அபயம் கேட்டதை அறிந்தோமா?

யாதுமானவள் · யாதுமானவள் Tue Apr 26, 2011 4:27 pm

(முதல் முதலாய் ஈகரையில் இலங்கைத் தமிழர்களுக்காக என் கவிதையைப் பதிகிறேன்)

அழித்திட முழுதாய் முதற்குடி
இனமதற் காவன செய்கின்றார்
இழிசெயலி தற்குத்துணை செய்யும்
ஈனப்பிறவி களிங்கே இருக்கின்றார்
பழிகொள்ளும் பாவச் செயலினை
மூச்சாய்க் கொண்டவக் காடையரைச்
சுழித்திடும் அந்தப் பொன்னாள்
இங்குச் சடுதியில் வாராதோ

வெஞ்சினப் படைகொண்டு வேட்டை
நாயென எதிர்வந்து இழிஞர்களும்
பிஞ்சுக் குழந்தைகள் பலநூறோடு
பஞ்சுத் தலைகளைச் சாய்த்தனரே
எஞ்சிய ஈழவீரத் தமிழரின்
கல்லறை தோண்டிக் கொடியோர்கள்
மிஞ்சிய எலும்புத் துண்டுகள்
தெருவினில் வீசியும் மகிழ்ந்தனரே

கருங்குழல் பெண்கள் தலையினி
லியற்கை மணமுண்டு என்றவனே
கருகிடும் பெண்கள் கூந்தலும்
பொசுங்கிடும் மணத்தினை ரசித்தாயோ?
சுடுகின்ற கொடுஞ்செயல் புரிகின்றோனை
எரிதழல் கொண்டே தீய்க்காமல்
சுடுவிழி யொன்று நடுவினி
லிருப்பதை யீசாநீயேன் மறந்தாயோ?

காடையர் கொலைவெறி கொண்டே
தமிழனை உருக்குலைத் தெரிகின்றான்
ஆடைகள் அவிழ்த்துக் கண்களை
அடைத்துஆ டவர்பலரைச் சுடுகின்றான்
வாடைதான் பிணத்தின்வ ழியெங்கிலுமே
வதைத்தே உயிரை முடிக்கின்றான்
பீடையர் பிணந்திண்ணிக் கழுகாய்ப்
புவியினில் பிறந்ததும் இதற்காமோ?

மூடிய கண்ணுடன் முகத்தில்
முறுவலாய் மரத்தடி அமர்ந்தோனே
ஓடியே கதறித் துடித்திடும்
உயிர்களைக் காத்திட மறந்தாயோ?
நாடியே அடங்கிடும் வேளையிலா
வதுஉன்விழி திறப்பாயோ - அன்றி
நீடிய செவிப்பறை சேர்த்தே
அடைத்துச் செவிடாயி ருப்பாயோ?

யாழிசை மீட்டிப் பாடிடும்
குலத்தினில் ஏந்திழையா ளொருத்தி
ஏழிசை கீதம் பாடிடும்
குயிலாய் இசையுடன் இருந்தாளே
சூழவே காடையர் நின்றவள்
கற்பினைச் சூறையும் ஆடினரே
ஈழமே இஃதென் கொடுமையோ
என்றெம் நெஞ்சம் பதறியதே.

இம்மகள் சிங்கள வெறியருக்
கேதும் இடர்தான் செய்தனளோ
அம்மன மாக்கி மேனியைப்
பாவியர் அங்கனம் விட்டனரே
அம்மகள் மானம்காத் திடக்கீதைக்
கண்ணனும் அங்குவர வில்லையே
தம்மகள் தனையுமிழந் தவப்பேதை
தமிழளாய்ப் பிறந்ததா குற்றமங்கே?

கருவறை சிசுக்கள் உருவம்
அடையுமுன் மண்மேல் வீசுவதை
பெருவயி ரறுக்க வெளிவந்த
சிசுவும் உணர்ந்தந்தப் போழ்தினிலே
தருதலைப் படையினர் தமிழினம்
அழிப்பதைத் தடுத்திடத் திறள்கவென
ஒருகரம் நீட்டி உலகினை
நோக்கி அபயம் கேட்டதுவோ?

கொடியவச் சிங்களக் கொட்டம்
அடக்கி நம்மினம் காத்திடவே
நொடிப்பொழு தேனும் தாமதி
யாதுநா மொன்று சேர்ந்திடுவோம்
குடியது காத்துக் குலத்தமிழ்
வளர்ப்பது குலமக்கள் கடமையன்றோ
பொடிப்பொடி யாக்கிப் பகைதனைக்
கொன்று “தமிழீழம்” வென்றிடுவோம்!

ரபீக் · ரபீக் Tue Apr 26, 2011 4:31 pm

தமிழக மக்கள் மட்டுமன்றி அனைத்து மக்களும் ஏங்கிக்கொண்டிருக்கும் பிரச்சினையை ,வலியினை ,வேதனையை உணர்த்திய கவிதை ,,,,

யாதுமானவள் · யாதுமானவள் Tue Apr 26, 2011 5:16 pm

ரபீக் wrote:தமிழக மக்கள் மட்டுமன்றி அனைத்து மக்களும் ஏங்கிக்கொண்டிருக்கும் பிரச்சினையை ,வலியினை ,வேதனையை உணர்த்திய கவிதை ,,,,

நன்றி ரபீக்

balakarthik · balakarthik Tue Apr 26, 2011 5:22 pm

நிச்சயம் விரைவில் ஈழம் மலரும் உங்கள் , எங்கள் கனவு பலிக்கும் நன்றி மகிழ்ச்சி

யாதுமானவள் · யாதுமானவள் Tue Apr 26, 2011 5:39 pm

balakarthik wrote:நிச்சயம் விரைவில் ஈழம் மலரும் உங்கள் , எங்கள் கனவு பலிக்கும் நன்றி

நன்றி கார்த்தீ....

ஷீ-நிசி · ஷீ-நிசி Thu Jun 23, 2011 11:35 pm

விரைவில் ஒரு விடியல் பிறக்கட்டும்

Sponsored content · Sponsored content

அபயம் கேட்டதை அறிந்தோமா?

அபயம் கேட்டதை அறிந்தோமா?

Re: அபயம் கேட்டதை அறிந்தோமா?

Re: அபயம் கேட்டதை அறிந்தோமா?

Re: அபயம் கேட்டதை அறிந்தோமா?

Re: அபயம் கேட்டதை அறிந்தோமா?

Re: அபயம் கேட்டதை அறிந்தோமா?

Re: அபயம் கேட்டதை அறிந்தோமா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக