பயங்கரவாதி ஒசாமா பின்‌லேடன் பலி : பாகிஸ்தானில் சுட்டுக்கொலை

by மகா பிரபு Mon May 02, 2011 9:09 am

First topic message reminder :

பயங்கரவாத அமைப்பான அல்குவைதாவின் தலைவர் ஒசாமாபின்லேடன் இறந்துவிட்டதாக அமெரிக்கா அறிவித்துள்ளது. பின்லேடனின் உடலை அமெரிக்கப் படைகள் கைப்பற்றி இருப்பதாக தெரிவிக்கப்பட்டுள்ளது. இது குறித்து அமெரிக்க அதிபர் ஒபாமா, விரைவில் அறிக்கை வெளியிட இருக்கிறார்.

பாகிஸ்தானில் கொலை : அமெரிக்க உளவு நிறுவனமான சி.ஐ.ஏ., பாகிஸ்தானில் மேற்கொண்ட தேடுதல் வேட்டையின் போது , தலைநகர் இஸ்லாமாபாத்தில் ஒரு தங்கும் விடுதியில் சுற்றி வளைக்கப்பட்டு, சுட்டுக் கொல்லப்பட்டதாக தகவல்கள் தெரிவிக்கின்றன. அமெரிக்கா அண்மையில் ஒசாமா பின் லேடன் பாகிஸ்தானில் இருப்பதாக தெரிவித்திருந்தது என்பது குறிப்பிடத்தக்கது. ஒசாமா பின் லேடன் சர்வதேச அளவில் தேடப்பட்ட பயங்கரவாதி. அமெரிக்காவில் கடந்த 2001ம் ஆண்டு செப்டம்பர் 11ம் தேதி இரட்டை கோபுரம் தகர்க்கப்பட்ட பின்னர் ஒசாமா தேடுதல் வேட்டையை அமெரிக்கா முடுக்கி விட்டது. இரட்டை கோபுர தாக்குதலுக்கு மூளையாக ஒசாமா செயல்பட்டது அமெரிக்க புலனாய்வில் தெரியவந்தது. ஒசாமாவின் இருப்பிடம் ரகசியமாகவே இருந்து வந்தது. அவ்வப்போது ஒசாமா தோன்றும் வீடியோ காட்சிகள் மட்டும் ஒளிபரப்பாகி வந்தன. இந்நிலையில் ஒசாமா தற்போது பலியாகியுள்ளதாக வெளியாகியுள்ள செய்தி சர்வதேச அளவில் பெரும்பரபரப்பை ஏற்படுத்தியுள்ளது.

அல்குவைதா எச்சிக்கை : அண்மையில் அல்குவைதா பயங்கரவாத இயக்கம் வெளியிட்ட சி.டி., யில்., தங்கள் தலைவர் ஒசாமாவை கைது செய்தாலோ அல்லது கொலை செய்தாலோ மேற்கத்திய நாடுகளில் அணுகுண்டு தாக்குதல் நடத்தப்படும் என எச்சரிக்கை விடுக்கப்பட்டிருந்தது.

நன்றி தினமலர்

by Guest Tue May 03, 2011 3:23 pm

இப்படியா சுடுவீங்க ? அதிர்ச்சி

by பூஜிதா Tue May 03, 2011 3:31 pm

பின்லாடேன் வரலாறு அதனால் தான் ஆப்கான் மொழியில் பதியபட்டிருக்கிறது

by அன்பு தளபதி Tue May 03, 2011 3:32 pm

மன்னிக்கவும் கிருஷ்ணம்மா தங்கள் அனுமதி இல்லாமல் எடிட் செய்து விட்டேன்

by அப்துல்லாஹ் Tue May 03, 2011 3:43 pm

ஒசாமா அமரிக்காவால் உருவாக்கப்பட்டவர். இந்த்ப் பிரச்சினையில் கொல்லப்பட்ட ஒசாமா வின் புகைப்படம் என்று அவர்கள் காட்டிய அந்த்ப் படம் தற்போது சர்ச்சையில் உள்ளது .
அவர் இறந்த பிறகு உடல் யாரிடமும் முறையாக ஒப்படைக்கப்பட்டு அது ஒசாமா தான் என உறுதி செய்யப்பட்டதாக எதுவும் இல்லை
இந்த விவகாரத்தில் அமரிக்கா உண்மையை உலகுக்கு உணர்த்த வேண்டும். அவசரமாக அவர்கள் வெளியிட்டுள்ள அந்த புகைப்படம் பற்றிய விவ்ராம் அறிய கீழே அதன் லிங்க் ஐ இணைத்துள்ளேன்
http://photoblog.msnbc.msn.com/_news/2011/05/02/6568249-we-think-that-bin-laden-death-photo-is-a-ஃபேக்

உண்மை என்னவோ

by அன்பு தளபதி Tue May 03, 2011 3:44 pm

ஒசாமாவின் உடல் கடலில் வீசபட்டது என தினமலரில் செய்தி வந்துள்ளது

by ரபீக் Tue May 03, 2011 3:48 pm

அமெரிக்காவின் இந்த செயலால் ஒசாமா என்பவர் உண்மையில் உள்ளவரா இல்லை அமெரிக்காவால் உருவாக்கப்பட்ட கற்பனையா என்பது இன்னும் சந்தேகதுடனே உள்ளது

by rvvn77 Tue May 03, 2011 4:17 pm

”பிறர்கின்னா முற்பகல் செய்யின் தமக்கின்னா பிற்பகல் தானே வரும்” இத யாராச்சும் அமெரிக்கர்களுக்கு ட்ரான்ஸ்லேட் பன்னி சொல்லி கொடுத்தா நல்லாருக்கும்,

by பது Tue May 03, 2011 4:46 pm

ஒசாமாவை சுட்டுக் கொன்றது எப்படி? என்பது பற்றி அமெரிக்க அதிகாரி ஒருவர் விளக்கம் அளித்துள்ளார்.

பாகிஸ்தானில் பதுங்கி இருந்த சர்வதேச தீவிரவாத இயக்கத் தலைவர் ஒசாமா பின்லேடனை அமெரிக்க சிறப்பு படையினர் சுட்டுக் கொன்றார்கள். ஒசாமாவை சுட்டுக் கொன்றது எப்படி? என்பது குறித்து அமெரிக்க உயர் அதிகாரி விளக்கம் அளிக்கையில்,

பாகிஸ்தானில் உள்ள அபோட்டாபாத் நகரில் ஒசாமா பதுங்கி இருப்பதாக அமெரிக்காவுக்கு மிக ரகசிய தகவல் கிடைத்தது. அந்த தகவலை உறுதி செய்த பிறகு பின்லேடனை கொல்ல முடிவு செய்யப்பட்டது. இதற்காக ரகசிய திட்டம் வகுக்கப்பட்டது. இந்த திட்டம் ஒரு சிலருக்கு மட்டும் தான் தெரியும். வேறு யாருக்கும் தெரியாது. அவ்வளவு பாதுகாப்பாக வைக்கப்பட்டது.

இதுபற்றி பாகிஸ்தான் உள்பட எந்த நாட்டுக்கும் தெரிவிக்கப்படவில்லை. ஒசாமாவை கொல்ல 2 அமெரிக்க ஹெலிகாப்டர்கள் அனுப்பப்பட்டன. ஒசாமாவுடன் 3 ஆண்கள், ஒரு பெண் ஆகியோர் சுட்டுக் கொல்லப்பட்டனர். அனைத்து நடவடிக்கைகளும் 40 நிமிடத்தில் முடிந்து விட்டன.

இந்த நடவடிக்கையின்போது ஒரு ஹெலிகாப்டர் இயந்திர கோளாறு ஏற்பட்டு சேதம் அடைந்தது. ஆனால் அமெரிக்க படையினர் யாருக்கும் எந்த காயமும் ஏற்படவில்லை என்றார்.

அமெரிக்க ஜனாதிபதி ஒபாமா, துணை ஜனாதிபதி ஜோய் பய்டன், அமெரிக்க இராஜாங்கச் செயலாளர் ஹிலாரி கிளின்டன் மற்றும் தேசிய பாதுகாப்பு அணியின் உறுப்பினர்கள் ஒசாமா பின்லேடன் பற்றிய தகவல்களை வெள்ளை மாளிகையில் வைத்து அறிந்து கொள்கிறார்கள்.

ஒசாமா பின்லேடனின் வசிப்பிடம்

GeoEye இனால் வழங்கப்பட்ட செய்மதிப் புகைப்படம். பாகிஸ்தான் அபோத்தாபாத் மத்தியிலுள்ள ஒசாமா பின்லேடனின் வசிப்பிடத்தைக் காட்டுகிறது.

மேலே தரப்பட்ட இரு புகைப்படங்களும் ABC செய்திச் சேவையிலிருந்து 02-05-2011 ஆம் திகதி பெறப்பட்டவை - பாகிஸ்தான் அபோத்தாபாத்தில் அல் - குவைதா தலைவர் ஒசாமா பின்லேடன் தங்கியிருந்ததாக நம்பப்படும் வசிப்பிடத்தின் உள்தோற்றம்.

by முரளிராஜா Tue May 03, 2011 4:57 pm

எடுத்த தளத்துக்கு நன்றி தெரிவியுங்கள் நண்பரே

by முரளிராஜா Tue May 03, 2011 5:09 pm

ஒசாமா பின் லேடன் குறித்த தகவல்கள் ... - Page 6 03-osama-bin-laden200

பாகிஸ்தானில் கொல்லப்பட்ட அல் கொய்தா தலைவர் ஒசாமா பின்லேடனின் உடல் அடங்கிய புகைப்படங்களை வெளியிட அமெரிக்கா யோசித்து வருகிறது. காரணம்,
கொல்லப்பட்டது பின்லேடன் தான் என்று பல அமெரிக்கர்கள் நம்ப மறுத்து வருகின்றனர்.

பாகிஸ்தானில் கொல்லப்பட்டது பின்லேடன்தான் என்று அமெரிக்கா மரபணு (டி.என்.ஏ.) சோதனை நடத்தி உறுதி செய்துள்ளது. ஆனாலும் இதை அமெரிக்க நாட்டினரே பெரும்பாலனோர் நம்பவில்லை.

இறந்த பின்லேடனின் உடலின் படத்தையோ வீடியோவையோ பார்க்காத வரை, கொல்லப்பட்டது பின் லேடன் தான் என்று அல்கொய்தா உறுதி செய்யாதவரை அதை நம்ப பலரும் தயாராக இல்லை.

பின்லேடன் உடலை அமெரிக்காவுக்கு கொண்டு வராமல் உடனடியாக கடலில் மூழ்கடித்து விட்டதாக அரசு சொல்வதும் பலருக்கு சந்தேகத்தை ஏற்படுத்தி உள்ளது.

படத்தை வெளியிட அரசு திட்டம்:

இந் நிலையில் அமெரிக்க துணை தேசிய பாதுகாப்பு ஆலோசகர் ஜான் பிரன்னன் செய்தியாளர்களிடம் கூறுகையில், ஒசாமா பின்லேடனின் உடல் குறித்த புகைப்படங்களை வெளியிடுவது குறித்து யோசித்து வருகிறோம். இதன் மூலம் பின்லேடனின் மரணம் குறித்த சர்ச்சைகளைத் தவிர்க்க முடியும் எனக் கருதுகிறோம்.

பின்லேடனின் மரணம் குறித்து யாரும் சந்தேகம் தெரிவித்து விடக் கூடாது, சர்ச்சைகள் ஏற்பட்டு விடக் கூடாது என்று நாங்கள் உறுதியாக இருக்கிறோம். எனவே விரைவில் புகைப்படங்களை வெளியிடுவது குறித்து யோசித்து வருகிறோம்.

மேலும் பின்லேடன் இறந்து விட்டது உண்மைதான் என்பதையும் இதன் மூலம் நாங்கள் நிரூபிக்க முடியும் என்றார் பிரன்னன்.

பின்லேடன் பிணம் என்று கூறி ஒரு புகைப்படம் நேற்று பாகிஸ்தான் மீடியாவால் வெளியானது. ஆனால் அது போலி புகைப்படம் என்று பின்னர் தெரிய வந்தது நினைவிருக்கலாம். இந்த நிலையில் அமெரிக்காவே பின்லேடனின் உயிரற்ற உடலின் புகைப்படங்களை வெளியிடுவது குறித்து யோசிக்க ஆரம்பித்துள்ளது.

நன்றி ஒன் இந்தியா