திமுக - காங்கிரஸ் கூட்டணி முறிவா? ஆதரவை விலக்குமா திமுக?

by **அருண்** Tue Apr 26, 2011 11:41 am

2G ஊழல் வழக்கில் இன்று சி பி ஐ துணை குற்றப் பத்திரிக்கை தாக்கல் செய்ய உள்ளது. துணைக் குற்றப் பத்திரிக்கையில் தமிழக முதல்வர் கருணாநிதியின் மனைவி தயாளு அம்மாள் மற்றும் மகள் கனிமொழி பெயர்கள் இடம்பெறலாம் என்றும் எதிர்பார்க்கப் பட்ட நிலையில் தயாளு அம்மாள் பெயர் இடம்பெறாது என டெல்லி வட்டாரத் தகவல்கள் தெரிவிக்கின்றன.

இருப்பினும் கனிமொழியின் பெயர் துணைக் குற்றப் பத்திரிக்கையில் இடம்பெறலாம் என்று கூறப் படும் நிலையில் குற்றப் பத்திரிக்கையில் கனிமொழி பெயர் இடம்பெறும் நிலையில் கனிமொழி கைது செய்யப் படக் கூடும். இந்நிலையில் மத்திய அரசுக்கு அளித்து வரும் ஆதரவைத் திமுக விலக்கிக் கொள்ளும் என்று அரசியல் வட்டாரத்தில் எதிர்பார்ப்பு நிலவி வருகிறது.

தமிழக சட்டமன்றத் தேர்தல் முடிவுகள் வெளிவராத நிலையில் திமுக கூட்டணி தமிழகத்தில் வெற்றி பெறும் பட்சத்தில் காங்கிரஸ் ஆதரவுடன் மட்டுமே கூட்டணி ஆட்சி அமைக்க முடியும் என்ற நிலையில் திமுக அவசரப் பட்டு காங்கிரஸ் கூட்டணியை உதறி விட்டு வெளியே வரவும் வாய்ப்பு இல்லை. எனவே தமிழகத் தேர்தல் முடிவுகள் வரும் வரை திமுக பொறுமை காக்கும் என்றும் தெரிகிறது.

இந்நேரம்