பிரதமர் ஜப்பான் விமான நிலையத்தில் தடுத்து வைக்கப்பட்டார்

by kirupairajah Sun Sep 06, 2009 9:02 pm

ஜப்பான் விமான நிலையத்தில் இலங்கைப் பிரதமர் ரட்ணசிறி விக்ரமநாயக்க அரை மணித்தியாலம் வரையில் தடுத்து வைக்கப்பட்டதாகத் தெரிவிக்கப்படுகிறது.மேலும், இலங்கைப் பிரதமரிடம் கைவிரல் அடையாளம் எடுத்துக் கொள்ளப்பட்டதாகக் குறிப்பிடப்படுகிறது.முக்கிய பிரமுகர்களுக்கு வழங்கப்படும் எந்தவொரு சலுகையும் ஜப்பானிய விமான நிலையத்தில், பிரதமருக்கு வழங்கப்படவில்லை எனத் தெரிவிக்கப்படுகிறது.

விஹாரை ஒன்றில் நடைபெறவுள்ள நிகழ்வொன்றில் கலந்து கொள்ளும் நோக்கில் பிரதமர் ஜப்பானுக்கு விஜயம் செய்துள்ளார்.விமான நிலைய அதிகாரிகளின் இந்த நடவடிக்கையினல் பிரதமர் ரட்ணசிறி விக்ரமநாயக்க அசௌகரியமான நிலைக்கு உட்பட்டதாகத் தெரிவிக்கப்படுகிறது.இந்த சம்பவம் தொடர்பில் அறிக்கை ஒன்றை சமர்ப்பிக்குமாறு வெளிவிவகார அமைச்சர் ரோஹித்த பொகொல்லாகம ஜப்பானுக்கான இலங்கை உயர்ஸ்தானிகராலயத்திடம் கோரிக்கை விடுத்துள்ளார்.