குழாய் தண்ணீருக்கு குட்பை சுத்தமான குடிநீர்... ரயில் பயணிகளுக்கு இலவசம்

சென்னை: ரயில் பயணிகளுக்கு சுத்திகரிக்கப்பட்ட குடிநீரை இலவசமாக வழங்குவதற்கான பரிசோதனை முயற்சியை தெற்கு ரயில்வே தொடங்குகிறது. இதற்காக தனியார் நிறுவனங்களை பயன்படுத்த இருப்பது குறிப்பிடத்தக்கது.
தமிழ்நாடு, கேரளா, பாண்டிச்சேரி மாநிலங்களையும், ஆந்திரா, கர்நாடக மாநிலத்தின் சில பகுதிகளையும் உள்ளடக்கியது, தெற்கு ரயில்வே. இந்த மாநிலங்களின் முக்கிய ரயில் நிலையங்கள் தவிர, மற்ற ரயில் நிலையங்களில் குடிநீர் வசதி என்பது அரிதுதான். அப்படி குடிநீர் வசதி கொண்ட ரயில் நிலையங்களிலும் கிடைக்கும் நீரின் தரம் குறைவு. அதிக விலை கொடுத்து பாட்டில் தண்ணீர் வாங்குவது ரயில் நிலையங்களில் அதிகம். சாதாரண பயணிகளை கருத்தில் கொண்டு தெற்கு ரயில்வே சென் னை சென்ட்ரல், எ ழும்பூர், பூங்கா உள்ளிட்ட ரயில் நிலையங்களில் சுத்திகரிக்கப்பட்ட குடிநீரை குறைந்த விலையில் விற்கிறது. அதாவது, தனியார் மினரல் வாட்டர் கம்பெனிகளின் ஒரு லிட்டர் விலையில் 3 லிட்டர் தண்ணீரை வாங்கலாம். பாட்டில் வாங்காமல் சொந்த பாட்டிலில், கேனில் வாங்கினால் இன்னும் விலை குறையும்.
இந்த வசதி போதுமானதாக இல்லை. மேலும், எல்லா ரயில் நிலையங்களிலும் இந்த வசதி இல்லாதது குறை. இதை சரி செய்யும் முயற்சியில் இறங்கியிருக்கும் தெற்கு ரயி ல்வே, தண்ணீரை சுத்திகரித்து வினியோகிப்பதில் அனுபவம் வாய்ந்த நிறுவனங்களுக்கு அழைப்பு விடுத்துள்ளது.
இந்த நிறுவனங்கள் ஒரு ரயில் நிலையத்தில் எத்தனை சுத்திகரிப்பு நிலையங்கள் வேண்டுமானலும் அமைத்துக் கொள்ளலாம். ரயில்வேக்கு எந்த கட்டணமும் செலுத்த தேவை யில்லை. ஆனால், நிலையத்தின் பரப்பு 12 சதுர அடியை தாண்டக் கூடாது. உயரம் 8 அடி இருக்கலாம். இந்த பரப்பில் தங்கள் நிறுவனத்தின் விளம்பரங்களையோ, வெளியாட் களின் விளம்பரங்களையோ இலவசமாக வைத்துக் கொள்ளலாம். கட்டணம் செலுத்த தேவையில்லை. வேண்டுமானால், ரயில்வே மூலமும் விளம்பரம் செய்து வருவாய் பார்த்துக் கொள்ளலாம்.
ஆனால் சுத்திகரிக்கப்பட்ட குடிநீரை இலவசமாக பயணிகளுக்கு வினியோகம் செய்துக் கொள்ளலாம். பாட்டிலில், பாக்கெட்டில் தரத் தேவையில்லை. பயணிகளே தாங்கள் பாட்டில் கொண்டு வந்து பிடித்துக் கொள்ளலாம். ஒரு மணி நேரத்தில் 300 லிட்டர் சுத்திகரித்து வினியோகிக்கும் திறன் கொண்டதாக சுத்திகரிப்பு நிலையம் இருக்க வேண்டும்.
இந்த சுத்திகரிப்பு நிலையத்தில் இயந்திரக் கோளாறு என்றால், சம்பந்தப்பட்ட நிறுவனமே அதனை சரி செய்துக் கொள்ள வேண்டும். எல்லா நாட்களும் சுத்திகரிக்கப்பட்ட குடிநீர் வழங்க வேண்டும். இயந்திரக் கோளாறை காரணம் காட்டி விநியோகத்தை நிறுத்தக் கூடாது. அப்படி நிறுத்தும் ஒவ்வொரு நாளுக்கும் அபராதம் விதிக்கப்படும்.
இத்தனை கட்டுபாடுகளுடன் பரிசோதனை முயற்சியை தெற்கு ரயில்வே முதல்முறையாக திருவனந்தபுரம் கோட்டத்தில் தொடங்க திட்டமிட்டுள்ளது. அதற்கான முயற்சியில் திருவ னந்தபுரம் கோட்ட ரயில்வே இறங்கியிருக்கிறது. Ôஅந்த சோதனை முயற்சிக்கு கிடைக்கும் பலனைப் பொருத்து இந்த திட்டம் தெற்கு ரயில்வேயின் மற்ற கோட்டங்களுக்கு விரிவுப டுத்தப்படும்Õ என்று தெற்கு ரயில்வே அதிகாரிகள் தெரிவித்தனர்.



தினகரன்