பல்கலை மாணவர்களுக்கு 3 ரூபாயில் சத்துணவு திட்டம்!

முரளிராஜா · முரளிராஜா Fri Apr 29, 2011 3:38 am

இந்தியாவில் பெரும்பாலான மாநிலங்களில் வறுமை கோட்டுக்கு கீழே உள்ள பள்ளி மாணவர்களுக்கு மதிய உணவு திட்டத்தின் கீழ் உணவு அளிக்கப்படுகிறது. தமிழகத்தில் அரசு பள்ளிகள் மற்றும் அரசு உதவி பெறும் பள்ளிகளில் படிக்கும் அனைத்து மாணவர்களுக்கும் தினந்தோறும் முட்டையுடன் கூடிய சத்துணவு அளிக்கப்படுகிறது. கர்நாடக மாநிலத்தில் பல்கலைக்கழக மாணவர்களுக்கு குறைந்த கட்டணத்தில் சத்துணவு வழங்கும் திட்டம் அறிமுகப்படுத்தப்பட்டுள்ளது.

முதன்முதலாக பெங்களுர் பல்கலைக்கழகத்தில் இஸ்கான் உதவியுடன் இந்த திட்டம் நேற்று முதல் ஆரம்பித்து வைக்கப்பட்டது. இதன்படி பெங்களூர் பல்கலையில் படிக்கும் மாணவர்கள் அனைவருக்கும் ரூ.3 கட்டணத்தில் மதிய உணவு வழங்கப்படும். பல்கலைக்கழக ஊழியர்கள் மற்றும் ஆசிரியர்களுக்கு ரூ.10 செலுத்தி மதிய உணவை பெற்றுக் கொள்ளலாம். பெங்களூர் பல்கலைக்கழக துணை வேந்தர் என்.பிரபு தேவ் இத¢ திட்டத்தை தொடங்கி வைத்தார். கர்நாடகாவில் உள்ள அனைத்து பல்கலைக்கழகங்களிலும் இந்த திட்டம் விரிவுபடுத்தப்படும் என்றார்.

நன்றி தினகரன்

அசுரன் · அசுரன் Fri Apr 29, 2011 6:30 am

இது மிகச்சிறந்த சேவையாகும். எழுத்தறிவித்தவன் இறைவன் என்றால் உணவை ஞாயமான விலையில் தருபவனும் கடவுளுக்கு சமமானவர் தான். இந்த காலத்தில் சுயநலமில்லாமல் யார்தான் இருக்காங்க. இவங்கள போல ஒன்னு ரெண்டு பேரால தான் மழையே வருது. அருமையான தகவல்களை தரும் முரளிக்கு எனது பாராட்டுக்களும் எனது 501 வது பதிவையும் அளிக்கிறேன்