சனல்-04 அடுத்த வெளியிடப்போகும் ஒளிநாடாவில் அடங்கியிருப்பது என்ன?

Guest · Guest Fri 29 Apr 2011 - 9:26

சனல்-04 தொலைக்காட்சி சேவை அடுத்து வெளியிடவுள்ள ஒளிநாடாவில் அடங்கியுள்ள விடயங்கள் குறித்து அறிந்துகொள்ள அரசாங்கம் தீவிர ஆர்வம் காட்டுகின்றது.

இலங்கையின் இறுதிக்கட்ட யுத்தத்தின் போது இடம்பெற்ற போர்க்குற்றங்கள் குறித்த பல முக்கியமான ஆதாரங்கள் சனல்-04 தொலைக்காட்சி ஊடாகவே வெளியுலகத்துக்குத் தெரிய வந்தது. அந்த வகையில் இதுவரை வெளிவராத உண்மைகளை வெளிக்கொணர்ந்ததன் மூலம் சனல்-04 தொலைக்காட்சி இலங்கை அரசாங்கத்துக்குப் பெரும் தலையிடியைக் கொடுத்துள்ளது.

அவ்வாறான நிலையில் எதிர்வரும் மே மாதம் இலங்கையின் போர்க்குற்றங்கள் தொடர்பான இன்னொரு ஒளிநாடாவை வெளியிடப்போவதாக சனல்-04 தொலைக்காட்சி அறிவித்துள்ளது.

அது குறித்து அரசாங்கத்தின் உயர்மட்டத்தினர் பெரும் அச்சமும், ஆர்வமும் கொண்டிருப்பதாக அறிய முடிகின்றது.

அதன் காரணமாக வெளிவரவிருக்கும் ஒளிநாடாவில் எவ்வகையான காட்சிகள் அடங்கியிருக்கின்றன, அவற்றால் ஏற்படப் போகும் தாக்கங்கள் எவ்வகையானதான இருக்கும் என்பது குறித்து அறிந்து கொள்வதில் அரசாங்க முக்கியஸ்தர்கள் தீவிர நடவடிக்கைகளை முன்னெடுத்துள்ளனர்.

தற்போதைய தகவல்களின் பிரகாரம்

யுத்தத்தின் இறுதிக்கட்டத்தின் போது பொதுமக்கள் தீயில் எரிக்கப்பட்டமை,

விடுதலைப்
புலிகளின் உயிரிழந்த பெண் போராளிகளை படையினர் பாலியல்
வல்லுறவுக்குட்படுத்தும் காட்சிகள், வரிசையாக சுட்டுக் கொல்லப்படும்
காட்சிகள்,

மருத்துவமனைகள் மீதான தாக்குதல்கள்

என்பன குறித்த காட்சிகளே அடுத்து வெளிவரவுள்ள ஒளிநாடாவில் உள்ளடங்கியிருப்பதாக சனல்-04 தொலைக்காட்சி சேவைக்கு நெருக்கமான வட்டாரங்கள் மூலம் தெரிய வருகின்றது.
-வன்னி ஆன்லைன்

சனல்-04 அடுத்த வெளியிடப்போகும் ஒளிநாடாவில் அடங்கியிருப்பது என்ன?

சனல்-04 அடுத்த வெளியிடப்போகும் ஒளிநாடாவில் அடங்கியிருப்பது என்ன?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக