குரு பெயர்ச்சியை முன்னிட்டு ஆலங்குடியில் லட்சார்ச்சனை!

**krishnaamma** · **krishnaamma** Fri Apr 29, 2011 4:43 pm

குரு பெயர்ச்சியை முன்னிட்டு ஆலங்குடியில் லட்சார்ச்சனை!

திருவாரூர் : வரும் 8ம் தேதி, குருப்பெயர்ச்சி நடப்பதையொட்டி, ஆலங்குடி குருபகவான் கோவிலில், இன்று லட்சார்ச்சனை துவங்குகிறது. குரு பகவான், அடுத்த மாதம் 8ம் தேதி, மீன ராசியில் இருந்து மேஷ ராசிக்கு பெயர்ச்சியாகிறார். அன்று, திருவாரூர் மாவட்டம், வலங்கைமான் அருகே உள்ள ஆலங்குடி ஆபத்சகாயேஸ்வரர் கோவிலில் குருபகவானுக்கு சிறப்பு அபிஷேகம், அலங்காரம், தீபாராதனைகள் நடக்கின்றன. அன்று மேஷம், ரிஷபம், கடகம், கன்னி, விருச்சிகம், மகரம், கும்பம் ஆகிய ராசிக்காரர்கள் பரிகாரம் செய்துக்கொள்வர். குரு பெயர்ச்சி லட்சார்ச்சனை இன்று துவங்கி அடுத்த மாதம் 6ம் தேதி வரையும், இரண்டாம் கட்டமாக, 12ம் தேதி துவங்கி, 22ம் தேதி வரை முடிக்கப்படுகிறது. காலை 9 முதல், 12 மணி வரையும், மாலை 4.30 முதல், 8 மணி வரை நடக்கிறது. இதில், தோஷ பரிகாரம் உள்ளவர்கள் கலந்து கொள்ளலாம். இதற்கு 150 ரூபாய் கட்டணம் வசூலிக்கப்படுகிறது. அவர்களுக்கு குரு பகவான் உருவம் பொறித்த வெள்ளிக்காசு பிரசாதமாக வழங்கப்படும். லட்சார்ச்சனையில் கலந்து கொள்ள விரும்புபவர்கள் தங்கள் பெயர், நட்சத்திரம், ராசி, கோத்திரம், லக்கனம் ஆகிய விவரங்களுடன் மணியார்டர் அல்லது டி.டி., எடுத்து அனுப்ப வேண்டும். டி.டி.,யை, செயல் அலுவலர், ஆபத்சகாயேஸ்வரர் திருக்கோவில், ஆலங்குடி என்ற பெயரில் எடுத்து கும்பகோணம் வங்கிகள் அல்லது ஆலங்குடி கிளை சிட்டி யூனியன் வங்கியில் மாற்றும்படியாக இருக்க வேண்டும் அல்லது கும்பகோணம் ஆக்சிஸ் பாங்க் சேமிப்பு கணக்கு எண் 910010049285173-க்கு பணம் செலுத்தி, அதன் செல்லானை திருக்கோவில் முகவரிக்கு அனுப்பிவைத்து பிரசாதம் பெற்றுக் கொள்ளலாம். காசோலைகள் ஏற்றுக்கொள்ளப்பட மாட்டாது.

கலைவேந்தன் · கலைவேந்தன் Fri Apr 29, 2011 10:35 pm

தகவலுக்கு நன்றி சுமதி..!

குரு பெயர்ச்சியை முன்னிட்டு ஆலங்குடியில் லட்சார்ச்சனை!

குரு பெயர்ச்சியை முன்னிட்டு ஆலங்குடியில் லட்சார்ச்சனை!

Re: குரு பெயர்ச்சியை முன்னிட்டு ஆலங்குடியில் லட்சார்ச்சனை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக