உனக்கும் எனக்குமான....

மஞ்சுபாஷிணி · மஞ்சுபாஷிணி Wed Jul 21, 2010 10:07 am

உனக்கும் எனக்குமான இடைவெளியை
நினைவுகள் தின்று தீர்க்கட்டும்

நம்முள் உருவான காதல்
உறுதியாய் நின்று பறைசாற்றட்டும்

நம்மில் நிறைந்த அன்பு கரைந்து
மனதை உயிர்ப்பிக்கட்டும்

நம்மிடையே தொடங்கிய புரிதலின்மை
என்றும் மறைந்து போகட்டும்

பெருகிய கண்ணீரில் உண்மை அன்பை
உரக்கச்சொல்லி கதறட்டும்

நம்மை இணைத்த இறைவன்
பிரிந்திடாது காக்கட்டும்

இன்றைய விடியல் உனக்கு
நன்மை மட்டுமே சேர்க்கட்டும்

உருகி கரையும் மனதுடன்
காதலை பிதற்றட்டும்

நான்கொண்ட மௌனமும்
காதல் சத்தியமென சொல்லட்டும்

பிரிவு நமக்குள் வேண்டாமென
இறையை வேண்டட்டும்

உன்னுள் என்னை முழுதாய்
உயிர்ப்பித்த அன்பு அமைதியாய்

உன்னை என்னிடம் சேர்க்கும்
என்ற நம்பிக்கையோடு காத்திருக்கட்டும்....

சபீர் · சபீர் Wed Jul 21, 2010 10:16 am

இளமையான காதல் வரிகள் அத்தனையும் உள்ளத்தைதொடும் வரிகளாகவே உள்ளது அக்கா.

அன்பு நன்றிகள் அக்கா

நவீன் · நவீன் Wed Jul 21, 2010 10:46 am

நான்கொண்ட மௌனமும்
காதல் சத்தியமென சொல்லட்டும்
உனக்கும் எனக்குமான.... 677196

**சிவா** · **சிவா** Wed Jul 21, 2010 10:50 am

”உனக்கும் எனக்குமான” இது கவிதை மட்டுமல்ல...! ஒவ்வொரு மனதின் ஏக்கமும்கூட!

மஞ்சுபாஷிணி · மஞ்சுபாஷிணி Wed Jul 21, 2010 11:21 am

சபீர் wrote:இளமையான காதல் வரிகள் அத்தனையும் உள்ளத்தைதொடும் வரிகளாகவே உள்ளது அக்கா.

அன்பு நன்றிகள் அக்கா

மன உணர்வுகள் எப்போதுமே உள்ளத்தை தொடும் விதமாகவே அமைந்துவிடுகிறது சபீர்..

அன்பு நன்றிகள்பா..

**கா.ந.கல்யாணசுந்தரம்** · 28/02/2009

நம்மை இணைத்த இறைவன்
பிரிந்திடாது காக்கட்டும்

இன்றைய விடியல் உனக்கு
நன்மை மட்டுமே சேர்க்கட்டும்...........

மனிதநேயமிக்க வரிகளின் சொல் நயம்
உண்மையிலேயே உங்களின் கவித்திறன்.
இனியவை பேசி இன்னல் அகற்றுதல் என்பது
மனிதத்தின் முக்கிய குறிக்கோளாக இருக்க வேண்டும்.
சரிதானே?

சிறந்த கவிதை தந்தமைக்கு பாராட்டுக்கள்.

அன்பன்,
கா.ந.கல்யாண்.

மஞ்சுபாஷிணி · மஞ்சுபாஷிணி Wed Jul 21, 2010 12:16 pm

நவீன் wrote:நான்கொண்ட மௌனமும்
காதல் சத்தியமென சொல்லட்டும்

அன்பு நன்றிகள் நவீன்....

**V.Annasamy** · **V.Annasamy** Wed Jul 21, 2010 12:19 pm

உள்ளத்து கருத்தினை
தெள்ளத் தெளிவாய்
உள்ள படியே
உரைத்த வரிகள் ..

மஞ்சுபாஷிணி · மஞ்சுபாஷிணி Wed Jul 21, 2010 4:35 pm

சிவா wrote:”உனக்கும் எனக்குமான” இது கவிதை மட்டுமல்ல...! ஒவ்வொரு மனதின் ஏக்கமும்கூட!

சத்தியமான வார்த்தை சிவா.. அன்பு நன்றிகள்பா...

ஹாசிம் · ஹாசிம் Wed Jul 21, 2010 4:40 pm

அழகான உடன்படிக்கை அற்புதமான வரிகளில் இவைகள் நடந்து விட்டால் வாழ்கையின் சுபீட்சம் தேடவேண்டியதில்லை கவிமணியின் காதல் உடன்படிக்கை வரிகள் பாராட்டுகள் அக்கா

Sponsored content · Sponsored content

உனக்கும் எனக்குமான....

உனக்கும் எனக்குமான....

Re: உனக்கும் எனக்குமான....

Re: உனக்கும் எனக்குமான....

Re: உனக்கும் எனக்குமான....

Re: உனக்கும் எனக்குமான....

Re: உனக்கும் எனக்குமான....

Re: உனக்கும் எனக்குமான....

Re: உனக்கும் எனக்குமான....

Re: உனக்கும் எனக்குமான....

Re: உனக்கும் எனக்குமான....

Re: உனக்கும் எனக்குமான....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக