போர்விதிகளைக் கடைப்பிடித்திருந்தால் போர்க்குற்றச்சாட்டுகள் எழுந்திருக்காது சில்வா

[ திங்கட்கிழமை, 25 ஏப்ரல் 2011, 12:28.53 PM GMT ]

விடுதலைப் புலிகளுடனான போரின் போது அனைத்து படைத் தளபதிகளும் போர்தர்மங்களைக் கடைப்பிடித்திருந்தால் போர்க்குற்றச்சாட்டுகளை எதிர்கொள்ளும் நிலையேற்பட்டிருக்காது என்று மேஜர் ஜெனரல் பிரசன்ன சில்வா குறிப்பிடுகின்றார்.

இறுதிக்கட்ட யுத்தத்தின் போது 55 மற்றும் 59வது படைப் பிரிவுகளை வழிநடாத்தியிருந்த மேஜர் ஜெனரல் பிரசன்ன சில்வா, தற்போது பிரிட்டனிலுள்ள இலங்கைத் தூதரகத்தில் பாதுகாப்பு ஆலோசகராக கடமையாற்றுகின்றார்.

யுத்த காலத்தின் போது தான் வழிநடாத்திய படைப்பிரிவின் எந்தவொரு படைவீரரும் சிவிலியன் இலக்குகளைத் தாக்கவில்லை என்பதுடன், யுத்தத்தில் இறந்த விடுதலைப் புலி உறுப்பினர்களின் உடல்களை போர் தர்மங்களுக்கு ஒப்ப புதைப்பதற்கு நடவடிக்கை எடுத்திருந்ததாகவும் குறிப்பிட்டுள்ளார்.

மேலும் அவ்வாறு புதைக்கப்பட்ட இடங்களை வரைபடமாக பதிவு செய்து அதனை இராணுவத் தலைமையகத்துக்கு அனுப்பி வைக்க நடவடிக்கை எடுத்ததாகவும் அவர் தெரிவிக்கின்றார்.

சரணடைந்த மற்றும் கைது செய்யப்பட்ட விடுதலைப் புலிகளின் முக்கியஸ்தர்கள் மற்றும் சாதாரண உறுப்பினர்களைக் கூட பாதுகாப்புடன் அழைத்துச் சென்று ஓமந்தை சோதனைச் சாவடியில் ஒப்படைத்ததாகவும் அவர் சுட்டிக்காட்டுகின்றார்.

விடுதலைப் புலிகளின் முன்னாள் முக்கியஸ்தர்களான தயா மாஸ்டர், ஜோர்ஜ் மாஸ்டர் ஆகியோர் மட்டுமன்றி விடுதலைப் புலிகள் அமைப்பின் தலைவர் பிரபாகரனின் தாய், தந்தையும் மேஜர் ஜெனரல் பிரசன்ன சில்வாவின் படையணியினரிடம் சரண் அடைந்தவர்களே என்பது குறிப்பிடத்தக்கது.

ஆயினும் ஏனைய படைத்தளபதிகளான மேஜர் ஜெனரல் சவேந்திர சில்வா, மேஜர் ஜெனரல் கமால் குணரத்ன ஆகியோர் போர் தர்மங்களை மதித்து நடக்காததே இன்றைய சர்வதேச நெருக்கடிக்கு முக்கிய காரணமாக அமைந்திருப்பதாகவும் அவர் சுட்டிக்காட்டுகின்றார்.

கடந்த வாரம் பிரித்தானிய தூதரகத்தில் இடம்பெற்ற நிகழ்வொன்றின் போது மேஜர் ஜெனரல் பிரசன்ன சில்வா தனது நண்பர்கள் மட்டத்தில் இத்தகவல்களைப் பகிர்ந்து கொண்டிருந்தார்

அதுக்காக இவரு ரொம்ப நல்லவருனு சொல்ல சொல்லுரிங்களா

யாரப்பா என்னோட சந்தைக்கு வாறது? இதிலே குற்றம் நடந்தது என்பதனை அவர் ஏர்ருக்கொள்கிறார் அவ்வளவுதான்

kannan3536 wrote:யாரப்பா என்னோட சந்தைக்கு வாறது? இதிலே குற்றம் நடந்தது என்பதனை அவர் ஏர்ருக்கொள்கிறார் அவ்வளவுதான்

இத அவரு இலங்கயில இருந்தப்பவே சொல்லிருந்தா அவரு மேஜர் இப்போ அவருக்கு வரபோகுது பேஜார்

அது சரி சட்டாயே கிழியலா இதப்போயி சண்டயினு சொல்லுரிங்க குறும்பு

போர் குற்ற அறிக்கை எப்பொழுது வெளியாடப்படுகிறது?

அது தானே இலுத்தடிக்கிறாங்கள்

அறிமுக நாயகன் wrote:போர் குற்ற அறிக்கை எப்பொழுது வெளியாடப்படுகிறது?

ராஜபக்சே இறந்த பிறகு

ஏன் மேஜர்!! இவ்வளவு அவசரமா சொல்றீங்க?? இன்னும் அஞ்சாறு வருசத்துக்குப் பிறகு சொன்னால்தானே நல்லா இருக்கும்..
எல்லாருமா செஞ்சுப்புட்டு நீங்க மட்டும் நழுவப் பாக்கிறீங்களே!!

போரே நடக்கல எண்டு அமைச்சர் தினேஷ் குணவர்த்தன சொல்லிப்புட்டாரு..
அப்புறமா எங்கிட்டு போர் குற்ற அறிக்கைய கணக்கில எடுக்கப் போறாங்களாம்??

அது சரி.....

நடக்கட்டும்.