கடவுள் நம்பிக்கை----அறிமுக நாயகன்

கடவுள் இருக்கிறாரா, இல்லையா என்ற வாதம் பல ஆண்டுகளாகவே நீடித்து வருகிறது. பலர் கடவுளே இல்லை என்ற வாதங்களை பரப்பி வருகிறார்கள். அப்படி கடவுளே இல்லைஎன்று கூறிக் கொண்டு தன் புகழ் பாடும் பலர் சொந்த வாழ்வில் முரண்பட்ட கருத்துக்களை கொண்டு இருந்திருக்கிறார்கள். அப்படி கடவுள் இல்லை என்று கூறி வந்த திராவிட இயக்கங்களை சேர்ந்த சிலரைப் பற்றி பார்ப்போம்.

தந்தை பெரியார்:
கடவுள் இல்லை கடவுள் இல்லவே இல்லை என்ற கருத்துக்களை மக்களிடையே பரப்பியவர் பெரியார் . ஆனால் கடவுள் இல்லை என்ற நோக்கில், சாதாரன மக்கள் கடவுளை உச்சரிப்பதை விட, பல முறை கடவுள் என்ற பெயரை உச்சரித்தவர் தான் பெரியார்.

அறிஞர் அண்ணா:
பெரியாரின் கொள்கைகளை கொண்டு திமுக வை தொடங்கிய அண்ணா அவர்கள் 1967 ஆம் ஆண்டு தேர்தலில் வெற்றி பெற்று முதல்வரானார். அப்போது அண்ணாவிடம் நிருபர்கள், நீங்கள் பெரியாரின் கடவுள் இல்லை என்ற கொள்கைகளைத் தான் பின்பற்ற போகிறீர்களா என்று கேட்டனர். அதற்கு அண்ணா ஒன்றே குலம், ஒருவனே தெய்வம் என்று பின் வாங்கினார்.

சிவாஜி கணேசன்:
கலைஞர் கருணாநிதி அவர்களின் வசனத்தில் பராசக்தி படத்தில் நடித்தவர் சிவாஜி. கலைஞரின் நாத்திக வசனங்களான "சாமி சிலை வந்து எப்படா பேசுச்சு" போன்ற வசனங்களை விரும்பி பேசினார். இத்தகைய புரட்சி வசனங்களில் ஈர்க்கப்பட்டார் சிவாஜி. ஆனால் பின்னர் கடவுளால் ஈர்க்கப்பட்டு திருச்சி திருவானைக்காவல் கோவிலுக்கு யானையை பரிசாக வழங்கினார் சிவாஜி.

நாவலர் நெடுஞ்செழியான்:
"கடவுள் சிலைகளை பீரங்கி கொண்டு உடைத்தால் தான் மக்கள் ஒழுங்காக வாழ்வார்கள்" என்று பேசிய நெடுஞ்செழியனும் பிற்காலத்தில் கடவுளால் ஈர்க்கப்பட்டார்.

எம்ஜிஆர்:
திரைப்படங்களில் கடவுள் மீது ஆணையாக என்பதற்கு பதில் அன்னை மீது ஆணையாக என்று வசனத்தை மாற்றி பேசியவர் எம்ஜிஆர். ஆனால் முதல்வராக இருந்த போது கடவுளால் ஈர்க்கப்பட்டு கோவில்களுக்கு பல சேவைகளை செய்திருக்கிறார்.

கலைஞர் கருணாநிதி:
கடவுளை நான் நம்புவதில்லை என்று மேடை தோறும் பேசி வருபவர் கருணாநிதி. ஆனால் இவர் முதல்வரான போது தான் பல கோவில்களுக்கு குடமுழுக்கு நடத்தினார். பல கோவில் குளங்களை செப்பனிட்டார். தலைவரது குடும்பங்கள் கோவிலில் குடியாய் இருக்கிறார்கள்.

கடவுளே இல்லை என்று கூறும் ஆட்சியாளர்கள் கோவில்களின் வருமானத்தை மட்டும் அரசு கருவூலத்தில் சேர்க்க நினைக்கலாமா? இந்து அறநிலைய துறை அமைச்சகத்தை நீக்கி விடலாமே?

ஒருவர் பின்பற்றும் மதம் எதுவாக இருந்தாலும், வணங்கும் கடவுள் எதுவாக இருந்தாலும் பேதங்களைத் தாண்டி மன அமைதியை மக்கள் அடைகிறார்கள் என்பதே உண்மை. தனக்கு பிடிக்கவில்லை என்பதற்காக பிறரையும் நம்பாமல் இருக்கும் படி வற்புருத்துவது பெரும் தவறு. அப்போது தான் அமைதியும் ஒற்றுமையும் ஏற்படும்..