பளபளக்குது புது அரிசி ?

தாமு · தாமு Fri Jun 03, 2011 6:15 am

அரசின் 20 கிலோ இலவச அரிசி வழங்கும் திட்டத்திற்கான அரிசி, தரமாக இருப்பதால் பொதுமக்கள் மகிழ்ச்சியடைந்தனர்.
பழைய ஒரு ரூபாய் அரிசி வினியோகிக்க தடை விதிக்கப்பட்டுள்ளது. அ.தி.மு.க., அரசு, தேர்தல் வாக்குறுதியான, "20 கிலோ இலவச அரிசி வழங்கும் திட்டம்' நேற்று துவக்கியது. தி.மு.க., ஆட்சியில் வழங்கிய ஒரு ரூபாய் அரிசியில் நிறைய சர்ச்சை இருந்ததால், புதிய திட்டத்தில் அந்த அரிசி தவிர்க்கப்பட்டது. "புதிய அரசு அனுப்பிய அரிசியை மட்டுமே வினியோகிக்க,' ரேஷன்கடைகளுக்கு அறிவுறுத்தப்பட்டது. அந்த பழைய மூடைகளை ஊழியர்கள் ஓரங்கட்டினர். "மறுஉத்தரவுக்கு பின், அவை திருப்பி அனுப்பப்படும்,' என, ரேஷன் கடை ஊழியர்கள் தெரிவித்தனர். இலவச அரிசி தரமாக இருப்பதால், பொதுமக்கள் மகிழ்ச்சி அடைந்தனர். மதுரை பைபாஸ் ரோடு பகுதியை சேர்ந்த மீனா கூறுகையில்,""ஒரு ரூபாய் அரிசியை விட, இலவச அரிசி பளிச்சென உள்ளது. இதே தரத்தில் தொடர்ந்து வினியோகத்தால் பொதுமக்களுக்கு பயனளிக்கும்,'' என்றார்.