திரிவல்லிக்கேணி ரத்தினா கபே

balakarthik · balakarthik Sat Apr 30, 2011 1:50 pm

First topic message reminder :

திரிவல்லிக்கேணி ரத்தினா கபே - Page 2 15032010(005)

திருவெல்லிக்கேணி என்றதும் நினைவுக்கு வருவது சாம்பார் இட்லிதான். சரியான தீனிப் பண்டாரம்!! திருவெல்லிக்கேணினா என் நினைவுக்கு வருவது பாரதியும் பார்த்தசாரதியும்னு நீங்க சொன்னா ஒரு தடவை என் கூட ரத்னா கபேக்கு வாங்க..ஒரு ப்ளேட் இட்லி சாம்பார் சாப்பிட்டால் நீங்களும் ப்ளேட்ட மாத்தி பேசுவிங்க...

சங்கு சுட்டாலும் வெண்மை தருவது போல, கடும் ஆவியில் வெந்தாலும் வெண்மையை தந்தருளும் இட்லி என்னும் பரம்பொருளை சாம்பார் என்கிற‌ பக்தி வெள்ளத்தில் முக்கித் திணறடித்து வழிபடும் பக்தர்கலுக்கு காலம் காலமாக, ப்ளேட் ப்ளேட்டாக, பக்கெட் பக்கெட்டாக கமகமக்கும் இட்லி சாம்பாரை சுடச்சுட வழங்கி வரும் புண்ணிய ஸ்தலம் தான் ரத்னா கஃபே என்று ரத்தின சுருக்குமாக சொல்ல முடியும்.

காலையிலோ மாலையிலோ இரவிலோ இங்கு வருகைத் தரும் பக்தர்கள் நாற்காலியிலமர்ந்தவுடன் அங்கு பணிபுரியும் ஊழியர்கள் மற்ற சிற்றுண்டி சாலயைப் போல் இல்லாமல்,"அதுதானே?" என்ற ரீதியில் தலையை அசைக்க, "ஆமாம்,பின்னே?" என்று பதிலாய் சாப்பிட வந்தவர் பக்தி பரவசத்துடன் தலயை அசைத்த மறு நிமிடம் எவர்சில்வர் தட்டில் இட்லி என்னும் இரண்டு வெண்ணிற மல்லிகை பூக்கள் தோற்றமளிக்கும்.அந்த மல்லிகை பூக்களுக்கு ஆதார ஸ்ருதியான வெங்காய சாம்பாரை எதிர்நோக்கி ஏங்கித் தவித்து கோபித்ததின் சாட்சியாக தட்டின் மத்தியிலிருந்து ஆவிப் பறக்கும்.

கையில் இணைபிரியாத கமண்டலத்துடன் ஆசிரம வளாகத்தில் உலவும் சாமியார்களின் ரேஞ்சில் எவர்சில்வர் குவளைகளுடன் வலம் வரும் ஊழியர்களில் ஒருவர் யாகத்தின் உச்சியில் அக்னி குண்டலத்தில் பூர்ணாகுதியை பக்திப் பரவசத்துடன் சேர்க்கும் வகையில் மணக்கும் வெங்காய சாம்பார் ததும்பும் குவளையை இட்லிக்கு நேரே செங்குத்தாக 3.4 அங்குலத்துக்கு உயர்த்தி பாத்திரத்திலுள்ள சாம்பாரை இட்லிக்கு மேலும் இடையிலும் பக்கவாட்டிலும் சிந்தாமல், சிதறாமல், தெறிக்காமல், முகத்தை சிறிதும் சிணுங்காமல் சுழற்சியாக ஊற்றி அவ்வெள்ளைப் பண்டங்களுக்கு புனித நீராட்டல் செய்வார்.

சிவனைப் போன்று அபிஷேக பிரியனான இட்லி இவ்வாறு சாம்பாரில் மூழ்கி நனைந்த நிலையில் காட்சி அளிப்பது ஒரு திருவிழாக் கோலத்தை நினைவூட்டுகிறது.சாம்பாரில் நிரம்பித் தளும்பும் தட்டு, கோயில் முன்னே உள்ள தெப்பக்குளத்தையும், அதில் நடு நாயகமாக அமிழ்ந்திருக்கும் இட்லிக‌ளில் இட்லி ந‌ம்ப‌ர் ஒன்னு தெப்ப‌க்குள‌த்தின் ந‌டுவே இருக்கும் நீராழி ம‌ண்ட‌ப‌த்தைப் போலும், இட்லி ந‌ம்ப‌ர் ரெண்டின் துண்டாக்க‌ப்ப‌ட்ட‌ ப‌குதிக‌ள் மித‌க்கும் தெப்ப‌த்தைப் போல‌வும் காட்சி அளிக்கும்.தெப்ப‌ம் செவ்வ‌னே மித‌க்க‌ நீர் அள‌வு முக்கிய‌ம் அல்ல‌வா? ஆகையினால் சாம்பாரின் அள‌வு குறையாம‌ல் பார்த்துக் கொள்வது, க‌ண்குத்திப் பாம்பாக‌க் கைக‌ளில் சாம்பார் குவ‌ளையுட‌ன் வ‌ல‌ம் வ‌ரும் ஊழிய‌ர்க‌ளின் த‌லையாய‌ கட‌மையாகிற‌து.

திரிவல்லிக்கேணி ரத்தினா கபே - Page 2 2006032518540201

திரிவல்லிக்கேணி ரத்தினா கபே - Page 2 2006032518540201

இட்லியை எப்படி சாப்பிட வேண்டும் என்பதை அடுத்த பதிவில் விளக்கலாம் என்றிருக்கிறேன்.

உதயசுதா · உதயசுதா Sat Apr 30, 2011 2:37 pm

அய்யோ பாலா பிளீஸ் இதோட விடேன்.நான் சிரிச்சு சிரிச்சு வயிறு புண்ணாகிடுச்சு உன் எழுத்து நடையா பார்த்து.இனி நான் சிரித்தால் மருத்துவமனைக்குதான் போக வேண்டும்.

balakarthik · balakarthik Sat Apr 30, 2011 2:49 pm

உதயசுதா wrote:அய்யோ பாலா பிளீஸ் இதோட விடேன்.நான் சிரிச்சு சிரிச்சு வயிறு புண்ணாகிடுச்சு உன் எழுத்து நடைய பார்த்து.இனி நான் சிரித்தால் மருத்துவமனைக்குதான் போக வேண்டும்.

சே நான் எழுத்து ஒட்டம்னுளா நினைச்சேன் கடைசில அது நடையா ஆகிடிச்சா சரி சரி நடையும் ஒடம்புக்கு நல்லதுதான் :வணக்கம்:

**அருண்** · **அருண்** Sat Apr 30, 2011 3:04 pm

இட்லி மீது அலாதி பிரியமா உங்களுக்கு! இட்லி உங்களுக்கு உற்ற தோழன் நு சொல்லுங்க!

சூப்பர் நண்பா கலக்கல் காமெடி! அருமையிருக்கு

யாதுமானவள் · யாதுமானவள் Sat Apr 30, 2011 3:08 pm

ரத்னா கபே இட்லி மிகப் பிரபலமானது. இந்தியா செல்லும்போதெல்லாம் ஒருமுறையாவது அங்கு சென்று அந்த இட்டிலியை ரசித்துச் சாப்பிடுவோம்.

**Manik** · **Manik** Sat Apr 30, 2011 3:49 pm

பாலா உங்கள மாதிரி மொக்க போட இன்னொரு பாலா பொறந்து வரணும்....... ஈகரையின் சிரிப்பு மன்னன் இல்ல இல்ல சிரிக்க வைக்கிற மன்னன்னு உங்கள சொன்னா எனக்கு 1 டீ வாங்கி கொடுப்பீங்களா இந்த டீல் நமக்குள்ளாயே இருக்கட்டும்

balakarthik · balakarthik Sat Apr 30, 2011 4:22 pm

அருண் wrote:இட்லி மீது அலாதி பிரியமா உங்களுக்கு! இட்லி உங்களுக்கு உற்ற தோழன் நு சொல்லுங்க!

சூப்பர் நண்பா கலக்கல் காமெடி!

உற்ற தோழன் அல்ல நண்பா இட்லி நான் உன்ற தோழன் :வணக்கம்:

balakarthik · balakarthik Sat Apr 30, 2011 4:24 pm

Manik wrote:பாலா உங்கள மாதிரி மொக்க போட இன்னொரு பாலா பொறந்து வரணும்....... ஈகரையின் சிரிப்பு மன்னன் இல்ல இல்ல சிரிக்க வைக்கிற மன்னன்னு உங்கள சொன்னா எனக்கு 1 டீ வாங்கி கொடுப்பீங்களா இந்த டீல் நமக்குள்ளாயே இருக்கட்டும்

என்னது ஒரு டீயா கொஞ்சம் டீ டெய்லா சொல்லுங்க

balakarthik · balakarthik Sat Apr 30, 2011 4:25 pm

யாதுமானவள் wrote:ரத்னா கபே இட்லி மிகப் பிரபலமானது. இந்தியா செல்லும்போதெல்லாம் ஒருமுறையாவது அங்கு சென்று அந்த இட்டிலியை ரசித்துச் சாப்பிடுவோம்.

அக்கா வெறும் இட்லியை சாபிட்டிங்கானா மென்னயை அடசிக்கும் சட்னி சாம்பாரோடு சாப்பிடுங்க புன்னகை

**Manik** · **Manik** Sat Apr 30, 2011 4:26 pm

டீக்கு எதுக்கு நண்பா ஹெட்டா டெய்லா நு கேக்குறீங்க திரிவல்லிக்கேணி ரத்தினா கபே - Page 2 56667

balakarthik · balakarthik Sat Apr 30, 2011 4:27 pm

Manik wrote:டீக்கு எதுக்கு நண்பா ஹெட்டா டெய்லா நு கேக்குறீங்க

இல்ல ஹெட்டுனா நீங்க பே பண்ணனும் டெயிலூனா நான் உங்ககிட்டேருந்து வாங்கி பே பண்ணனும் அதான் கேட்டேன் புன்னகை

Sponsored content · Sponsored content

திரிவல்லிக்கேணி ரத்தினா கபே

திரிவல்லிக்கேணி ரத்தினா கபே

Re: திரிவல்லிக்கேணி ரத்தினா கபே

Re: திரிவல்லிக்கேணி ரத்தினா கபே

Re: திரிவல்லிக்கேணி ரத்தினா கபே

Re: திரிவல்லிக்கேணி ரத்தினா கபே

Re: திரிவல்லிக்கேணி ரத்தினா கபே

Re: திரிவல்லிக்கேணி ரத்தினா கபே

Re: திரிவல்லிக்கேணி ரத்தினா கபே

Re: திரிவல்லிக்கேணி ரத்தினா கபே

Re: திரிவல்லிக்கேணி ரத்தினா கபே

Re: திரிவல்லிக்கேணி ரத்தினா கபே

Re: திரிவல்லிக்கேணி ரத்தினா கபே

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக