த அன்றிலிருந்தே ரஜினிக்கு ஹெல்த் பிரச்சினைகள் ஆரமபமாகியிருப்பதால் ராணா திட்டப்படி நிறைவு பெறுமா என கேள்விகள் எழுந்துள்ளன. கோடிக்கான ரஜினி ரசிகர்கள் மீண்டும் தங்கள் தலைவர் ஆக்டிவாக எழுந்து வர பிரார்த்திக்கிறார்கள்





tamilstar

கோடிக்கணக்கான மக்களின் மனத்தில் நிலைபெற்ற அந்தக் கலைஞன் உடல் நலம் பெற்று வர எல்லாம் வல்ல இறைவனை வேண்டுகிறேன்.

அடப்பாவமே ! இப்பதானே ஒருமுறை ஹாஸ்பிடல் சென்று வந்தார் ? அவர் குணமைடய ஆண்டவனை வேண்டுகிறேன்

விரைவில் நலம் பெர்ற்று வீடு திரும்ப வாழ்த்துக்கள்

காய்ச்சல் - இருமல்: ரஜினிகாந்துக்கு தீவிர சிகிச்சை

உடல்நலக் குறைவால் ஆஸ்பத்திரியில் அனுமதிக்கப்பட்ட ரஜினிகாந்துக்கு தீவிர சிகிச்சை அளிக்கப்படுகிறது. ரஜினிகாந்த் நடிக்கும் “ராணா” படப்பிடிப்பு கடந்த 29-ந்தேதி ஏ.வி.எம்.ஸ்டூடியோவில் துவங்கியது. கதாநாயகியாக நடிக்கும் தீபிகா படுகோனோவும் இதில் பங்கேற்றார். அப்போது படப்பிடிப்பு குழுவினருடன் ரஜினி சிற்றுண்டி சாப்பிட்டார். இதில் அவருக்கு அஜீரண கோளாறு ஏற்பட்டது.

போயஸ் கார்டனில் உள்ள வீட்டுக்கு திரும்பியதும் வாந்தி எடுத்தார். இதையடுதது மயிலாப்பூரில் உள்ள இசபெல்லா ஆஸ்பத்திரியில் ரஜினியை அனுமதித்தனர். அங்கு சிகிச்சை அளிக்கப்பட்டது. பின்னர் அன்று மாலையே டிஸ்சார்ஜ் ஆகி வீடு திரும்பினார். டாக்டர்கள் ஓய்வு எடுக்கும்படி அறிவுறுத்தியதால் படப்பிடிப்பை ரத்து செய்து விட்டு வீட்டில் ஓய்வு எடுத்து வந்தார்.

இந்த நிலையில் நேற்று இரவு 8.30 மணிக்கு ரஜினிக்கு மீண்டும் உடல்நலக்குறைவு ஏற்பட்டது. உடனடியாக இசபெல்லா ஆஸ்பத்திரியில் அனுமதித்தனர். அங்கு அவசர சிகிச்சை பிரிவில் வைத்து டாக்டர்கள் சிகிச்சை அளித்தனர். உடலில் நீர்ச்சத்து குறைந்ததாகவும் காய்ச்சல் அடிப்பதாகவும் கூறப்பட்டது.

சர்க்கரை நோய் நிபுணர் டாக்டர் கிருஷ்ணசாமி, டாக்டர் கிஷோர் உள்ளிட் டோர் சிகிச்சை அளித்தனர். தொடர்ந்து அவருக்கு தீவிர சிகிச்சை அளிக்கப்பட்டு வருகிறது. ரஜினிக்கு வைரஸ் காய்ச்சல் இருப்பதாகவும், 3 நாட்கள் ஓய்வு எடுக்கும்படியும் அறிவுறுத்தியுள்ளதாகவும் டாக்டர்கள் தெரிவித்தனர். ரஜினி மனைவி லதா, மகள்கள் ஐஸ்வர்யா, சவுந் தர்யா உடன் இருந்து கவ னித்து வருகிறார்கள். ரஜினி உடல்நிலை குறித்து அவரது மகள் ஐஸ்வர்யா ஆஸ்பத்திரியில் இன்று நிருபர்களிடம் கூறியதாவது:-

என் தந்தை ரஜினிக்கு வைரஸ் காய்ச்சல் இருந்தது. வறட்டு இருமலும் ஏற்பட்டது. இதையடுத்து ஆஸ்பத்திரியில் சிகிச்சை பெற்று வருகிறார். மூச்சுத் திணறல் இல்லை. டாக்டர்களின் முழு கண்காணிப்பில் இருக்கிறார். பயப்படும்படி எதுவும் இல்லை. நன்றாக இருக்கிறார்.

பார்வையாளர்கள் சந்தித்தால் நோய் தொற்று ஏற்படும் என்பதற்காக அவசர சிகிச்சை பிரிவில் வைத்துள்ளோம். யாரும் பார்க்க அனுமதிக்கப்படவில்லை. முழு ஓய்வு தேவை என்று டாக்டர்கள் அறிவுறுத்தி உள்ளனர். இதனால் “ராணா” படப்பிடிப்பு பாதிக்காது. ரத்து செய்யப்படவும் மாட்டாது. திட்டமிட்டபடி படப்பிடிப்பு நடைபெறும்.

இவ்வாறு ஐஸ்வர்யா கூறினார்.

அவசர சிகிச்சை பிரிவு டாக்டர் கிஷோர் உடன் இருந்தார்.

http://www.maalaimalar.com/2011/05/05062101/actor-rajinikanth-again-hospit.html

எலெக்ஷன் ல ஓட்டு போட்டதை மீடியா பப்லிஷ் பண்ணிணதிலிருந்தே இவருக்கு மூச்சு முட்டிக்கிட்டுதான் இருக்கு.