ரயிலில் முன்பதிவு செய்தவர்களின் அவஸ்த்தை

by அசுரன் Sun Apr 24, 2011 7:37 pm

அன்புள்ள ஈகரையோரே வணக்கம். நான் கடந்த ஏப்ரல் 12ஆம் தேதி அன்று எனது சாரண மாணவர்களை அழைத்துக்கொண்டு கோவைக்கு இன்ட்டர் சிட்டி விரைவு இரயிலில் முகாமிற்கு சென்றேன். அது சரியாக ஒரு வாரம் நடைபெற்றது. பிறகு மீண்டும் கோவையிலிருந்து சென்ட்ரலுக்கு கோவை விரைவு ரயிலில் வந்தேன். ஆக போகும் போதும் வரும் போதும் இரண்டாம் வகுப்பு முன்பதிவு வசதியை செய்திருந்ததால் எந்த வித சிக்கலும் இன்றி பயணம் இருக்கும் என்று எண்ணினேன். ஆனால் நடந்ததோ வேறு. ஆம், இரயில் புறப்பட்ட உடன் தான் தெரிந்தது அந்த இரயிலில் முன்பதிவு செய்யாதவர்களும் ஏறுவார்கள் என்று. வாழ்க்கையே வெறுத்துவிட்டது என்னும் அளவிற்கு அதில் கூட்டம் அலைமோதியது. வெறும் முன்பதிவு செய்யாத டிக்கெட்டை வாங்கிக்கொண்டு இந்த ரிசர்வேஷன் கம்பார்ட்மென்டுகளில் ஏறியவர்கள் முன்பதிவு செய்தவர்களின் வசதியை குறைக்கும் வகையில் நடந்துக்கொண்டது என்னை மனதளவில் பாதிப்படைய செய்தது. கால்களுக்கு நடுவே நின்றுக்கொள்வது, குழந்தைகளையும் பெண்களையும் இந்த பெட்டிகளில் பெருமளவில் ஏற்றிக்கொண்டு நம் கருணைக்காக காத்திருப்பது என அனைத்து விசயங்களும் நடந்தேறியது. அவர்களின் பெட்டிகளும் உடமைகளும் வழியெங்கும் இருந்ததால் நடக்கக்கூட முடியாத நிலமை போங்க. அங்கிங்கு கேன்சலாகும் ஓரிரு டிக்கெட்டுகளுக்காக இதுபோன்று முன்பதிவு செய்யப்பட்ட பெட்டிகளில் நிறையபேரை ஏற விடுவது நியாயமா? ரயில்வே நிர்வாகத்தின் இந்த போக்கை யாரிடம் குறை கூறுவது தெரியவில்லை. நண்பர்கள் இதுபற்றி கருத்து தெரிவிப்பதோடு மட்டுமல்லாமல் இந்த குறையை தீர்க்க யாரிடம் முறையிடுவது என்றும் கூறினால் நலமாகும்.

by அசுரன் Sun Apr 24, 2011 7:43 pm

நான் மக்களை குறைகூறுவதாக எண்ணாமல் இந்த கருத்தை ஆழமாக பாருங்கள். முன்பதிவு செய்தவர்கள் இருக்கையில் அமரும் வசதியை பெற்றார்களே ஒழிய அவர்களால் கழிவறைக்குகூட நிம்மதியாக செல்ல இயலாத நிலை இருந்தது. அந்த பெட்டியில் இருந்த (கேன்சலான) வெறும் 6 இருக்கைகளுக்காக குறைந்தது 40 பேர் ஏறினார்கள். இதில் வழிநெடுக வியாபாரிகளும், பாட்டு பாடுவோரும், பிச்சை எடுப்போரும், உடல் ஊனமானவர்களும் மற்றும் ரயில்வே துறையின் பேன்னட்டரி (உணவு) சப்ளையர்களுமாக இருந்த கொஞ்ச நஞ்ச நிம்மதியையும் போக செய்தனர். முன் அனுமதியின்றி நமது இருக்கைகளில் உட்கார்ந்து கொள்வதும், பிறகு நாம் வந்து அவர்களிடம் வாய்கிழிய கத்தினால் தான் நகர்வதுமாக மிகுந்த மனஉளைச்சல் ஏற்பட்டது. வரும்போது அரக்கோணம் இரயில் நிலையத்தில் சில ரயில்வே ஊழியர்கள் வண்டியில் ஏறிக்கொண்டு மாணவர்களை நகர்ந்து உட்கார சொல்ல நான் அவர்களை எல்லார் முன்னிலையிலும் உரத்த குரலில் எனது ஆதங்கத்தை கூற அவர்கள் அங்கிருந்து நகர்ந்தனர். இன்னும் நிறைய சொல்ல இருக்கு ஆனா பிடிக்கல புன்னகை

by **Tamilzhan** Sun Apr 24, 2011 7:46 pm

http://indianrailways.gov.in/view_section.jsp?lang=0&id=0,7,275

இங்கே சென்று புகார் அளிக்கலாம்..!

by அசுரன் Sun Apr 24, 2011 7:54 pm

Tamilzhan wrote:http://indianrailways.gov.in/view_section.jsp?lang=0&id=0,7,275

இங்கே சென்று புகார் அளிக்கலாம்..!

நன்றி நண்பரே! சென்னைக்கான பொதுமேலாளர் அவர்களுக்கு (drmmas@sr.railnet.gov.இன்) புகார் அனுப்பிவிட்டேன். பார்க்கலாம் என்ன பதில் வருகிறது என்று? சூப்பருங்க

by மஞ்சுபாஷிணி Sun Apr 24, 2011 11:39 pm

நார்த் சைட்ல இது ரொம்ப நடக்குது இனியா....

ஷீர்டி போகும்போது இதுபோன்று நிறைய பிரச்சனைகள் ஒவ்வொரு முறை நாங்க சந்திக்கிறோம்....

யாராலும் ஒன்றும் செய்ய முடியாது இவர்களை.... டிடி ஆரும் நைசா கண்டுக்கிறதும் இல்லை...

by அசுரன் Sun Apr 24, 2011 11:43 pm

மஞ்சுபாஷிணி wrote:நார்த் சைட்ல இது ரொம்ப நடக்குது இனியா....

ஷீர்டி போகும்போது இதுபோன்று நிறைய பிரச்சனைகள் ஒவ்வொரு முறை நாங்க சந்திக்கிறோம்....

யாராலும் ஒன்றும் செய்ய முடியாது இவர்களை.... டிடி ஆரும் நைசா கண்டுக்கிறதும் இல்லை...

அவரு தெரிஞ்சே தான் கண்டுக்கறது இல்லைக்கா! ஒவ்வொரு சீட்டுக்கும் அவருக்கு 50 கிடைக்குது. பாவம்

by Sponsored content

ரயிலில் முன்பதிவு செய்தவர்களின் அவஸ்த்தை

ரயிலில் முன்பதிவு செய்தவர்களின் அவஸ்த்தை

Re: ரயிலில் முன்பதிவு செய்தவர்களின் அவஸ்த்தை

Re: ரயிலில் முன்பதிவு செய்தவர்களின் அவஸ்த்தை

Re: ரயிலில் முன்பதிவு செய்தவர்களின் அவஸ்த்தை

Re: ரயிலில் முன்பதிவு செய்தவர்களின் அவஸ்த்தை

Re: ரயிலில் முன்பதிவு செய்தவர்களின் அவஸ்த்தை

Re: ரயிலில் முன்பதிவு செய்தவர்களின் அவஸ்த்தை